¹ Fi yom tawlan min yom saba Mariya Magadalena oguk fustu fileli, ligo lata lisa saba ma fi kabri uwo ayin ja laager amurugu min juwakabri. ² In y ojere oja na Simoni Petero me na swahaba ab kan Yesu aju zaidi okelem noumon gali amurugu sidi tena min juwa kabri ina arufu ma sika ab kutu uwo fogo. ³ In ya Petero tala mme swahana taani de mon ruwa fi kabri. ⁴ Mon jere mon kulu tinen; me swahaba taani de ofutu Petero orasul awlan fi kabri. ⁵ Ochochodo uwo ayinu min juwa uwo ayin gumas ab kan kofun uwo mo de ya fi dukur oma dakal. ⁶ In kaman Simon Petero kaman ja ligo ogi jere wara uwo ofakal fi kabri uwo ayin kofun ya fina. ⁷ Me gumas ab kan te rsu kutu bakan wayi lakin ligo lim bakan wayi kutu fi torofu me kilemba to. ⁸ Ya in swahaba tawlan ab abidu ja fi mabri uwo ayin uwo amin. ⁹ Kalam kan umon ma lisa faham fi kalama ab ja katifu zaman gali gi faa nowo gum min meitin. ¹⁰ In ya nas swahan aarja noumon fibe. ¹¹ Lakin maryam yegif torofu kabrii ogi koore nyereku to: waktiokan fi koore odengiri uwo ayin min juwa kabri; ¹² Uwo ayin malaika tinen ligo umon lebisi gumas ab ya ligo uwo gen wayi ley rasu taani ley kura fi bakan ab kan Yesu dofun uwo fogo. ¹³ In ya kelem nowo mama ita gi koore sunu? okelem noumon kalam suluu min ana sidi tayi ana arfu ma sika ab sulu wo fogo. ¹⁴ baada okalas wonus jede ogeeru min wara uwo ayinu Yesu ligo ogi fu oma faham jede Yesu. ¹⁵ Yesu kelem nowo gal mama ita gi koore sunu? ita gi gusu munu? ligo mama de gi feker gal askeri te samba dukur okelem nowo akwee wala ita ya sulu uwo fi bakan taani ana kaman bija amrugu uwo. ¹⁶ Yesu kelem nowo Maryam ogeeru wagilibwo okelem fi lugha te bulaniya Labon! maana to malim. ¹⁷ Yesu kelem gal mata amsuku fugu ana! Kalam ana lisa ma ruwa fi samayi ne sidi tayi: lakin ruwa ne akwana tayi kede ita kelem noumon ana guruwa fi samayi ne sidi tayi wu sidi takum ne Rabbana tayi wu Rabbana takum. ¹⁸ Maryam Magadalena dukur arja ojankelem na nas swahaba tou on gal ana ayin sidi tena.Je namna ab uwo kelem nowo kalama dolde. ¹⁹ Fi yom naade lasiya fi yom tawlam fi yom saba wakti baban go tulu bakan ab kan fogo nas swahaba ligo umon gi kafu nas Yudaaya. dukur Yesu ja, oyegiffi ustu toumon okelem noumon amani kede kun me itakum. ²⁰ Baada kala owonus jede oweeri noumon ida to me dula to nas swahaba furai wakti umon ayinu sidi toumon ²¹ In ya Yesu kelem noumon gal amani ked kun ne itakum je namna ab sidi tayirasulu ana ya kaman gi rasul itakum. ²² Wakti uwo kala wonus jede dukur uwo afuku fugu umon loobu okelem noumon sulu kum Roho ab nedif. ²³ Anas ab itakum bija amurugu fugu mon batal kulu bija amurugu min umon anas ab itakum bi robutu fugu mon batal kulu bija robutub fugu mon. ²⁴ Lakin Thomas wayi min anas 12 ab kan gi nadi uwo (didumo) okan mafi mowmon wakti Yesu ja. ²⁵ In ya nas swahaba taanin kelem nowo gali ina ayinu sidi tena. uwo dukur kelem noumon gali kan ana ma bija ayin fi batna ida to alama te musmaari, dukur ana kede kutu ida tayi fi alama te musmari ana dakal ida tayi fi fi dula to ana ma bija amin ata siya. ²⁶ Baada futu yom8, nas swahaba to kan umon fi min juwa me Thomas kaman fi moumon Yesu dukur ja babu kan me sidu oyegifu fi ustu toumon okelem amani kede kun me itakum. ²⁷ In ya okelem ne Yhomas gali jibu in ida taki kede ita ayinu alama tayi; wu kaman kede ita jib ida taki kede ita kutu fi dula tayi; kede ita ma kun ajol ab ma gi amin illa ajl ab gi amin. ²⁸ Thomas arja fogo okelem gali ita ya sidi tayi. ²⁹ Yesu kelem gali kalam ita ayin ana ya sabab ab ita amin mme ana mon endis baraka ana ab gi amin ligo umon ayi sokol ma. ³⁰ Kan fi alama milan ab Yesu so gidam te nas swahaba to ab ma katifu fi kitaba. ³¹ Lakin dolde ja katif kan kala kede ita kum ka amin je Yesu ya Kristo nabi ta Rabbana wu kan itakum bi aminu kan kala kede itakum kun me hayi fi asma to.