^{3 1} Lakin Yesu ruwa fi gala te zaitun. ² Ogum minsubu oruwa fi kanisa anas kuluja nowo ogen waabidu alim umon. Anas t kataba ma nas Falisaayo amsuku mariya ab tala fi so ziria, kutu uwo fi ustu. ⁴ Mon kelem gali ajol ab gi alim, mariya wede amsuku uwo ligo uwo fi ziina ina ligo uwo. ⁵ Lakin fi shariya Musa amrisha ina dugu umon laager anas abgiso jede;asede tegikelem sunnu fugu uwo?. ⁶ Mon wonus jede ligo umon gi jaribu uwo kede umon kun me kalam ab umon agder asiki uwo fogo. lakin Yesu sujudu okatif me idda fitura. ⁷ Wakti umon ruwa gidam me asadu oyegif okelem noumon gali fi ustu itakum ab lisa ma karabu kede uwo abidu dugu uwo laager. ⁸ Odengir martan okatif me idda fi tura . ⁹ Wakti umon asma mon tala bisesi bisesi ajuusiya ya abida laadi fi ajol te mwisho.Yesu fadul uwo baraw me mariya. ¹⁰ Yesu dukur yegif okelem nowo mariya mon ruwa wenu? mafi ajol ab gata case kede shida ita? ¹¹ Okaman kelem gali ana kaman ma gi gata case te shida ita;ruwa;fi abidu te naare mata arja fogo. ¹² Ini ya Yesu wonus noumon marataani;okelem gali ana yasemsi te duniya ajol abbifatiliya ana oma bija mesi fi duluma okaman bija kun me semsi te haji. ¹³ Ini ya nas Falisaayo kelem noumon gali ita gi kelem kalama dolde neeta barraw,khutuba taki de ma te hakki. ¹⁴ Yesu arja noumon fogo okelem gali salakan gali ana gi kelem de ne ana kalama tayi de te hakki; kalam ana arufu sika ab ana tala,me sika ab ana giruwa fogo,lakin itakum me arufu sika ab ana tala fogo salakan sika ab ana giruwa. ¹⁵ Itakum gi gata kesi je namna ab gildu fi mo ana ma agder gata ne ajol kesi. ¹⁶ Lakin salakan ana gi gata kesi gata tayi te hakki;ana ma wayi, ana me sidi tayi ab rasul ana. ¹⁷ Kaman fi shariya takum fi kitab takum gi kelem gali,khutuba te anas tinen te hakki. ¹⁸ Ana giso khutuba ne ana barraw me sidi tayi ab rasul ana ogi kelem naana. ¹⁹ Ini ya asadu uwo sidi taki,de twen?Yesu arja fogo gali ana itakum arufu ana ma sala sidi tayi .kankan itakum arfu ana,kan kaman itakum bi arfu sidi tayi. ²⁰ Kalama dolde owonusu fi bakan te kutu sente wakti ab uwo kan gi wonusu fi kanisa ; mafi ajol ab amsuku uwo kalam zaman to kanlisa ma tim. ²¹ Ini warja kelem noumon gali ana gi ruwa,itakum kaman bija gusu ana itakum bija mutu fi zamb takum ana bakan ab ana giruwa itakum ma agder ja naa. ²² Ini ya nas Yudaaya kelem Aneta,kalam ogi kelem gali bakan ab ana giruwa fogo de itakum ma agder ja naa? ²³ Okelem noumon gali itakum te teyi ana tefoo;itakum anas te Duniya ini ana ma te Duniya ini. ²⁴ Ya ana gi kelem ne itakum itakum bi mutu me zambi takum.kalam itakum abba amin ligo ana yade ani itakum bija mutu fi zambi takum. ²⁵ Ini ya umon asadu uwo ita ya munu?Yesu kelem noumon se namna ab ana kelem neitakum faulan. ²⁶ Ana endisi milan te wonus me gata kesi takum;lakin sidi tayi ab rasul ana uwo ya te hakki;ana kaman sokol ab ana asma min uwo ya ana jib ne itakum. ²⁷ Mon ma faham je ana gi wonus fi sidi teena. ²⁸ Ini ya Yesu kelem gali itakum kan kala ja arfa nyereku taajol ya in itakum bija faham gali ana yade tokum bi arufu je mafi sokol ab, ana giso me ras tayi,lakin je sidi tayi alimana ya ana gi wonus jede. ²⁹ Me ajol ab rasul ana ofi me ana;sidi tayi ma gi seebu ana bara ,kalam ana giso killa yom sokolab waju. ³⁰ Wakti owonus kalama dolde anas milan amin mowo. ³¹ Ini ya Yesu kelem ne nas Yudaaya ab amin mowo gali kan itakum tesegu itakum fi kalama tayi ligo itakum swahaba tayi; ³² ya itakum bija faham hakki bija kutu itakum fi amini. ³³ mon arja fogo gali ina yaala te Ibrahim ata mafi ajol ab gi hukum ina yoyote ,ita gi wonus kefin gali ina bija kum me amin? ³⁴ Yesu arja noumon gali killa ajol ab giso batal ya labi te batal. ³⁵ labi magi gen fi juwa amini me amini;nyereku gigen me amini me amini. ³⁶ Yaala nyereku kan bija kutu itakum te amini to kum bija kum me amini. ³⁷ Ana arufu je itakum yaala te Ibrahim:lakin itakum gi gata agil te katul ana kalam kalama tayi ma gi fata uwo me itakum. ³⁸ Ana gi wonusu kalama ab ana ayinu min sidi tayi me itakum kaman kede so kalama ab itakum asmamin nas babatakum. ³⁹ Mon arja fogo mon kelem nowo gali Ibrahim ya babateena. ⁴⁰ Yesu kelem noumon kan kan itakum kun yaala te Ibrahim , kan itakum biso kalama ab Ibrahim ja so lakin saade itakum gi gata agil ta katul ana ,ajol ab kelem neitakum te hakki ab ana asmamin Rabbana,Ibrahim ma so jede. ⁴¹ Yimu ma so jede , itakum gi so kidima te tenas baba takum mon kelem nowo ina fi yaala ab me alisi ina endisi baba teena wayi ya Rabbana. ⁴² Kankan Rabbana ya baba takum kan itakum bi aju ana zaidi kalam ana tala min Rabbana dukur ana ma ja me rasul tayi lakin Rabbana ya rasul ana. ⁴³ Sunu ya kutu kede itakum ma faham wanasa tayi?kalam itakum ma agder asma kalam tayi. ⁴⁴ Itakum yaala te shaitan itakum aju so matumayini te baba takum.wede mini fawlan ya katili,oma yagif fi achili kalam hakki kan mafi fugu uwo.okan wonusu kabas ogi wonusukalam to;kalam uwo ya kabas wu uwo baba te anas ab kabas. ⁴⁵ Lakin kalam ana gi wonus hakki,itakum ma gi amin. ⁴⁶ Fi istu itakum munu ya agder wonusu batal tayi ?kan ana wonusu hakki sunu ya gi kutu kede itakum aba amin me ana? ⁴⁷ Ajol te Rabbana ogi asma kalama te Rabbana :ya itakum abba faham kalam itakum ma anas te Rabbana. ⁴⁸ Anas te Yudaaya arja kelem nowo gali ina ma gi wonusu kuwesi gali ita mu Samaliya,mon arja asaadu uwo ita endisi Jini? ⁴⁹ Yesu arja fogo gali ana ma endisi jini;lakin anagi kutu heshima me sidi tayi, itakum ma gi kutu fugu ana heshima. ⁵⁰ Lakin ana ma gi gusu heshima tayi ofi ab gi gusu ab gi gata kesi. ⁵¹ Taasil taasil ana gi kelem ne itakum gali ajol kan bi amsuku kalam tayi oma bija ayinu mutu sana le sana ⁵² Anas te Yudaaya kelem nowo gali saade ina faham je ita endisi jini Ibrahim mutu me nas ne biya;ita kaman gi kelem ajol kan amsuku kalam tayi oma bi ayinu mutu umri to kulu. ⁵³ Ita ya kebir sindu siditeena Ibrahim abja mutu? me nas ne biya kaman jamutu ita ya munu? ⁵⁴ Yesu arja fogo gali ana kan bi arfu ana barraw weri weri tayi bikun endisi faida ma ajol ab gi arfa ana ya sidi tayi ab itakum gi wonusu fogo gali ya Rabbana takum. ⁵⁵ Itakum ma gi faham uwo :lakin ana arfu uwo ana gi amsuku kalama to. ⁵⁶ Ibrahim ja furai ayinu yom tayi uwo ayinu uwo furai. ⁵⁷ Ini ya anas te Yudaaya kelem nowo gali ita lisa tim mma sana so,lakin Ibrahim ita ayinu uwo? ⁵⁸ Yesu dukur kelem gali Ibrahimligo lisa ma weledu uwo ligo ana fi. ⁵⁹ Ini ya umon lim lagera mon abidu dugu uwo lakin Yesu dusu uwo otala min kanisa.