¹ Wakti fadul yom (60) kede joju de tim, Yesu dukur jaa fi besanya al kan gi nadi Lazaro Yesu al uwo amurugu min juwa kabri. ² Ya Rakab nowo akil te filel: me maliza kaman liju akil; lakin Lazaro me anas ab kan gen mowo fi akil. ³ In ya maryam jibu latiri tedin ta te mugavu te sente milan zaidi, omasa fi kura te Yesu obilu kura to me ras to: juwa dukur affin raha te din. ⁴ Lakin Yuda Eacariyoti waayi min swahaba ab guruwa akil fugu uwo (Lukwe0, okelem gal. ⁵ Sunu ya kutu kede dinta matunda amurugu fogo diinar (300) gesim ne miskinin? ⁶ Owonus jede magal kalam okum bu kanisa kinin lakin kalam uwo harami uwo ya kan gi msuku sala okan gi sulu sokol yoyote ab kan gi kutu fogo. ⁷ In ya Yesu kelem gali seebu kum uwo kedi uwo hafiz ladi yom te difun tayi. ⁸ Kalam anas ab misikinini ya itakum fimo killa yom; lakin ata itakum ma me ana yom kulu. ⁹ In ya anas ab te tey te Yudaaya gura faham je uwo fi killa wakti: mon ja ma kalam te Yesu barraw, mon kaman kedde ayin Lazaro wakti tooru uwo min meitin. ¹⁰ Lakin kubarina te kanisa mon gata agil kede umon katu; uwo me Lazaro; ¹¹ Kalam kalam te Yesu anas milan te Yudaaya mon amon me yesu. ¹² Yom te tinini kawm ab kebiri anas ab kan ja fi jooju bakan umon asma gal yesu gija fi Yerusalemi; ¹³ Mon sulu jafu ab te (pam trees) mon ruwa kede umon ligo badum mowo, mon wonus foo ozaana: wedi nowo baraka ajol ab gi ja fi asma te Rabbana, ya sultan te Israel. ¹⁴ Wakti Yesu ayinu nyereku te punda ogen fogo; je kan ja katif gal. ¹⁵ Mata kafu buniya te sayun: ayinu, sultan taki gija ligo ofi fo te nyereku te punda. ¹⁶ In nas swahaba mon ma faham fi aulan: lakin Yesu wakti kala arfa uwo foo, dukur mon kumbuka ja kan wede kalam kan ja katfi fu guwa, wu kaman so uwo jede. ¹⁷ In kawm ab kan fi mowo wakti nadi Lazaro kede tala min kabri otooru uwo min meitim, weri maana tow. ¹⁸ Ya kawm ruwa kede ruwa ligo badum mowo kalam mon ja asma gal osoo alama wedede. ¹⁹ In ya nas Falisayo wonus badum galiayinu kum je tassil itakum ma ligo faidz ayinu duniya kulu ja nowo. ²⁰ Lakin kan fi anas te Jordan taanin ab ja fi jooju me Ibaada: ²¹ In ya anas te Yonan ja ne Philip, ab ja tala fi Busesaida ab te Galilaya, mon asadu uwo man gi kelem nowo gal akwe, ina aju ayinu yesu. ²² Philip dukur ja okelem ne Anderea, Anderea oja me Philip, mon kelem ne Yesu. ²³ Yesu arja noumon fogo okelem wakti rasul, nyereku te binadum kede ligo heshima. ²⁴ Taasil taasil ana gi kelem ne itakum galena te ngano kan ma waga fi tura dukur mutu gi gen in baraw: lakin kan mutu gi weledu akil milan. ²⁵ Ajol ab aju hayyi to gi woduru nowo ajolab gi karaha hayyi to obija fadul mo bi rasul uwo fi hayyi ab ma g kalas. ²⁶ Ajol kan so kidim tayi okede fatiliya ana: ana kaman sika ab ana fogo ajol ab giso kidma tayi bifi me ana: Ajol kan so kidima tayi Rabbana tayi nija kutufugu uwo heshima. ²⁷ Asede Roho tayi ligo wasi wasi; wu ana gi wonus kefin? Rabbana tayi weri naana hidaaya amurugu ana min wakti wedede. ²⁸ Rabbana tayi, arfa asma taki in ya sawti tala min samayi ana kala arfa ita wu ana bija arja arfa ita. ²⁹ In ya kawm ab kan yegif foo, wakti umon asma mon kelem de faga te samayi: anas taanin kelem gali malaika wonus. ³⁰ Yesu arja fogo okelem sawti wede maja fi sabab tayi, lakin sabab takum. ³¹ Asede duniya wede gi gata nowo kesi: asede kebir te duniya wede bi turuju bara. ³² Ana kaman kan bija dugu ana fi msalaba fi duniya ana bija juuru anas kulu naana. ³³ Lakin owonus jede ligo uwo gi tangaza mutu to ab uwo guruwa mutu. ³⁴ In ya kawm arfu nowo gali ina kan ja asma fi shariya gal Christo ggi gen ini milele me milele: ita sunu ya gi kutu kede ita kelem neyerekute binadum gi faa nowo kutu uwo fi msalaba? ³⁵ In ya Yesu kelem noumon gal fadul yom siya ligo semsi lisa fi ne itakum masi tokum ligo lisa itakum endisi semsi duluma kede ma ja amsuku itakum : ajol ab gi masi fi duluma oma arufu sika ab uwo gi ruwa. ³⁶ Itakum kan lisa fi ne semsi amin kum semsi, kede itakum kun yaa te semsi. Yesu wakti kala wonus kalama dolde, oruwa oruwa dusu uwo. ³⁷ Sala kan gal oso alama milan ab gi ben jede fi ena toumon amin mowo ma. ³⁸ Kalam te nebi Isaaya kede rasul ab uwo wonusu gali sidi tayi munu ya aminme kalama tena? munu ya ida te Rabbana fata uwo nowo. ³⁹ Ya tayinu kan umon ma agder amin kalas Isaaya wonus gal. ⁴⁰ Okati ena toumon okarabu gelba toumon kede umon ma ayinu me ena me faham me gelba kede umon geeru dukur ana kede agder ponesha umon. ⁴¹ Wede ya kalama ab Isaaya wonusu kalam uwo ayinu heshima fow; owonus fi uwo. ⁴² Lakin min kubarin ab amin mowo lakin kalam te nas Falisayo umon ma nati kede ma turuju umon min kawm: ⁴³ Kalam umon aju heshima te anas shinda heshima te Rabbana. ⁴⁴ Yesu wonus me sawti foo okelem ajol ab gi amin me ana ata oma gi amin me ana illa Rabbana sidu rasul ana. ⁴⁵ Ajol ab ayinu ana ogi kun uwo ayin Rabbana ab rasul ana. ⁴⁶ Ana ja kede ana kun semsi fi duniya killa ajol ab gi amin me ana okede ma gi geri fi duluma. ⁴⁷ Ajol ab gi asma kalam tayi dukur oma sulu, ana ma gi gata nowo kesi: kalam ana aja fi gata ne duniya kesi illa wedi hidaaya ne dinuya. ⁴⁸ Ajol ab gi asma kalam tayi dukur oma sulu, ana ma gi gata nowo kesi: Kalam ana maja fi gata ne duniya kesi illa edi hidaay ne duniya. ⁴⁹ Kalam ana me wonusu je ana lakin Rabbana tayi ab rasul ana ya amrisha ana kede kelem mowo, me wonusu. ⁵⁰ Ana kaman orufu je amri to ya hayyi ab ma gi kalas: Ana kan bi wonus je Rabbana tayi kelem naana ya ana gi wonus.