1
. Kibut Adwong di acwao but ngawota kame amaro i ateni.
2
. Ngawota kame amaro, ango akwao be jame dedede bed ni kiber, da ibed kede yotkom, bala kame kuo me cuny tie kede iber.
3
Pien ango abedo kede yomcuny atek, kakame imiegu obino kede di kiko mino ijura ikom epone kame in igenere kede; da bala kame in ilubo kede ateni.
4
. Likame tie yomcuny moro kame ango atie kede, kalamo ango winyo be idwe na tie lubo ateni.
5
. Ngawota kame amaro, in ibedo ngat kame genere, ikom gikame in itimo ne imiegu kede wele;
6
. Pien gin imio ijura ikom amara ni but jo oyei: Ka in ikonyo gi medere kede ot gi; ebino bedo ber bala kame poore ne tic ka Rubanga.
7
. Pien gin oudo kiyai ot pi kop me tic Mere abongo gamo kony moro ibut jo me Ateker apat.
8
. Pi mano wan miero ogamunu jo kame cal kamano, mio wada osobolo doko jo kame nywako tic me pwonyo kop me ateni.
9
Ango awadiko ne jo koyei baluwa, do Dioterepe, ngat kame mito be en ebed ngatel esawa dedede, odagi gamo wa.
10
. Aso kame ango abino, ango abino nyuto ne wu gi dedede kame en etie timo, cuko kope me abe kame dubo nying wa; Likame mago kenekene, doko en edagi gamo imiegu, doko egengo jo kame mito gamo gi, di eriamo gi tenge ibut Ekodet me jo oyei.
11
. Ngawota kame amaro, kur ilub timo gi arac, do timo gikaber. Ngat kame timo gi aber obedo dano ka Rubanga: do ngat kame timo gikame rac likame pwodi eneno Rubanga.
12
. Demeterio jo dedede yamo kop aber ikome, kop me ateni kame en etimo, wada ikom wa omio ijura ikome. Doko wu da ingeunu be wan omio ijura me ateni.
13
. Ango atie kede kope atot kame oudo amito wandikoni, do likame amito wandikoni awandik.
14
. Do ango atie kede gen be ango amito bino neni ikare iyapiyapi; di oko bino yamo iwang-iwang.
15
Anapakin bed buti. Joawotino wa omoti. Mot awotino wa: di iyamo nying ngat acelacel.