1
Umon asul fi boyi te bahari fi bele te anas'Gerasene.
2
Uwo tara fi fuluka, fi gum de ajol owendi jini owu gi tara fi kabul, uwo ja genim uwo.
3
Uwo gi num fi kabul ma fi ajol yoyote algi weza ma guso, ma fi tu nyororo
4
Yom milan abu so me nyororo, nyororo ogi gatta. ma fi ajol yoyote te gudura agi wezo uwo
5
Kira yom fileli me mini hali ogi kore me kabul me gala, ogi gata me lagel.
6
uwo ayinu Yesu lisa uwo fi boyi owo jibe uwo abudu uwo kore me isiti kebiri.
7
ogi kelem onko seta sunu, Yesu nyereku te Rabbana, ma te zabana.
8
ogi kelem nowu, tara fi ajol de ita Shayitan.
9
Uwo asadu uwo, asuma taki munnu? owu kelem nowu, asuma tayi, ana ligyoni, ina fi milan.
10
Uwo womba uwo maturuju Ja'ana fi duniya de
11
Fi gara fi godulu milan fi gu akul.
12
owu gi womba de owu gi kelem uwo turuga ina fi godulu tazali ina gayi fi godul de.
13
uwo rudu jini tara dakal fi godul, godul jene umon waga fi bahari, godul fin altu jimini muttu mina fi bahari
14
Sa de anas agi chunga godul de umon jene, umon kelem anas te madina me bele uwo ja fi ayinu abu fi.
15
Umon lasul te Yesu, umon ayinu ajol abu fi logo jini, owu gen, owu lebisi gumas uwo gi faham seme, umon katu.
16
Anas kelem sokol abu fi fogo, ajol al fi logo jini, me te godul.
17
Anas kelem ne Yesu wasa fi bele tena.
18
owu gi ruwa fi fuluka, ajol abu wedi jini asadu owu gayi ma ana.
19
Yesu aba, okelem nowu ruwa fi anas taki, owo kelem nowomon sokolin Rabbana abu so me ita.
20
owu ruwa wa bidu fi kelem fi Dekapoli sokolin kebiri Yesu abu so nowu, anas kul Sanga.
21
Ya Yesu ruwa bakan na, anas milan lim bakan uwo fi, uwo geni me bahari.
22
Bakan kebiri te kannisa, asuma to Yayiro, owu ayinu, uwo dugu rukubba.
23
uwo womba Yesu zenidi owo kelem biniya abu sakal uwo gel guruwa muttu, ana gi nangu, tani, ke ja kutu ida fi uwo, uwo pona.
24
owu ruwa me uwo, anas milan fata uwo, umon asul uwomon gel mo uwo.
25
Bakan maliya ayani domu saana itinashari
26
Uwo masi zendi fi di ku' tara, owu wedi sokolin abu zidu kul. owu pona ma, owu zidu fi ayani.
27
Uwo wonusu asuma te Yesu, uwo tara uwo fi anas milan uwo amusuku fi gumasi te Yesu.
28
Uwo kelem kani amsuku fi gumasi te Yesu, ana bi pona.
29
fi gomu de domu abisi, Yesu faham fi giludu to ligo ponesha ayani te maliya.
30
Yesu faham fi uwo sidu, gudura otara ligo guwo, uwo geru, uwo asadu, munnu amusuk fi gumasi tayi?
31
Swahaba to uwo kelem nouwo, te ga'ayinu anas milan: ita ge asadu ke fin, mun amusuk fi gitta?
32
Uwo gusu ajol abu amusuk fi gumasi to
33
Maliya kafu ogi tetemeka. uwo alfu alkan fi fogo, uwo ja gidamu, uwo dugo rukuba, uwo kelem nouwo kul
34
Uwo kelem nouwo, biniya, amin taki ponyesha, ita ruwa fi raha me pona mala wayi tabu taki.
35
Lisa uwo gi wonusu, anas abuja tara abu kebil te kanisa umon ja, umon kelem, biniya taki muttu, tegi taban Yesu sun?
36
Lakin Yesu ma ta uwo kutu gelba fi kalam abu ja wonus, uwo kelem kebil te kanisa ngoni ma'ta kafu, amin mu amin.
37
uwo aba ajol yoyote ruwa mu uwo, bakani Petero me Yokobo, me Yokana aku te Yakobo.
38
Umon lasul fi juwa kebil te kanisa, umon ayinu umon, kore, uwo ayinu agi kole, me (biwobe) milan.
39
Uwo dakal, uwo asudu, sunu? agi kole sha kum? Biniya uwo muttu ma lakin uwo num ben num.
40
Umon ataku uwo zenidi, lakin uwo turugu umon bara uwo dakari me bbaba me mama te biniya, uwo dakali bakani biniya fi.
41
Uwo amusuku ida te biniya, uwo kelem nouwo Talisa, kumi! mana to biniya gumu.
42
Fi gomu de biniya gumu, uwo masi, kan uwo fimu sana itinashal. fi gom de anas katu.
43
Uwo kelem noumon ma ta kelem na'nas yoyote abu fi. uwo kelem noumon wedi nouwo akil.