1
. Oudo tie icuo moro isisiria ame olwongo be koronerio oudo ebedo nyadwong me isirikalen me italai.
2
. Ebedo icuo amire di elworo Rubanga kede jo ture duc di emio kony but jo di elego but Rubanga nakanaka.
3
. Eneno iyabere iye sawa kanyangon me iceng malaika a Rubanga di tie bino bute diko yamo ne be koroneno.
4
. Kame di eneno malaika noni eko bedo kede iworo di eko yamo ne be man enyo okwec Rwot malaika noni diko yamo ne be lego ni kede kony ame imio otuno bala gi me iyutun bu Rubanga.
5
. Do nan cwai dano jopa iko lwongo Simoni ame olwongo be Petero.
6
. En etie pako a Simoni anyong launi ame ode tie tu dog nan en ebino yamo ni gi ame ipore timo.
7
. Kame me malaika obino but kolonerio oyai kede eko lwongo ipasoi are kede idirikalen ame dare nakanaka.
8
. Kame en etatamo kede kop gi but gi di eko cwano gi jopa
9
. Oru mere Petero di ko ot malo iwi ot pi ilega iye esawa kanayape me iceng.
10
. Kec dioko neke eko mito gimoro me acama do di pwodi otie yiko nino diko make.
11
. Eko neno malo di oyabere di gimoro acal kede esuka alac dio omako lake ongwon di eyololo piny ilobo.
12
. Egere me leni me lobo kede leini ager me itala kede jame mogo kede winy me wi yamo.
13
. Dwan diko bino bute be yai malo Petero ineki iko camo.
14
. Do Petero diko yamo be lia amano okwe Rwot pi ango pwodi liame acamo gimoro me kwer are jamini alia cil.
15
. Dwan bobo dio ko yamere bute tyen me are be giame Rubanga otieko longo liame ipore yamo be gi me kuler.
16
. Jamini gi otimere tyen dek di oko dwoko esaka noni malo.
17
. Kame Petero oudo tie buikini kede dwong me yabere ame eneno ni neni cuo ame kolonerio ocwan oudo tie mono ot a Simoni di icungo idog erute.
18
. Iko lwongoere di iko penyo kame Simoni anyingo Petero oudo tie kunono.
19
. Kame Petero oudo tie tamo kede ikom yabere noni tipo acil diko yamone be neni jo adek tie moni.
20
. Yai malo iwok piny di iko ot kede gi kur idwikin pien ango en acwao gi.
21
. Petero di ko wok piny but jo nogi ame oudo Coloneria ocwao eko yamo nigi be ango abedo dan ame un itienu mono peko nyo omiou ibinunu kan?
22
. Gin iko yamo be kolonerio nyadwong me isirikalen icuo aworo iswil di bobo ebedo ngat aworo Rubanga pwonge mere ber but atekerin me Iyudayan en eudo ikwenyar a Rubanga ibut malaika acil pi cwani iyode di eko winyo kop ame in iyode yamo.
23
. Di en eko lwongo gi iyode pi bedo wele mege. Oru mere Petero diko ot kede jo nogi imiegu mogo me jopa diko upere kede gi.
24
. Oru me dido idonyo sisiria Kolonerio oudo tie daro gi di elwongo jo awade mege kede jo awotino.
25
. Kame Petero oudo tie donyo kede iot Kolonerio diko ryamo kede dieko riebere ityeno piny dieko wore.
26
. Do Petero dioko kyaraen malo die waco be cung malo ango da abedo.
27
. Kame en oudo etie yamo kede eko donyo iot dieko udo jo atot ame oudo tie kara cel.
28
. En di eko yamo negi be un ingeunu be etie me swil ne icuo me eyudayan pi udo awotin ara nywako kede atekerin apat do Rubanga onyuto na be kur alwong icuo moro bala gi me kwer ara lie cil.
29
. Pi mano ango ako bino buti abongo iyalongong awaka di ilwonga nan ango atie penyi be nyo omio ilwongo?
30
. Kolonerio diko yamo be ceng ongwon okato oudo ango atie kanyo kec paka tuno esawa kanyaangon ame oudo ango atie kede ilega iyoda inyim ako neno icuo angapo igwen atardi cungo inyima.
31
. Eko yamo be Kolonerio lego ni otuno kede kwany me cingi da otuno bala gi me iyutun inyim Rubanga.
32
. Cwai dano jopa iko lwongo Simoni ame olwongo be Petero en etie ipaco a Simoni anyong launi ame ture tie idog nam ame kame dien ebino eyaro yamo butu.
33
. Awaka waka di ango ako cwano buti ida iko timo iber ibino nan do mam wan dedede otie karacel inyim Rubanga pi winyo kope dedede ame Rubanga ori kede.
34
. Peteri diko yabo doge dieko yamo be iye ateni ayamo be Rubanga li kede apoka poka but jo.
35
. Do iye atekerin dedede but jo ame lwore di itimo pore en egomo gi.
36
. Kop ame Rubanga ocwao but idwe me isirayin di ituco mulem ayesu Kuristo en ebedo rwot me jo dedede.
37
. Kop no ame ango ayamo butu ame otieko ngere Iyudayan lung di egere iGalilaya Ingei ibatis ame Yokana oudo tito.
38
. Epone ame Rubanga oko wiro kede Yesu me Nasaret kede tip acil kede twer ame eko ot di etimo jamini abeco di ecango jo ame oudo jwogi odio pi Rubanga oudo tie kede.
39
. Do nan wan en obedo imujurak me kop ni ame en etimo ilobo me Iyudayan kede Ijerusalem ame gi imako iko guro kom yat.
40
. En ame Rubanga oko yaruno en iceng me adek oko nyute kaka ler.
41
. Liame but jo dedede do but jo ame Rubanga oyero paka wada jo ame ocamo di omato kede kaka me eyaruno kede ikom jo oto.
42
. En eko ciko wa pi tuko ejiri ni but jo kede jurao be en ename Rubanga owiro pi bedo angol kop but dedede abino yaruno itoo.
43
. Ibute emio inabino dedede obedo mujura me kop ni be beno inyinge dano ame yei en ebino udo aweka me gi areco.
44
. Kame Petero oudo tie yamo kede kop noni tipo acil dik poto ikom jo owinyo kop noni.
45
. Do jo ame oudo oyei di okepo gi oudo upere kede Petero oko bedo kede gi aura pi imo da giamia me tipo acil oko ony ikom gi.
46
. Pien iwinyo gi di iyamo kede leb di imio dwongo but Rubanga Petero diko dwoko be.
47
. Tie dano moro atwero dagi pii bala kur batiso en ikom jo otieko udo tipo acil bala wan?
48
. En eko batiso gi inying Rwot do gin iko gwane pi bedo kede gi ceng mogo anonok.