1
Wakti Yesu kala kalas wonusu kalama dolde otala me nas swahaba tomon futu fi kooru Kidulooni, yakan samba matooke oruwa na uwo me nas swahaba to.
2
Me Yuda ab akul fuguwo ha sidi, okan arfu bakan naade kalam Yesu ja ruwa, na mara milan me nas swahaba to.
3
In ya Yuda wakti kala wedi nowo kawm te askeriya me rujala ab tala min kubarina te kanisa me nas Falisaayo otala na ligo uwo endis taa, me mawa melaruba.
4
Wakti Yesu faham kalama de kulu ab gura rasul fuguwo otala na okelem gal itakum gi gusu ana munu?
5
Mon jibisha uwo Yesu te Nazareth Yesu dukur kelem ana yade ma Yuda, al futu nowo fi daari okan yegif moumon.
6
Wakti okelem gal ana yade mon arja wara mon waga falta.
7
Mon arja asadu uwo te mara tinen gali itakum gi gusu ana munu? mon kelem Yesu te Nazareth.
8
Yesu arja fogo gali ana kelem ne itakum gal ana yade kan itakum gi gusu ana, seebu kum nas swahaba tayi kede umon ruwa.
9
Kalam ab uwo wonus kede timiza gali min anas ab ita wedi naana ana ma woduru fogo hata wayi.
10
In ya Simoni Petero uwo ya kan endis sokol te dusuman wamurugu dukur okatul mo labi te kebir te kanisa, ogata adan to te ida yomin me asuma te labi de ya kan Malko.
11
In ya Yesu kelem ne Petero kede arja mun juwa sokol te dusman de(silaa) Kubaaya tayi ab baba tayi wedi naana de ana ma bi asurub?
12
In ya kawm te askeriya me kebir toumon me anas te kazzi te nas Yudaaya mon amsuku Yesu umon robutu uwo.
13
Mon sulu uwo ne Ana, kalam kan uwo kan nesiba te kayafa, ab kan kebir te kanisa fi zaman naade.
14
Wu kayaafa wedede uwo ya wedi ne nas Yudaaya agil gal gi faa ajol wayi kede mutu ne anas kulu.
15
Simoni Petero me nas swahaba taanin dukur umon fatiliya Yesu in ya wayi min nas swahaba ab kan arfu uwo me kebir te kanisa, odakal me yesu fi midan te kebir te kanisa.
16
Lakin Petero kan ygif fi babu in ya wayi min swahaba ab arfu uwo me kebir te kanisa otala owonus me biniya ab gi sidu babu odakal Petero.
17
In ya biniya ab gi sidu babu de kelem ne Petero gali, ita kaman wayi min nas swahaba te ajol wede? okelem gali ana ma wayi min umon.
18
Haabi me kadima kan umon yegif ligo umon wala naari te maka, kalam kan de wakti te segete mon gen jambu naari, me Petero kaman kan fi moumon.
19
In ya kebir te kanisa asadu Yesu kalam te nas swahaba to, me taalim to.
20
Yesu arja nowo fogo gali aba bija alim fadi duniya, killa yom ana bija alim kan anas lim me fi kawm dukur anas te Yudaaya kulu lim bakan wayi, ana ma bija wonusu kalam fi sirri.
21
Te gi asadu ana sunu? asadu anas ab kan gi asma ana kalama ab ana kan gi kelem noumon:la ayin anas dolde arufu kalama ab ana ja wonusu.
22
Wakti owonusu kalama dolde wayi min nas laabi odugu Yesu kofu okelem gali ita gi afja fogo kefin ne kebir ta kanisa?
23
Yesu arja fogo gali kan ana wonus batal kede kun fugu ana batal: lakin kan kuwesi te gi dugu ana ley?
24
In ya Ana dukur wedi uwo ligo uwo me robutu ne kayafa kebir te kanisa ab kebir.
25
Me Simoni Petero kan yegif ligo ogi dafi naari in ya kelem nowo gali ita kaman wayi min nas swahaba to? uwo to abba gali ana ma min nas swahaba to.
26
Wayi min laabi te kebir te kanisa te kabila te wedede ab Petero gata adan to, okelem nowo.
27
Petero dukur abba maratan gwam bimara dukur gidida koore.
28
Mon jibu Yesu ne Kayaafa dukur wedi uwo fi bakan te mahkama: Kan lata gi saba; umon sidu dakal fi bakan te gata kesi kede umon ma karabu umon kede umon akul akil te jooju.
29
In ya Piraato tala tala oruwa fi bakan ab umon fi fogo okelem gali kesi sunu ya itakum gi kutu fi ras te ajol wede?
30
Mon jibisha uwo mon kelem gali ajol wede kan kan uwo ma so batal ina kan ma bi jibu uwo gidam ita.
31
In ya Piraato kelem noumon gali yala sulu kum uwo ruwa kum gata nowo kesi ja namna ab sahriya takum fimo. In ya nas Yudaaya kelem nowo gali ata mafi sahariya ab ina endis te katul ajol yoyote;
32
Kalam te Yesu kede timiza ligo uwo gi wonus namna ab uwo gura mutu mo.
33
In ya Piraato dakal fi bakan te mahkama onadi Yesu okelem nowo gali ita ya kabaka te nas Yudaaya?
34
Yesu arja nowo fogo gali, kalam wedede ita wonus je itta aw fi anas taanin ya akil ne ita kalama tayi?
35
Piraato arja fogo gali ana ajol te Yudaaya? anas te kabila ttaki me kubarina te kanisa ya jibu ita naana: ita so sunu?
36
Yesu arja fogo gali mamlaka tayi ma te duniya ini: Kan kan mamlaka tayi kan te duniya ini rujala tayi kan agder dusman, kalam kede ma wedi ana fi ida te naas Yudaaya: Lakin kalam mamlaka tayi ma te ini.
37
In ya Piraato asadu uwo ita ya sultan? Yesu arja foogo gal ita wonus kalam ana ya sultan ya weledu ana jede me wedede ya sabab ab jibu ana fi duniya, ana kede kelem haaki killa ajol ab te haki bi asma kalam tayi.
38
Piraato dukur kelem nowo gali, hakki ya sunu? wakti okala wonus kalam wede otala oruwa bakan ab fogo anas te Yudaaya okelem nowo mon aa ma gi ayinu makosa fugu uwo.
39
Lakin itaku endis adab ana kun ligo ana gi fiku mobusu wayi killa yom te hafla: yala itakum aju kede ana fiku ne itakum sultan te nas Yudaaya?
40
In ya umon abidu mpaka mon kelem ma wedede, illa Balaba. me balaba kan harami.