1
Fi yom te talata, dukur Kun hafla te joju fi Kaana te Galilaaya; me mama te Yesu Kan fi;
2
dukur naadi Yesu me swahaba to kulu fi joju.
3
Lakin bakan merisa kalas, mama te Yesu kelem nouwo gali mon ma endi (vinyo).
4
Yesu kelem nouwo gali, mariya, tegiban je ana sunu? sa tayi lisa tim ma.
5
Mama to kelem na anas te kidima gaali jefla kalam al uwo bikelem neitakum ya kede ifa kum Kede So.
6
Kan fi guruma altelaageri sita, alkan kutu Sabab te hishima tenedif anas te Yuda ya, kila wayi ligo gitaala fogo guruma tinin aw talata.
7
Yesu kelem noumon gali, guruma de Kede amula fogo moyo. amula ladi fi ragabutu te guruma de.
8
Okelem noumon gal amula kum Saade kalam kede wed, ne ajol algigesim akili fi bakan joju, wed nowo.
9
Ajol tegesim akil fi bakan joju, bakan uwo ayinu fi moyo al Jilibo merisa, duku uwo ma arfu sika altala fogo (lakin anas algi gesim moyo de monya arufu), Ajol al gigesim akil fibakan joju onadi laaris,
10
Okelem nowo gal kila ajol ogikutu vinyo milan! lakin Kan anas kala Saban, duku okutu albatal: lakin ita hafiz al Kuweesi ladi saade.
11
Wede ya alama al Yesu ja abidu so fi kaana fi Galilaaya, oween hishima to, swahaba to rudu nouwo.
12
Baada te wede oruwa fe Kaperenaunu, uwo me mama to, me akwana to, me swahaba to umon ma kalas na yom milan.
13
Bakan ba'Yudaaya futu, kan kala gura futu, Yesu dukur ruwa fi Yerusalem.
14
Oligo fi keregiya mon gitunda Kooru me bagara me haman, obadul noumon feza ligo umon geni;
15
Ogeeru laabil rabata Oturuju umon Kulu mi kanisa, me kooru, me bagara; okubu feza al badu moome feza, okati meza tomon:
16
Okelem na anas al kan gitunda hamamad gal, amurugu Kum sokolina dolinde, mata kum gigeeru, juwa te baba tayi: bakan tebyashara
17
Swahaba toumon kumbuka gal ja katif uwo gali tyeli te juwa taki, bija akul ana.
18
in ya nas'Yudaaya arja fogo umon kelem nouwo gal, alama sunu al ita giweni ne ina.algi kutu kede ita so jede?
19
Yesu arja kelem noumon gal, kasuru kum kanisa wede, ana bija abim fi yom talata.
20
Ini ya nas'Yudaya wonusu gal, kanisa wede ja abimu sana sittaarbain, ita bija abim fi yom talata.
21
lakin uwo wonusu fi kanisa te geldu to.
22
in ya ja tooru uwo min meyitin, swahaba to ja faham ja uwo mertin, swahaba- to jafaham ja uwo Ja wonusu fogo: mon rudu Kalama alja katifu me kalama al Yesu ja wonusu.
23
Bakan uwo Kan fi gifutu fi Jerusalem, fi joju milan rudu me asuma to, bakan umon ayinu alama to al uwo ja so.
24
lakin Yesu ma ween uwo noumon fadi kalam uwo ja faham umon kulu,
25
yakan oma aju ajol yoyote kede naba kalama te anas; kalam uwo sidi ja faham Kalama kan fi fi anas