Sura 7
1
Kan tagsil ina arufu uwo, akwaana gi faham shariya ligo shariya gi hukum ajol ligo alisa hayi.
2
Kalam ladi mariya gi hukum uwo me ragi to ligo lisa uwo hayyi lakin kon ragi to mutu agi kun ligo aligo hurriy at to.
3
Yala kan ragi to lisa hayyi, mariya ligo ragi taani, bija nadi uwo ajol te zina, lakin kan ragi to mutu mariya gi fu dul me hurriya to ata ma binad, uwo ajol te zina.
4
Ya fi jede akwaana tayi to ku mutu kalam shariya te gildu te Yesu Kristo ja namna ab ja taaru uwo min meitin fi jede aju kede ina ajira ne Rabbana fawakih.
5
Kalam wakti ab ina kan fi gildu tamaan ab batal kan giso fi bakana teena dukur naajiro ne mutu fawakih.
6
Asede kalas fate neena shariya bakan neja feker fi sokol wede ab kan gi itakum ina, dukur neejakun laabiya fi jedid te roho.
7
Ina bije wonus kefin? Shariya ya batal? ma ya jede kan ina ma bi faham batal kan kan shariya ma, kan kan shariya maja wonus gal ajuma kede ita taman ana ma kan bi faham kalam taman.
8
Lakin batal bakan ligo nafas te egi fu dukur asakazi fugu ana kalam shariya fi wakti alkam shariya ma, batal kan mutu.
9
Zaman ana kan hayi fi wakti ab shariya kan ma, bakan amrijaa batal dukur gum ana dukur mutu.
10
Shariya alkan gi jib hayyi naana ja beenu ligo ogi ji bu mutu.
11
fi wakti ab batal ja ayinu kalam shariya ja kabas ana dakur katul ana.
12
Ya fi jede shariya ne di fu me amri nedifu wu kuweesi.
13
Kaman kwessi agilibu uwo mutu naana? ma jede lakin batal kede weri naana je batal kalam ya kibu naana mutu kalam kuweesi.
14
Kalam ina arufu shariya ya te roho lakin ana, tayi te gildu tunda ana kede batal hukum ana.
15
Kalam sokol ab ana giso ana arufuma wu sokol ab ana aju ma ya ana giso lakin sokol ab ana aju maya ana giso.
16
Kan kun ligo sokol ab ana aju ma ya ana giso ana rudu ja shariya kuwesi.
17
Yala saade ana ma ya gi so illa batal algi gen fugu ana.
18
Kalam ana arfu fugu ana fi gildu tayi ma gi gen kuwesi kalam aju gi gen naana geeri lakin so kuwesi ata ma.
19
Kalama alana ana aju so kuwesi ana ma gi so lakin sokol al ana ma aju abatal ya ana giso.
20
Kan kan sokol ab ana m aju ya ana giso, ana ma ya giso illa batal algi gen figu ana.
21
ya namna al ana gi ayinu mo shariya kan ana aju so kuwesi batal ya gi kun naana geeri.
22
Kalam ana gi furai me shariya te Rabbana ajol tayi ab te min juwa.
23
Ana gi ayinu shariya taani al fi min juwa ana gi dusman me shariya te rasu tay gi jib ana te te hukum te shariya al fi tee ta shariya al batal al fifu gildu tayi.
24
Ana ajol al miskin mun ya bija itaadi ana fi gildu ab te mutu wede.
25
Ana gi shukur ne
Rabbana laajol te Yesu Kristo sidi teena ya fi jede ana baraw ya labi al te te shariya te Rabbana lakin fi gildu ana labi te batal.