1
. Do Saulo oudo pwodi tie mede kede wei me wowono kede neko jo siao ka Rwot, en eko oot but ngatl jo Saseredoti.
2
. di eko penyo baluwan ibute me oot nyutere isinogogan kame tie Damasiko tetekeny kame eudo jo kame lubo yong ayo ka Rwot, cuo wabo mon, wek etwe di eko kelogi Iyerusalem.
3
. Di do bin Saulo onoko bomba me Damasiko cucuto di asara kame rieny yai ki malo oko care.
4
. En eko poto piny, di eko winyo dwan kame waco ne be "Saulo, Saulo, pinyo komio in itie tidilo ango?"
5
. "Saulo oko penye be "in ngai Rwot?" Di Rwot dwoko ne be, "Ango en Yesu kame in itie tidilo. Etie gi kametek twatwal in gweno okuto.
6
. Di kome, ko geno miel kede ur me iworo di eko penye be "Rwot, nyo kame imto na be atimi" Rwot diko yamo ne be "yai malo diko ot iko donyo ibomba, di oko bino yamoni gi kame ipore timo.
7
. Jo kame bin eupere kede oko cungo di likame kitwero yamo, pien oudo ki winyo dwon do likame kineno ngat amoro.
8
. Saulo oko yai kipiny kakame wange oyabere kede likame eko twero meno ngat amoro. gin kiko mako cinge kiko peene tere Damasiko.
9
. En eko tieko ceng adek di likame eneno piny, doko da di likame ecamo akadi mato gi moro.
10
. Nga Siao moro oudo tie Damasiko, kame nyinge Anania; Rwot oko lwonge igia nyuta be, "Anania" di en eko dwoko be, "Rwot, ango ine."
11
. Rwot oko wacone be "Yai iko ot igudo kame olwongo be, gudo ko riere, di iko penyo kiot me icuo kame nyige yuda kakame icuo moro kame nyinge yuda kakame icuo moro kame nyinge Saulo me Taruso tie iye pien neninge en etie ilega.
12
. En etieko neno dano moro kame nyinge Anania iyabere di etie bino di eko keto cinge iwic, teteng wange nen bobo.
13
. Do Anania oko dwoko ne be, "Rwot ango atieko winyo kop ikom icuo no kibut jo atot, twon raco kame en etieko timo ne jo ni ki Yerusalem.
14
. Doko kikame da en etieko udo twer kibut jo dongo me jo saseredotin pi tweno jo dedede kame lwongo nyingi."
15
. Do Rwot oko waco ne be "in oti, piento en etie ngatic nango kame ango ayero pi mino nyinga ngere but jo kalikame Iyudayan abakai kede idwe me Isirael.
16
. Pien ayro nyuto ne epone ka me miero enen kede can pi nyinga"
17
. Anania di be koyai eko ot edonyo iot nono, en eko keto cinge iwi Saulo di ewaco ne be, "Omina Saulo, Rwot Yesu ngat kame bin oneeno buti iyongayo di oudo itie bino Damasiko kane oora buti tetekeny wangi nen piny bobo di iko pong kede Tipo kacil"
18
. Cucuto nono dido gi moro kame cal kede abokoya me aporogo, oko poto ki wange di wenge oko cako neno piny bobo; di do en eko yai oko Batiso en.
19
. Ikare kame ecamo kede, di eko doko tek. Saulo oko tieko ceng atot Damasiko di ebedo kede josiao.
20
. Cucuto nono en eko ot cako tatamo nying Kristo isinagogan di ewaco be en nono kame ebedo wot ka Rubanga.
21
. Jo dedede kame bin owinyo kop mere oko uro, di ki waco be "Mam icuo noni en kame oudo neko jo kame lwongi Yesu Iyerusalem? kop acel noni en komio ebino kan da, pi mako jo di eterogi inyim jo dongo me jo saseredoti di etweogi?"
22
. Do Saulo oko meede ameda doko tek, di eko cungo wi Iyudayan kame oudo bedo Damasiko, di enyuto ne gi be Yesu ni en kame Kristo.
23
. Ingei ceng atot, Iyudayan oko iiko tam me neke.
24
. Do Saulo oko ngeno tam gi nono. Gin oudo kidaro dog erute iwor kede iceng, pi mito neke.
25
. Do iwor acel jo siao mege oko tere diki ko kete ie ebukit kiko yololo en piny ki wi apama.
26
Do Kakame bin Saulo otuno kede Yerusalem, en eko tamo ribere kede josiao, do gin dedede kiko bedo kede lworo i kome, pien gin oudo likame kiyei be ebedo ngasiao.
27
Dido Baranaba oko kwanye, di eko tere but joor, di en eko tatamo ne gi epone kame Saulo oneno kede Rwot i yongayo, kede ekite kame Rwot oko yamo kede. Doko da en eko waco ne gi epone kame Saulo otuco kede ejiri i nying Yesu i Damasiko abongo lworo.
28
. Di do Saulo oko bedo kede gi elologo Yerusalem dedede.
29
. Di etuco ejiri inying Rwot Yesu abongo lworo di epiem kede Iyudayan kame, bin yamo leb Gurik, di gin oudo kite mito neke.
30
. Do kakame jo ko yei Kristo oko ngeno kede tam gi nono, gin kiko tere sisiria diki ko cwane toto Taruso.
31
. Pi mano ekodet me jo Kristo Iyudea, Igalilaya kede Isamaria dedede oko bedo kede mulem di kiko doko tek. diki meede donge di kinyai iyore me lworo Rubanga, doko di cuny acil kweo cuny gi.
32
. Ikare kame Petero oudo tie ririmo kede adulion dedede kame jo koye Kristo ooudo tie iye, eko tuno but jo kacil kame oudo tie Luda.
33
. En eko udo icuo kame nyinge Aenia kuno, kame oudo tuo oneko kome di likame etweko yai ki i apien pi mwakini kanyauni.
34
. Di Petero okoo waco ne be, "Aenia, Yesuame Kristo ocangi, Aso yai malo i pet ka butoni, "cucuto nono di en eko yai malo.
35
. Jo dedede me Luda kede saron oko nene di kiko lokere but Rwot.
36
. Oudo nga siao moro tie jopa kame nyinge Tabisa, kame ko lwongo ileb Gurik be Dorika en oudo etimo tice ka beco doko di ekonyo jo can iyore kapapat.
37
. Ikare nono tuo oko make di eko to ikaro kame ki lwoko kede kome di kiko piele la agola me malo.
38
. Do kite kame luda oudo Iyapiyapi kede jopa josiao oko winyo be Petero oudo tie kuno, di gin kiko cwano jo re buute pi ngangao en pi tuno but gi awakawaka.
39
. Petero oko yai di eko upere kede gi, kame etuno kede, kiko tere u agola me malo nono. Apuserun lung diko cungo ingete di ki kok, diki nyotone ikotin kame Dorika oudo lem cweo di pwodi oudo etie kede gi di ekuo.
40
. Do Petero oko cwano gin dedede ooko di en eko riondiko piny di eko lego. en eko lokere kaka me kom ngat oto oudo tie iye di eko waco be, "Tabisa, yai malo." Tabisa oko yabo wange, kakame eneno kede Petero en eko yai di eko bedo.
41
. Petero oko cwanone cinge di eko kiarao en malo di Petero oko lwongo jo kacil kede apuserun ka, di eko mino gi Tabisa di kuo.
42
. Jo ka me bin tie jop dedede oko winyo kop ikom gi kame otimere di jo atot oko yei Rwot.
43
. Di Petero oko dong bedo jopa pi ceng mogo atotot di ebedo ipaco me icuo kame nyinge Simoni, nga nyong iauni.