1
Bakan wakti tim ligo ogi womba, bakan okalas, min swahaba to wayi min umon kelem ayi sidi
teena, alim ina asadu je kaman Yokana alim mo swahaba to.
2
Okelem noumonn gali kan itakum
womba kelem kun sidi teena asma taki kede arja mamlaka taki kede ja
3
Kede ita gi wedi neena
akili teena te kila yom.
4
Wu kaman kede ita sama neena zambi teena; kalam ina kaman gi sama
kila ajol ab ina kaman gi sama kila ajol ab ina gi dayi mata sulu ina fi fitna.
5
Okelem noumon
gali munu min itakum ab endisi sabi to ab bija ruwa nowo fudtu fileli, obija kelem nowo sabi tayi
deenu ana mu kati talata;
6
Kalam sabi tayi ja otala fi safari ana kaman ma endisi gidam uwo;
7
Me naade ab fi min juwa warja nowo okelem mata gi taban ana; saade baabu me sidu,Ana me
yala tayi ne kalanum ana ma agder gum kede ana wedi neita?
8
Ana gi kelem neitakum sala kan
gal uwo ma gura gum kede uwo wedi noowo kalam saabi to, lakin kalam taaru to obija gum
kede uwo wedi noowo kila sokol ab uwo aju.
9
Ana kaman gi kelem neitakum gali asadu, kum
bija wedi neitakum; gusu kum itakum.
10
Kalam kila azol ab bi asadu bija wedi nowo; me ajol ab
gi gusu abija ayinu, me ajol ab gi dugu hoodi bija fata noowo
11
Mun min itakum baba te ajol ab
bija asadu noowo mukati dukur owedi noowo laager? aw samaya dukur owedi nowo debiba?
12
Aw kan uwo bija asabu mayayi dukur bi wedi nowo agarab?
13
Yala kan itakum ab batal tokum
agder wedi ne yala takum zawadi ab seme umon ma bisinga sidi takum ab fi samayi wedi
neitakum Roho ab nedifu ab anas gi asadu.
14
Wakti ab kan ogi turuju jini ab awiri wakti jini de
tala min uwo, abobo dukur wonusu kowm dukur hairu.
15
Anas taanin dukur kelem ogi turuju jini
fi niyaba te Beruzabuli kebir te jini.
16
Me anas taanin asadu Yesu kede uwo jibu noumon alama
ab gi tala min samayi.
17
Lakin wakti uwo faham umon fi kalama ab umon gi fekeri okelem
noumon mamlaka yoyote ab gi dusman me nafsi to bija kalasu. Me family ab me ferteku
badum toumon bija waga.
18
Kan shaitan gi dusman badum tow obija yegifu kefin mamlaka to
ana kelem dolde kalam kalama ab itakum gi kelem itakum kelem gali ana gi amurugu jini me
gudra te Beruzabuli.Me musaidizi te nas swahaba to gi amurugu uwo bara?
19
Kan kun ligo ana
gi amurugu diamond kalam te Beruzabuli? Yala takum gi turuju fi juu temunu ya jede umon bija
kun kubarina takum.
20
Lakin kan ana gi turuju jini me aju taRabana yala mamlaka te Rabana
rasul neitakum.
21
Ajol ab te gudra ligo uwo endisi sokolina te dusman okan chunga midan to
sokolina to gi kun me amaani.
22
Lakin kan bija ja nowo ajol ab gi sinda uwo me gudra osinda
uwo, ogi sulu min uwo sokolina to kulu ab te dusman dukur ogi gesim sokolina to.
23
Ajol ab ma
me ana ya aduyi tayi ajol alma bilim bakan wayi me ana ogi karabu milan
24
Jini kan tala min
ajoi, ogifutu fi bakan ab mafogo moyo ligo ogoi gusu bkan te amla safa; okan kosa ogikelem
kede ana arja fijuwa tayi ab, ana tala foyo.
25
Okan bya Ja og; ayimu Je kunusu dukur aliguwo.
26
Yala ogiluwa og; Jibu Jini taani Sabaabu batal zaidi futu uwo, mongi dakalu umon gi gayi nai
yala mwisho te ayol wede bya kun batal futu abidu to.
27
Wakti tim ligo ogi wonusu wede mariya
te kawm arfa ida to okelem gali endi baraka batna aba Ja welendu ita, me suduru ab ita Ja
rada.
28
Lakin uwo Ja kelem nowo gali mon endisi baraka anas abbiligo kalam te rabana dukur
mon Ja chunga umon mo
29
Wakti kawm lim badum Jambu uwo, Wa bidu gi kelem gali amani
wede de amani ab batal gi gusu alama, lakin mabyawedi noumon alama illa alama te yona.
30
Kalam yona Je namna aba kan uwo alama ne anas te Nineeve, ya kaman nyereku te azol bya
kun Jede fi karni wede
31
Sultan ab mariya ab te (sw) obija wegifu gidam makosa bakan wayi me
anas te karni wedede obija singa umon me case: kalam oja tala min mwisho te duniya kede
uwo ja faham agil te sulainan; abur ayinu algi singa sulainan ofi in.
32
Anas te Nineevi mon bija
yegifu fi makosa bakan wayi me karm wede mon bija sinda case.Kalam umon ja taya kalam
nadi te Yona ayinu ab gi sinda Yona ofi in.
33
Mafi ajol ab gi wala taa dukur ogi kutu fi hufura, aw
min juwa te kikapu Ela fi laafa anas ab gi dakalu kede umon ayinu je namna ab gi wala.
34
Taa te
gildu taki ya ena taki; ena taki kan bi ayinu kuweesi me gildu taki kulu gi kun amla semsi, lakin
kan bi kun batal me gildu taki kulu amla duluna.
35
Yala chunga ita me semsi ab fi fugu ita kede
ma kun duluna.
36
Yala kan gildu taki kulu amla semsi ligo omendisi nusu to ab duluna kulu ya
amla semsi je namna ab taa gi wala me wala to.
37
Wakti ab kan uwo gi wonusu ajol te Falisaayo
nadi uwo kede uwo ja akul akil fibeeyto; dukur odakal ogen fi akil.
38
Ajol te Falisaayo wakti ayinu
oshanga kalam ata uwo ma kasulu ida to ma kabla akul.
39
Sidi feena dukur kelem nowo gali
itakum nas Falisaayo itakum gi kasul min fo te kubaya me saani lakin min juwa takum amla
harami me nya kama.
40
Lakin itakum awirin, ajol ab adul min bara uwo ma ya adul min juwa.
41
Lakin ab fi min juwa kede itakum gi wedi kede gi kun huruma ayin lakin ligo kulu noumon yala
kila sokol bija kun nedifu neitakum.
42
Ligo badum meetakum nas Falisaayo; kalam itakum gi wedi wayi te ashara min sokolina te samba takum lakin iman me aju te Rabana itakum gi futu
min forofu: Wede gi faa neitakum soto, me naade kaman kede itakum deebu ma soto
43
Ligo badum meetakum nas Falisaayo! Kalam itakum aju bambara te min gidam te hafla me selem
itakum fisu.
44
Ligo badum meetakum! Kalam itakum gi beenu je turuba ab ma gi beenu ab anas
gi masi fogo ligo umon arufu ma
45
In ya ajol wayi te shariya dukur kelem nowo malin, ita kan
kelem jede kelem jede ita gi sitim ladi ina.
46
Okelem gali itakum kaman anas te shariyanligo
badum meetakum! kala itakum gi arfa anas me sala ab magderi arufa to, itakum sidu itakum
ma agder arfa.
47
Ligo badum meetakum! Kalam itakum gi abinu turuba te mebiya lakin ligo nas
jidi jidi takum yakan ja katul umon.
48
Ya jede itakum shahidin itakum gi rudu me kidima te nas
jidi jidi takum: Kalam umon ja katul umon, asede itakum itakumgi abin turuba toumon.
49
me agil te Rabana ya gi kelem ana bija rasulneetakum nebiya; taanin min umon bija katul itakum aw
umon bija gusu wara itakum.
50
Domu te nebiya kulu ab kubu min kalagu te duniya, bija asadu
karni wede;
51
Min fi domu te abe ladi fi domu te Zakariya ab ja katul fi ustu te naari ab fi kanisa
taasil ana gi kelem neitakum gali bija asadu karni wede.
52
Ligo badum meetakum, nas swahaba
te shariya! Kalam itakum ja sulu maffa te agil itakum sidu ata dakal ma me anas ab kan aju
53
Wakti uwo tala naaanas te katifu kitaba me nas Falisaayo mon
abidu taban uwo zaidi me kati kasma to fi wonusu kalama ab milan.
54
Ligo gisteenu uwo fi sika
mon aju amsuku uwo fi kalam yoyote ab uwo aju kelem.