¹ . Dido eko bino tuno icobere ikoniam be gin kiko oot karacel isinagoga me Iyudayan, di kiko yamo di ekodet adwong me Iyudayan kede jo Gurik oko yei. ² . Do Iyudayan ali oyei nege oko nibo tam me imo di iko mino tangi oko kede raco ikom imiegu. ³ . Pimano gin ko tieko kare abor di kibedo yamo kop ka Rwot kede nuang cuny. Ame da oko mino ijura ikop mere me kisa, di eko mino gi anyuta kede gi aura timere di beo icinga. ⁴ . Do ekodet me jo atie ibomba oko pokere: dul me jo oko gango Iyudan, kede dul me jo oko gengo jo oor. ⁵ . Kakame asurasura bedo kede but imio kede da but Iyudayan kede jo pug pi tic kede gi iye acae, kede didipo gi kede kide. ⁶ . Gin oudo iko bedo kede ngec ikop noni di kiko ringo ipiny me Lustara kede Derube, bomban me Likaonia kede iadulion ame tie iyapi kede gi. ⁷ . Ikanono gin ki donyo tueo ejiri. ⁸ . Oudo tie icuo moro ipiny me Lustura, ame lika twero oot kede tiene, pien engwalo geno iyi toto mere ameda oudo likame eoto geno. ⁹ . Dano nono oko winyo Paulo di yamo, en eko ngino icue nono itek kakame eko ngeno kede be icuo noni tie kede yei pi cango. ¹⁰ . En eko yamo kede dwon atie malo yai icung kede tieni en eko sonio di eko geno oot. ¹¹ . Kakame jo oko neno kede gi ame Paulo otimo gin kiko kiarao dwan gi, di kayamo ileb me likaonia Rubanga obino piny but wa ical me jo. ¹² . Dido gin kiko iwongo Baranabas be sues kede Paulo be kereme, pien oudo ebedo ngai yamo adwong. ¹³ . Dido esaseredoti me Rubanga me seus ame oudo tie ibomba oko kelo twoni kede ature inyim erute di emito mino gi ayala karacel kede jo. ¹⁴ . Kakame joor, Baranabas kede Paulo owinyo kede gin kiko nyinyilo igoen gi, di kiko geno ringo idier jo di kilelemo. ¹⁵ . Di kiko yamo be, ngadwong, pinyo omio in itimo gigi? Wada otie cuo ame cal acala kede wun, di otuco ne wu be iporenu lokere ikom gikame konymere li di ikonu dok but Rubanga akuo, ocweo malo kede piny kede nam ki jame lung ame tie iye. ¹⁶ . Ame ikare okato eweko atekerin pien oot iyote gi. ¹⁷ . Akadi bed bala likame en edong bongo ijura, imanono en etimo ber, di eko mino wa kot owok kimalo kede kare me anyakini abeco eko pongo cuny wa kede cam karacel kede yom cuny. ¹⁸ . Ikom yamogi likame gin kiko twero gengo jo mino gi giayala. ¹⁹ . Dido Iyudayan mogo oko i Antokia kede Ikoniam, gin kiko Supo jo pi didipo Paulo di kiko kwanye tenge ki bomba di kigeno be en etieko too. ²⁰ . Kakame josiao ocungo kede rimaro en eko yai malo eko dwogo ibomba dido icieng alubo eneko oot kede Baranabas. ²¹ . Kakame gin kiko tuco kede ejiri ibomba nono di kiko pwonyo jo atot gin kiko dok bobo Lustura Ikoniam kede Antiok. ²² . Pi moko cuny josiao kede cuko cuny gi pi mede iyei kede da be ikom pekere atot miero odony ijago ka Rubanga. ²³ . Kakame gin kitieko wiro kede jotel ibul kanisa, di iko lego kede rii kec gin kiko keto gi icing Rwot ame gin ki iyei ikome. ²⁴ . Kakame gin kiko beo kede Ipisidia gin kiko oot Pampilia. ²⁵ . Kakame kitieko tuco kede ejiri Iperuga, gin kiko beo ipiny tuno Atalia. ²⁶ . Di kiko kwang oot Antiok kame bin omio gi iye kony me kisa ka Rubanga pi tic kame gin kicobo. ²⁷ . Kakame gin kibino kede di kiko coko kanisa karacel gin kiko bebeo ikom gilung ame Rubanga otimo kibut gi kite kame eyabo kede ekeko me yei but imio. ²⁸ . Kikano gin kiko bedo kede josiao tieko kare abor.