1
Fi wakti dolde kan fi nas ab fi ina ab ja kelem nowo gali Pirato kalabtu noumon doomu toumon.
2
Itakum gi fekeri gali anas te Gahlaaya de umon karaba futu anas te Gahlaaya kulu kalam umon
taabu umon jede?
3
Ana gi kelem neitakum gali maya jede kan itakum ma bi so tawba itakum bi
keregi jede.
4
Aw ana 14 abu juwa waga fi rasu toumon dukur umon mutu itakum gi fikeri gali
umon ya anas abu batal sinda anas kulu ab fi Jerusalem?
5
Ana gi kelem neitakum ma jede lakin
kan itakum maso tawba itakum bija keregi jede.
6
Me ajol ab gi wonusu hadith wede fi ajol ab
kan endis zaitun ab kan fi samba wakti uwo ruwa kede uwo ligo fawakih min uwo oligo ma
sokol yoyote
7
Oruwa ne ragi ab sulu jukunu te fawakih okelem, sana talata saade ana kan gi ja
kede ana ligo fawalah min seder wede ley gi karabu tura te saki.
8
Sidi tayi seebu uwo fi sana
wede kede ana kutu fogo kara bagara.
9
Kan bijidu fawakih, seme; lakin kan ma jede te bija gata.
10
Fi yom sebit okan gi alim kawm wadi.
11
Ya jede, ayinu, mariya ab kan kala ja ayan jini sana(18),
ligo uwo kongosi ata uwo ma agder agilib uwo sala sakar.
12
In ya wakti Yesu ayinu uwo onaadi
mariya de fi kita ayan taki,
13
Okutu fuguwo ida dukur okun seme wabudu Rabana.
14
Lakin kebir
te kawm wakti jalam kalam Yesu poyesha ajol yom sebit warja fogo okelem ne kowm gali fi
yom sita kum fi yom taanin de lakin ma yom sebi.
15
Lakin sidi teena Yesu kelem nowo gali dolde
muna fi quin kila ajol wayi min itakum ma gi amurugu lam gaba to min mura, ogi sulu kede ruwa
asurubu moyo?
16
Ya wedede nyereku te Ibrahim ab satan ja go tul uwo, sana(18) otaa ma
amurugu uwo min jela wede yom sebi.
17
Wakti okan gi wonusu kalama dolde aduya to kulu ligo haya: me kawm kulu furayi me kalama ab uwo so ab te hesima.
18
Ya okelem mamlaka te
Rabana gi beenu kefin? Anas bi dugu picha to me sunu.
19
Gi Yesu ja ena(Haidar) ajol ab kan bi
jada fi shamba to dukur raba ja gen laata teeran tefo dukur gi gen foo to.
20
Ya fi jede okelem
noumon mamlaka te Rabana ana bi fanana me sunu?
21
Gi beenu je sokol ab gi furu mariya ab
sulu okutu fi kikapu.
22
Omasi fi medina me medina ligo ogi alim ligo ogi ruwa fi Jerusalem.
23
Ajol dukur kelem nowo sidi tayi deya anas ab siya ab gi ja hadi umon.
24
Dusman kum zaidi
futu fi babu ab deiga kalam ana gi kelem neitakum gali ana milan bija aju dakal lakin umon ma
bija arja.
25
Sidu juwa kan kala gum osidu babu dukur itakum yegifu bara me dugu babu ligo
itakum gi kelem sidi teena fata neena obija arja noumon ana ma arufu sika ab itakum tala fogo.
26
Dukur kan kala itakum bija kelem ina akul ina asurub fi gidam ita alim fi sika teena.
27
Yala
obija kelem neitakum gali ana gi kelem neitakum ana ma arufu sika ab itakum tala: tala kum
jambu ana killa ajol ab gi so kalama ab ma nedifu.
28
Na bija kun koore me adi kasma itakum
kan bija ayinu Ibrahim me Ishaaka me Yakub fi mamlaka te Rabana, me itakum ligo jada itakum
bara.
29
Mon bija ja ligo umon gi tala min to ne min tey me kila sido kulumon bija gen fi mamlaka
te Rabana.
30
Ayinu fi anas ab te mwisho abija kun tawlan wu kaman fi anas ab ye mwisho ab
bija kun tawlan.
31
Fi wakti naade ya nas Falisayo ja umon kelem nowo wasa in ruwa kalam
Kerode aju katul ita.
32
Okelem noumon ruwa kum kelem bosom wede ayinu ana gi turuji jini ana
gi ponyesha anas naare me saba me yom larba ana bija rasul fi kalam ta yide.
33
Lakin gifa naana kede ana masi naare me saba me yom talata kalam ata ma agder ne nebbi kereji bara te
Yerusalem.
34
Ita Yerusalem, Yerusalem, ita gi katul nebiya ita gi dugu lager anas ab gi rasulu
neeta marakam ya ana bilim tala taki, je namna ab gida gi lim yala to fi tete abati to lakin itokum
abba?
35
Ayinu juwa takm seebu ligo fogo anas ma ana gi kelem neetakum itakum mabija ayin
ana ladi itakumbija kelem gal ajol ab wedi nowo baraka ya ajol ab wedi nowo baraka.