1
. Dokon icengere nogo, kakame wel me josiao omede kede, ngur oko cikere kibut jo Guresia ikom iburanian pien apuserun gi owuda kocacao ikom poko jame me buli ceng.
2
. Didodo jo tomon kiwie are oko lwongo ekodet me josiao but gi digin kiko yamo be, likame ebedo gikaber ne wan me weko kop ka Rubanga di oko donyo tic iwi emesa.
3
. Pimano imiegu, mounu ikom wu cuo kanykaare ame tie kede rwonge aber, diki ipong kede tipo kacil kede rieko kame wan otuerunu cimo pimako kope gi.
4
. Do wan obino mede mino komwa ilego kede iitic me tito kop.
5
. Dido yamone oko yomo yii lwak, dido gin kiko yeero Sitiphano icuo opong kede tipo kacil kede pilipo kede porochorus kede Nicanori kede Timon kede Parmenas kede Nicolas ame owok kii Antiokia.
6
. Ame giin kiko kelo inyim jo oor: dido kame gin kiko legonegi kede, gin kiko keto cingi ikomgi.
7
. Dido kopka Rubanga oko nyai di wel me josiao oko mede kii Yerusalem kitek twatwal dokon ekodet me esaseredotin oko woro kop me yei.
8
. Sitipano kame bin opony kede yei kede twer oko timo jame me awura kede tanguni kii diere mejo.
9
. Di ekodet me jo sinagoga me liberita, sirenian, Alexanda kede jokame wok isilisia kede Asia oko dipo piem Sitipano.
10
. Dokon gin likame giko twero lono rieko kede tipo kame owudo en eyamo kede.
11
. Dido gin kiko pango cuo ame oko yamo be, wan owinyo di en etie yamo kope me acae ikom Musa kede ikom Rubanga.
12
. Dido gin kiko rupo jo kede jo dongo kede jo iwadik di gin kiko bino ikome, di gin kiko make, di kiko kele ikansulo.
13
. Dido kiko keelo ijurak me abe ame oko waco be, icuoni, likame weko yamo kope me acae ikom kabedo kacil ni kede iswil.
14
. Wan owinyo di en ewaco be Yesu me Nazaret ni oyaro dudubo kabedo ni dieko loko itok kame Musa omio butwa.
15
. Dodo jodedede kame owudo obedo ikansulo, tie ngice itek, kiko neeno nyime di odoko cal kede nyim malaika.