¹ Lakin joju de wakti lisa ma rasul Yesu wakti faham ja wakti to kalas te wassa min duniya wede ruwa ne Rabbana to je namna ab uwo aju anas to te duniya uwo aju umon ladifi mwisho. ² Wakti umon gu aku akil te filel sitani ligo okala futu fi Yuda Escariyotu nyreku te Simoni akul fugu uwo(Lukwe) ³ Wakti wakti faham je kalas wedi nowo killa sokol fi idda to kalam otala min na Rabbana wu uwo gi arja ne Rabbana, ⁴ Otala min akil uwo amurugu gumasa to; osuli dulugan rasu okati mo aryan to. ⁵ Dukur okubu moyo fi bense wadidukasul swahaba to kura ligo ogi abis umon me kiremba to. ⁶ In ya oja ne Simoni Petero. Okelem nowoita ya gi kasul kura tayi? ⁷ Yesu arja fogo gali sokol ab ana giso de ita ma agder arufu ita bija faham beden. ⁸ Petero kelem nowo ita kan ma lisa kasul kura tayi ladi yom wayi. Yesu arja fogo gal, kan ana ma bi kasul itaita ma wayi ma wayi min swahaba tayi. ⁹ Simoni Petero dukur kelem nowo sidi tayi ma kura tayibara, me idda me rasu. ¹⁰ Yesu dukur kelem nowo gali ajol ab gi kasul gildu to oma endisi sokol ab uwo aju lakin kasul kura bara lakin ligo uwo kulu nedif itakum kaman nedif lakin maitakum kulu. ¹¹ Kalam oja arutu uwo ajol ab bija akul fugu uwo lukwe; ya okelem gal itakum kulu ma nedif.4 ¹² Wakti okala kasul kura toumonolebisi gumasa to warja gen martan, okelem nowo itakum faham sunu ya ana so ne itakum? ¹³ Itakum gi nadi ana ajol ab gi alim awsidi takum: Itakum gi wonusu kuwesi kalam ya ana fi. ¹⁴ Yala kan ana ya sidi takum aw ajol ab gi alim itakum ana kasul kura takum kaman gi faa ne itakum kasul kura takum. ¹⁵ Kalam ana wedi ne itakum mithaal wu kaman je ana so neitakum kaman sokun jede. ¹⁶ Taasil taasil ana gi kelem neitakum gali ladi ma gi sinda kun kebiri ne sidi tow; Kaman ajol ab mursal maagder sinda sidu rasul uwo. ¹⁷ Kan itakum bija arufu wede itakum endisi bara ka kan itakum biso. ¹⁸ Ana ma wonusu fi itakum kulu: ana arufu anas ab ana nigitu min iakum: lakin kalam ab ja katif kede rasul fugu ana ajol ab bi akul fi akil ayi obi kun uwo arfa ana foo. ¹⁹ Tawlan naare ana gi kelem neitakum kabla lisa ma kun sala kan bija kun kede itakum ja amin je ana yudan. ²⁰ Taasil ana gi kelem ne itakum gali ajol ab gi juru geeri ajol ab ana gi rasul ogi kun ojuru de ana: wu ajol ab bi juru ana ogi kun juru geeri ajol ab rasul ana. ²¹ Yesu wakti kala wonus jede uwo abidu ligo wasi wasi fi Roho to dukur owonus gali wayi min itakum ab bija akul fugu ana lukwe. ²² Nas swahaba abidu ayinu badum umon ligo wasi wasi fi wayi fi usru umon. ²³ Kan fi wayi ab kan gen geeri me Yesu fi saa te akil Yesu ab kan hibu uwo zaaidi. ²⁴ In ya Simoni Petero oweri alama fi wayi min umon okelem nowo awn ina kelem neena ajol ab ogi wonus fogo de. ²⁵ Wakti uwo ayin badum me Yesu ligo okan fi sidi tayi oyaa munu? ²⁶ In ya Yesu kelem ajol ab ana bi koozatonge dukur ana bi wedi nowo ya uwo wakti uwo koza tonge, osulu owedi ne Yuda nyereku te Simoni Escariyoti. ²⁷ Wakti okala wedinowo tonge de sitan dukur dakal fugu uwo in ya Yesu kelem nowo sokol ab ita giso sogwam. ²⁸ Lakin kalam wede mafi ata ajol wayi ab faham sabab ab kutu kede owonus. ²⁹ Kalam anas taanin ja faham gali Yuda ya kan gi amsuku sela, Yesu kelem nowo kede uwo bijo kila sokol ab umon aju te jooju; aw kede owedi ne nas mis kinin sokolin. ³⁰ Wakti kala wedi nowo tonge, gwam mara wayi otala bara; kan kala filel. ³¹ Wakti kala otala Yesu kelem asede nyereku te binadum gi sul uwo te foo me Rabbana gi arfa asma to ligo gi futu fi uwo. ³² Wu kaman Rabbana kaman bija arfa uwo ligo ogi futu fi uwo sidu kaman gwam zaidi obi arfa asma tow foo. ³³ Yala tayi wakti siya ligo ana lisa fi me etakum tokum bija gusu ana: Je namna ab ana kelem ne anas te Yudaaya ana gi ruwa fi bakan ab itakum ma agder rasul me itakum kaman ana gi kelem ne itakum asede. ³⁴ Shariya ab gi ja ana gi wedi ne itakum aju kum badum; je namna ab ana ja aju itakum aju kum badum. ³⁵ Mon kulu bija faham je itakum nas swahaba tayi kan itakum ja kun me mahaba itakum bara. ³⁶ Simoni Petero asadu sidi tayi. Ita gi ruwa wen? Yesu arja fogo bakan ab ana gi ruwa ita ma agder gedim ana saade; te bija ja warana baada tayi. ³⁷ Petero dukur kelem sidi tayi sunu ya gi aba ana ja wara ita saade? ana bija wedi hayyi tayi laajal taki. ³⁸ Yesu arja fogo ngal ita agder wedi hayi taki le sabab tayi? Te asil ana gi kelem neeta ngal gididida ma agder koore illa ligo ita aba ana mara tarata.