1
Mi ligo umon gerike rasul fi Jerusalemi ligo umon gasul fi Besutaege me Bessaniya figara te Zeyituuni, uwo rasul fi swahaba to tinini.
2
Uwo kelem ne umon ruwa kum fi bere gidam itakum, fi guwamu kan itakum dakali na, itakim bi ayinu nyereku te farasi ligo me robutu al gi geni fogo ma fi ke itakum jibu.
3
Ajol kan kelem gali, itakum giso de sunu? kelem kum, sidi tena aya aju, fi guwam de uwo biriji lnni.
4
Umon ruwa , umon logo nyereku te farasi ligo me robutu fi babu bara fi sika, umon fi ku.
5
Wadini fi umon alkan yegigeni umon kelem gali, itakum giso sunu inni fiku nyereku te farasi?
6
Kelem ne umon je Yesu kelem ne umon , sibu umon.
7
Umon gibu nyereku te farasi ne Yesu, jada fogo gumasi to umon uwo geni fogo.
8
Milan afurusu gumasa to umon sika, tanini aturesu koro fa tarata, abu gata fi samba.
9
Abu kan te waulan me al kan gitara wara umon wanu su to gali, Hozaana, widi nouwo barak al jaa fi ajuma te Rabbana.
10
Wedi neitakum barak te mamlaka abu gija jidi teena Daudi, Hozaana foo zaidi.
11
Uwo rasul fi Yerusaalemi uwo dakal fi Yekalu bakan uwo kalas ayinu umon me ena kulu, ligo rata gija lasiya, uwo tara uwo ruwa fi Bessaniya me itinashar.
12
Inni ligo minsubu, ligo umon tawa fi Besaaniya uwo asuma jani.
13
Inni ya uwo ayinu shedel al fogo korofo uwo rasul fogo, ligo fogo matunda, bakan uwo rasul fogo uwo ayinu ma sokol lakin korofo ya kan ma wakti to.
14
Uwo alja kelem abidu naare ladi milele na milele ajol maji akul fi matunda taki. Swahaba to asma.
15
Inni ya umon rasul fi Yerusalemi, uwo dakal fi yeekalu uwo abidu fi turuju alkan gi wuza al gibiyo fi yeekalu. Uwo kati meza te al gigeru feeza, me bambala te doole alkan giwuza hamam.
16
Uwo ma rudu ajol ke lim sente fi kanisa.
17
Uwo alim uwo kelem gali ja katif ma gali, juwa tayi binadi juwa ye womba fogo bele kulu? Lakin itakum geru pango te haramiya.
18
Kubarina te dini me nas katiba bakan umon asma, umon gatta agiri te katul uwo, kalam kafu uwo. Kalam kom kul shanga fi alim to.
19
Inni kila lasiya uwo tara fi medina.
20
Ligo saba ligo umon gifitu, umon ayinu rata abu uwo daya ligo abisi.
21
Ligo Petero kumbuka uwo kelem nowo gali sidi teena ayinu rata al ita daya abisi.
22
Yesu jibisha umon gali, kunu kum me amini fi Rabbana.
23
fi haki ana gi kelem ne itakum gali kila al bija kelem gara al tara kee jada ita fi bohari. Ligo endi maa wasiwasi fi gelba to lakin uwo gamini ligo uwo endi amini je kalam abu uwo al uwo wonusu uwo bija ligo.
24
Ya ana gikelen ne itakum je kalama kul abu itakum bija womba me nangu amini je itakum kalas ligo me itakum bija ligo.
25
Inni kan itakum yegit ligo itakum giwomba, sama kum, me Baba takum al fi samayi uwo bija sama itakum al fi fo samayi obija sama zabi takum kulu.
26
Lakin kan itakum sama ma, me Baba takum alfi fo fi samayi bija sama itakum ma zambi takum kulu.
27
Ligo umon rasul fi Yerusaalemi, ligo uwo kan gimasi fi kanisa, umon ja ne uwo kubalina te dini, me katiba, me wazze.
28
Kelem nouwo gali wezzoyatu al giso jede? Ligo munu al wedi nata wezzo de fi so dolinde?
29
Ligo Yesu Kelem gali, lakin ke ana asadu itakum kalam wayi, ke itakum jibisha, me ana bisa kelem ne itakum wezzo de sika gitara fogo al gi fanisha ana doole.
30
Ku Batiza te Yokanna ja tara fi Samay ila , me fi anas? Jibisha kum ana.
31
Umon asadu umon fi badum ligo umon gikelem gali, tara fi samayi, uwo bakelem yala aba itakum rudu uwo?
32
Lakin kan ina kelem gali tara fi anas, umon kafu anas kelem umon kul ja fekeri haki Yokaana geni Nabbi.
33
Umon jibisha Yesu kelem ne uwo gali, inna al fu maa. Yesu kelem gali me ana bi kelem ne itakum ma sika abu ana jaa amrugu wezzo de al gi fanisha ana jede.