1
Eni ya anas ab gilim sente kulu me anas ab endis batal mon kan gi ja geeri ligo umon gi asma
uwo.
2
Anas te Falisayo me anas te katifu mon kan go gata guwala beyina toumon mon gi kelem
gal wede gi juru geeri anas ab endisi batal uwo gi akul mowo mon.
3
Oweri noumon hadith wede ligo ogikelem gali.
4
Ajol yatu min itakum ab endisi kooru miya, okan woduru fogo wayi, omagi seebu(99) oguru gusu naade ab woduru laadi obiligo?
5
Yala kan uwo bi ayinu ogi kutu fi dula ogi furayi.
6
Okan rasulu fi be, ogi nadi sabiyan to me jirana to, ogi kelem noumon furai kum naana,
kalam ana ligo kooru tayi ab kan woduru.
7
Ana gi kelem neetakum gali bija kun furayi fi samayi
kan fi ajol wayi ab endisi batal dukur afubu ogi sinda anas (99) ab nedif ab aba so tawba.
8
Kan mariya yatu ab endisi sente 100 kan kosa fogo sente wayi ajol ab magi wala taa dukur onedif
juwa dukur oruwa gidam me gusu ladi kan uwo ligo.
9
Okan ayinu ogi nadi sabi yan to, me jirana
to ogi kelem noumon furayi kum me ana kalam ana ligo rupiya wayi ab kan woduru.
10
Ana gi
kelem neitakum gal bija kun furayi gidam te malaika te Rabana to te ajol ab endisi batal wayi
ligo uwo so tawba.
11
Fi ajol ab kan endisi yala to wele tinini.
12
Ab sakar kelem na baba to gali
baba tayi wedi naana, lisab te sokolina ab faa.Yala ogesim noumon fi maisha to.
13
In baada te yom ma milan ini ya ab sakar de lim sokolina to kulu omasi dukur oruwa fi bele ab boyi owedi na dasturi to abatal.
14
Wakti uwo akul kul kala jiyan milan dukur waga fi bele wededukur wabidu
taabu.
15
Dukur oruwa wabidu lim badum me ragi te bele wede olifu uwo fi karya to kede uwo
ruwa sara goduru.
16
Dukur okan taman kede uwo saban me waskan ab goduru akul. dukur mafi
ajol yoyote ab wedi nowo.
17
Wakti oso tawba, okelem gali anas teso kazi kam ab te thawab ab te sidi tayi ab saban me akil ladi gelebu, umon asede ana gi mutu in me jiyan!
18
Ana bigum kede ana ruwa ne sidi tayi ana bi kelem nowo sidi tayi ana karabu kalama te samayi ladi gidam ita.
19
Ana ma gi faa nadi ana nyereku taki sulana kede kun wayi min pakasa taki te sente.
20
Ogum dukur oruwa ne sidi to wakti okan lisa fi boyi sidi to dukur ayin uwo ayinu huruma to ojere zaidi,
owedi nowo(hug) dukur obusubusu gwangiri.
21
Nyereku de dukur kelem baba tayi ana so zambi
te samayi ladi gidam taki ana magi faa nadi ana nyereku taki.
22
Baba to dukur kelem ne labi to
ruwa kum gwam kede itakum jibu gumasi ab gi sinda kulu lebis kum uwo: kutu kum katin fi ida
to me gezma fi kura to.
23
Jibu kum jina bagara ab semini katul kum kede ina akul kede ina furai.
24
Kalam nyereku tayi wede kan mutu, ogum; okan woduru warja mon dukur abidu furayi.
25
Lakin nyereku to ab kebiri ab kan fi karya; wakti oja ligo okala geeri fi rasul fi juwa uwo asma lungara
me alabu.
26
Min labi onadi fogo wayi uwo asadu uwo kan fi kefin.
27
Okelem nowo aku taki ja: me
baba to katul nowo bagara ab semini kalam oligo uwo hayyi.
28
Dukur oligo gelba hari, uwo aba fi
ddakalu baba to tala bara owaga waga nowo.
29
Uwo arja fogo okelem ne baba to gali ayinu
muda dolde milan ligo ana gi so neita kazi ana ma giso makosa sala siya kalam ab kan wedi
naana ladi galamaya te furaisha me sabiyan tayi.
30
Lakin nyereku taki wede ab akul sokolina te
hayyi taki bakan wayi me ana wakti oja te daba nowo bagati ab seminini.
31
Dukur okelem nowo
gali nyereku tayi kila yom ita fi bakan wayi me ana wu kaman kila sokol tayi ya taki.
32
Lakin furai
me kulu endi sababi kalam aku taki wede okan mutu, ogum min kabri, okan woduru uwo arja.