¹ Pimano bala kame i doun me ijurak atot oluko wan kede, poore wada oketunu yec odio wa dedede tenge, kede dub kame lolo wa, di okounu kanyakino piem me ringo kame ocibo i nyim wa. ² Di okounu keto cunywa but Yesu ngat obedo agege kede ajikini me yei wa pi ilel ame bin ocibo i nyime komio en eko kanyakino yeno musalaba di leuc lii ne, doko naan da etie bedo ibad me tetucam me jago ka Rubanga Papa ³ Otamunu ber kong pi en yei kanyakino yeno dubwa dedede ikome, me wek kur oolunu di cuny wa ko kwanyere kibute tenge ⁴ Ijemo wa idub, pwodi likame tie ngatamoro kame remo mere oony di iyiunu kede dub ⁵ Mam nan do wii u otieko wil kede kop me dino cuny kame yamo butu bala idwe be, atina kame Rubanga obitaro in kur iter bala gi me tuko, do bobo kame ecoki kur ikwany cunyi tenge kibute ⁶ Pien Rwot bitaro ngat kame en emaro doko da omio alola me can poto but ngat kame en emaro ⁷ Kame wun ikanyakino ibitar, Rubanga tero wu bala idwe mege, pien atin mene ino kalikame Papa mere bitaro? ⁸ Do likame ebitaro wu di wun dedede ibedunu idwe mege dwong mere be likame wun ibedunu mege me ateni ⁹ Akalamo mere wan otienu kede Jo a Papa wa onywalo wa, kame coro wa, kame wan omio but gi, pinyo bodo omio wan likame omio wor but gi, pinyo bodo omio wan likame omio wor adwong lono but Papa me cuny wa di oko kuo? ¹⁰ Pien jo apapi wa me piny kan ikare acecek oudo bitaro wa pi pwonyo wa di gin ki pwoyo da, do Rubanga bitaro wa pi bero wa, me wek wan onyuwak kede cilo mere. ¹¹ Pien likame tie ibitar aneno ikare di eber ibut wa do alit, kenekene, do icen mere eko kelo anyakini me mulem kede kuo opoore but jo abeo iye ¹² Pi mango kiaruwunu badu odoko nyap malo, ikonu ketakino congu ditek ¹³ iikonu iko yote me tienu lubo, me wek kame tie ngatamoro ongwalo kur eparao tenge ¹⁴ Tamakino nu bedo kede mulem but jo dedede, kede poore abongo magonogi likame tie ngatamoro ayaro neno Rubanga ¹⁵ Nenunu be kur ngatamoro kei kisa ka Rubanga, kur alias me gero dub u ¹⁶ Kur ngat angadote, amoto ngat kalikame woro Rubanga, bala nat Esau ocato twer me nywali mere pi dul me ringo ¹⁷ Pien wun ingeunu da be icen mere kame oudo kono esikia kede winyo, oko dagine piento likame eudo kare me iswilar, akadi bed bala oudo emito kede cunye dedede di ekok akaka ¹⁸ Pi wun likame ibinunu imoru kalikame liel mac kalikame poore amula, kede i colo acucucu, kede i yamo abuko ¹⁹ kede ikoko me agwara, kede idwan alelemo kitek owok imalo omio jo kame owinyo dwan nono oko dagi kur bobo omed yamo negi kop nogi ²⁰ Pien gin bin likame kiko yei kanyakino lubo cik kame omio gi be kame lee moro omulo moru ni opoore didipo en kede kide di oko uce auca ²¹ Pien gi abin oneno ne Musa okelo lworo adwong kede miel me kom bute ²² Do wun ibinunu imoru me Sinai kede ibomba ka Rubanga ame kuo, i Yerusalem kame tie malo kede iye ekodet me imalaikan kalikame marere ²³ Do wun ibinunu icokere kede ikanisa me atin kao, jo ame owandiko nyingi malo but Rubanga kame ongolo ne jo dedede kop ²⁴ kede but Rwot Yesu kame tie nga cungo me isikan anyen, kede iremo ame okikiro kame oyamo kope abeco lono me Abel ²⁵ Nenunu be likame idagunu winyo, ngat kame tie yamo, piento kabin gin likame kiko bwot pi dagi winyo kop me ngat katie yamo kede gi ilobo kan, wan obinunu bwot benyo? iye epone nono wada likame obino bwot kame onyiko tenge kibut ngat kame yamo imalo nono ²⁶ ngat abin dwane oyayango wii lobo, do nan eciko di ewaco be likame ebino yayango wii lobo kenekene do malo da ²⁷ Do kop kame ewaco be, tien acel nyuto kwanyo jamini ayayangun, magonogo en jamini acwea me wek kalikame ocweo dongi ²⁸ Pimano wan otiekunu udo jago kalikame kwanyere, kede kisa kame mio wa timo tic a Rubanga kede wmolo ²⁹ Pien Rubanga wa tie mac kame camaro