1
. Nan oudo tie jowogo iyi kanisa me Antioch inabino kede jo pwogye macalo Barnabas kede Simeon ame oudo olwongobe Naiga bin kokelo walo kede Erode nga gero kede Saulo.
2
. Macaba oudo kitio kede ne Rwot kede kanyo kec, Tipo kacil oko waco be pokango Baranaba kede Saulo pitic awe ango alwongo gi iye.
3
. Do kakame kikanyo kede kec kede ilegadi kiko dokokino cing gi ikom gi, kiko orogi tenge (oko).
4
. Nanelo kakame kooro gi kede itwer me Tipo kacil, kikopok ere ot Selukia, kikuno koko kwang ot Sipuro.
5
. Do kakakme kituno kede Salamis kiko tuco kop ka Rubanga iyi Sinagoga me Iyudayam da oudo kitie kede yokana iyi tuco kop gi nono.
6
. Do kakame kiyoto kede pakana iculame papo iko udo ngat kame etimo tangu me jwok eudabi me angalo, Eyudayat ame inyinge Bar Yesu.
7
. Awe daceudo tie kede ngalub nga pug me piny seregio Paulus akie obedo ngat kariek awe oko lwongo Baranaba kede Saulo di eko bedo kede keu me winyo kop ka RUbanga.
8
. Do Elimasi nga tim tangu me ejwok (dwong me nyinge imonono ileb Gurik) oko donyo pienkede gi gi ewi to pi loko tenge ngat kame lubonga pug tenge ki yei.
9
. Do Saulo (awie da kolwongo be Paulo) opong kede Tipo kaciloko ciimo wange ikome.
10
. Eko wacobe in ipong kede cuny areco kede atotolun, in itie atin me Sitani, in nga kwor me gi kopore, ingangalo ipong kede tim kareco wan in likame ibino weko gogomo yonga yokoriereme ko Rwoti?
11
. Do nan neni cing Rwot nan otieko poto ikouni in iyaro bedo emuduk, likame iyaro neno cieng pi kare moro, awaka waka di ekuna poto karaciel kicolo ikowie dido eko ot neno dano moro kame twero pi telo ne yongayo di mako cinge.
12
. Dido ngalub ngatel kakame oneno kede gi ko timere, eko yei pi bedo ngat kame lubo napeta we pwony ka Rwot.
13
. Kakame Paulo kede jo kame lube oyai kede ki papo, kiko bino ipiny me pergia, iyi Pampalia kede Yokana di kipokere kibut gi kiko dokm Yerusalem.
14
. Do kakame kipokere kede ki peregia, kiko bino Antiokia iyi pisidia, kiko ot isinagoga ceng sabato di kiko bedo piny.
15
. Do ingei some iswil inabino kede jo pug me we sinagoga oko cwano kop but gidi iyamo be wun cuogi di bobon ianiegu kame itienu kede kop kame kiarao cuny jo yame enu.
16
. Paulo di ko yai malo di eko poro kede cinge di eyamo be un jo me Israel kede un jome lworo Rubanga winyunu!
17
. Rubanga me jome Israel oyero jo apapiu di eko kiara jo kakame oudo kibedo kede balau jo kapat iyi lobo me Misiri, ikanono cing me twero oko kwanyo gi oko ikabedo nono.
18
. Dopi kare aromo mwakini ot oug won kiko ngirikino iye epore gi iwi ilela (tim).
19
. Kakame etieko dudubo kede pinye kanyaare ipiny me kauani, eko popoko lobogi apirgidi lot en kotimo.
20
. Ingei mano eko winogi jongol kop amako kare me mwakini tol ongwon iyot kanya pakana timo ikare ka samwiri enabi.
21
. Icen mere gin iko bedo kede keu me abaka kede Rubanga oko mino gi Saulo wot ka Cis icuo me ateker Benjami kede kare me mwakini ot ongwon.
22
. Do kakame etieko kwanye kede, eko kiarao negi Daudi pi bedo abaka awe di bobo eko wiko ijura di eyamo be, audo Daujdi wot ka Jese, icuo me yi cunya ikokome ameda bino cobo mit n dedede.
2523
. Kakame Yokana otieko tuco kede kop ka mako bino mere ibatis kamako Swilaro but jo dedede we Israel.
24
. Do kakame Yokana ocobo kede kop were ewaco be in tamo be ango en ngai? Likame ango en en? Do neni tie ngat kame oyaro bino icenge ango, ame ango likame atwero ngapo amuka were amoto gonyo.
26
. Cuo kede imiegu, idwe me kodi ka Aburaam kede ngata moro ikom li ame woro Rubanga butu en kame kop ka Rubanga abino kiye.
27
. Pien jogo kame bedo Yerusalem kede jo pug gi piento gin likame kingee akadi dwane me inabino aweda kosomo buli ceng Sabatao gin kicobogi pi ngolo ne jo kop.
28
. Akadi bed balau likame kiudo tien kop me to kibute, dodi winy ka Pilato be weken ebed ngat kame koneko.
29
. Do kakame kicobo kede mago dedede kame kowandiko pire, gin kiko kwanye piny kiyat di oko piele iyi ates.
30
. Do Rubanga oko yarun en kito.
31
. Do oko nene ceng atot jo kame obino kede ki Galilaya pakana Yerusalem, ame da obedo ijarak mege kibut jo.
32
. Da ayamo butu kede yom cuny kop abeco ame dilubo acika ame otimo but jo apapi u.
33
. Rubanga ocobo gi ka cil amanono but idwe mege ameda en ekiarao Yesu bobon macalo kowandiko iyi Sabulime are be; ibut atinatin en ame ango asasirou kede.
34
. Bobo amako kiarao en malo kibut jo ko to nan liame bobon tie dok im wonyo jame alwil eyamo omanirieko, abino minou kicame ateni amako Daudi.
35
. Pi mano en eyamo bobowon iyi Sabuli acebe un likame bobon iyarunu beo ican pi neno kop me niwonyo jame a ilwii.
36
. Pi Daudi ingei tic ne jo mege iyi mit ka Rubanga eko poto iwiko (ekoto) oko yike inget jo apapimege eko neno niwonyo jame alwii.
37
. Do en ngat kame Rubanga oyaruno bobon oko neno niwonyo jame alwiichido lii.
38
. Bed balau di engere ibut u cuo kede imiegu bebeo ibut danoni otuco kop butu ikom tuno kica idub.
39
. Do ikom en jo dedede kame yei ko lonyogi ikom jamini dedede ameda ikomgi lika me oudo kitwero lonyere ikom iswil ka Musa.
40
. Bedunie kede ngec wek mago bin butu ame koyawio neu kibut inabino.
41
. Neununu un jo ace kede jo alole kede ame orwenyo, pien atimo tic ikareu tic kawe un iyarunu ibongo rieko bino yei dano ame bino yamo butu.
42
. Do kame Iyudayan otieko kato oko me sinagoga, jo ali oyei (imo) okoparo be kop gi oporo tuco but gi ceng Sabato (alubo) okato.
43
. Nan kakame iwak me jo opokere kede jo atot ikom Iyudayan kede edini okolubo Paulo kede Baranaba ame oudo yamo kede gi oko woko gi pi wede ot ki kicaka Rwot.
44
. Ceng Sabato kame lubo ceng oko bino ame moo bomba lung obino pi winyo kopka Rubanga.
45
. Do kakame Iyudayan oneno kede iwak jo kiko pong kede nyeko diko denyo yamo kop pi dagi gikame Paulo oudo yamo riegi di kipieno kede gi diki caare,
46
. Dido Paulo kede Baranaba oko dong di kitek, kiko waco be oudo epore be kop ka Rubanga oudo bin pore me agege tucere butu do pi un likame imitenu ikwanyenu tenge kibutu di likame eiporenu pi udo kuo kalikame tiek en amio wan oko lokere but imo (jo kaliko yei).
47
. Do wacalo Rubanga ocerakino wa kede de eyamobe; ango atieko ketou pi bedo rieny me imo (jo kaliko yei) me wekun ibedunu pi alako pakana iye ajikini me piny (lobo).
48
. Do kakame icuo (jo kaliko yei) owinyo kede kop gi, cuny gi okko bedo yoru iko miwodeyo ikop ka Rwot dido jo katot kae kowiro, ppi kuo kalikame tiek oko yei.
49
. Dido kop ka Rwot oko wokun oko (woore) rimaro adul lung (dedede).
50
. Do Iyudayan oko kelo ngur (aguragura) but won kame oudo wiire kede jo adongo me yi BOmba di kiko kiarao dwan me adagdaga but Paulo kede Baranaba di kiko riamogi tenge ki piny gi.
51
. Do gin kiko tengo adae me tiengi di yigi owang pi jonogi di kiko ot pakana ipiny me Akonia nu.
52
. Do josiao okopong kede yom cuny kede ii po kacil.