1
. Nam do kop amako timo cok pi joo cil bala kite kame amio kede twero butu kanisa me Galatia uda timunu ka manono.
2
. Iceng me agege me Sabiti dano acel acel ibutu pok gi moro eko dapakino bala kite kame rubanga omie kede me kur bobo jo gei timo cok di ango atuno.
3
. Do kame ango atuno dano kame un ibinunu pwono i baluwan uu, jo nogo en kame ango ayaro cwano kede gi kame icokunu ii Jerusalem.
4
. Kame oneno be ber ne ada oot gida kibino upere keda.
5
. Na ango ayaro bino butu ayaro beo imakedonia piento ango abeo imakedonia.
6
. Ceng mogo ko mitere be abebedo ber, eedo ako tieko iporo kede uu, un ikounu nyamaro ango karamoro kame ayaro oot iye.
7
. Piento na likame ayaro neno uu, do atie kede gen mebed kede uu ikare moro kame Rwot oyei.
8
. Do ayaro bebedo ii Epeso paka icing me Pentekoti.
9
. Piento ekeko alac kede tic amitere awaka oyabere na do jo kwor tot iye.
10
. Do kame Temeteo otuno nenunu bee, ebedo kede uu abongo lworo moro, Piento en etie timo tic ka Rwot bala kame ada atie timo.
11
. Pimano kur dano moro cocoa en, do nyamoronu en kede anapakin me wek ebin buta pi wan otie dare kede imiegu kede miegu.
12
. Kop amako Apolo omin wa, ango amito kede teko teko ne en bino butu kede imiegu do mit mere dedede. Likame tie mito bino atwatwal ikare ni do en eyaro bino ikare kame en eneno be ber ne.
13
. Beddi ineno nu, cungunu kingiking iyei uu di cunyu nuang bala cuo bed tek.
14
. Miunu jamini uu dedede timere kede amara.
15
. Ango abako doga butu imiegu kede amiegu un ingeunu paco ka Esitifano en ebedo anyakini me agege ii akayo doko ingeunu bee gin ki moko dingiding itimo tic me konyo jo cil.
16
. Jaberenu but akodi jogo karacel kede jo kame maro mino kony but wa, kede lole.
17
. Cunya obedo yom kame Estifano otuno kede gin kede Fotunatas kede Acaikas, piento kame rem oudo tie iye rem kame oudo un ipore kelo gin do kitieko kelo.
18
. Piento ki kweo cunya kede cuny uda pimano iyutununu akodi jo go.
19
. Kanisan atie Esia omoto uu, Akwila kede Prisila omoto uu kitek ii Rwot karacel kede kanisan kame tie imiere gi.
20
. Imiegu kede amiegu omoto uu motere nu kenu kenu kede doto lem acil.
21
. Amot na ango apira kena Paulo kede cinga.
22
. Kame dano moro likame maro Rwot Yesu Kuristo miere lame Rwot tie dwogo.
23
. Kisa ka Rwot wa Yesu Kuristo bed butu.
24
. Amara na bed butu dedede ii Kuristo Yesu Amen.