¹ . Dido joor karacel kede imiegu kede amiegu kame bin tie i Yudaya oko winyo be abilere da ogamo kop ka Rubanga. ² . Kakame do Petero oko bino kede i Yerusalem jo kame okepo oko lok kede, ³ . Di ki waco be, yin ioto but jo kalikame okepo, di yin iko cam kede gi. ⁴ . Do Petero oko geno niago gi kop iyore kiyore, geno kii agege di ewaco be, ⁵ . Ango oudo atie ibomba kadwng me yopa, di atie lego, ako tapuan di ako neno yabere di gimoro wokun piny bala esuka ka lac kayai imalo di etie kede isondan ongwon, di eko bino paka buta. ⁶ . Kakame aketo kede wanga iye, di angice ako neeno leini atien gi ongwon me piny, kede ojamo ka liao alyaa, kede winy me wi yamo. ⁷ . Di ako winyo dwan di waco na be, Petero yai, ineki, icami. ⁸ . Do ango ako waco be, likame amanono, Rwot ; pien likame tie gimoro me kwer arabo kalikacil otieko donyo idoga i esawa moro kenekene. ⁹ . Do dwan di dwoko na imalo dokon be; Gi kame Rubanga otieko loonyo, kur ilwong be obedo gi me kwer. ¹⁰ . Ginoni oudo kotimo tien adek: di gin dedede oko waraso gi dokon imalo. ¹¹ . Nenunu, awaka awaka, cuo adek oudo otieko tuno iot kakame ngo oudo atie iye di kocwao gi buta ki kaesera. ¹² . Di cuny oko waco na be ot kede gi, abongo abuinikin, imiegu kany kape gi oko upere keda, di wan oko donyo i ot me ki cuo ca. ¹³ . Di en eko nyuto ne wan epone kame eneno kede malaika i ode, kame ocungo diko waco ne be, Cwai jo iyopa, di iko iwongo Simoni kame nyinge Petero. ¹⁴ . Aso kakame ango ageo kede yamo, tipo kacil oko poto ikom gi, bala ikom wan bin ii agege. ¹⁵ . Aso kakame ango ageo kede yamo, Tipo kacil oko poto ikom gi, bala ikom wan bin ii agege. ¹⁶ . Di ango ako yutuno kop ka Rwot kame en ewaco kede un iyarounu batisikin kede Tipo kacil. ¹⁷ . Pien kame do Rubanga omiyo giamia acal kede kame emio wan, jo kame oyei Rwot Yesu Kurisito, ango do en ngai, ami atwer piem kede Rubanga? ¹⁸ . kakame gin kiwinyo kede giginogi, kiko kwei mot, di kiko mino deyo but Rubanga di ki waco be; Rubanga otieko miino abilere da iswilar pi udo kuo. ¹⁹ . Nan do jo kame bin osarakin pi itidil kame mako Sitipano oko ot paka Ponisia kede Sipuras, kede Antiokia, di ki tito kop but Iyudayan kene kene. ²⁰ . Jo mogo ki ye oudo obedo cuo me Sipuras kede Sirene kakame bin gin kiko tuno kede Antiokia, kikoyamo kop but ekodet me Giresia di ki tito Rwot Yesu. ²¹ . Dokon cing Rubanga oudo tie kede gi: di wel me jo adwong twatwal oko yei, di kiko lokere but Rwot. ²² . Dido rwonge me kope gi oko tuno iyit kanisa kame oudo tie Iyerusalem: di gin kiko ooro Baranaba be en eoti paka Antiokia. ²³ . Ame kame en etuno, di eko neeno kisa ka Rubanga, yiediko bedo yom di en eko cuuko cunygi be poore gin kimok cunygi dikiko jalere but Rwot. ²⁴ . Pien en oudo ebedo icuo kaber, di epong kede Tipo kacil kede yei: di jo atot oko mede but Rwot. ²⁵ . Dido Baranaba oko oot Tarusi pi moono Saulo. ²⁶ . Kakame en eko oude kede, eko kele bute Antiokia kame mago okato, gin kiko bedo cokere kede kanisa pi mwaka iung; di ki pwonyo jo atot. Dokon kii Antiokia kanono en kame ogeo iwongo kiye josiao be ikristayon. ²⁷ . Dokon icengere nogi inabino oko wok Iyerusalem bino Antiokia. ²⁸ . Di ngat acel ikom gi kame kolwongo be Agabas oko cungo, kii Tipo en eko nyuto be kec adwong oyaro maako piny dedede kame oko timere da ikare ka Kladios Kaisari. ²⁹ . Di josiao oko moko tam me cwaano kony ne imiegu kame oudo bedo Yudaya di lubere kede teko kadano acel acel. ³⁰ . Kame da kiko timo kamanono di kiko cwaano gi but jo dongo di beo kicing Baranaba kede Saulo.