21
Ini kan fi ajol ab ayan,Lazaaro te Bessaniya fi Medina mariyamu me akuto Maliza bakan umon kan fi ; Mariyam ya masa sidi teena me dinta dukur omasa fi kura to me suuras to uwo ya kan endisi akuto yowele Lazaaro ya kan ayan.
3
Ini ya akwana wele de rasul nowo mon gi kelem sidi teena ayinu ajol ab ita aju ayan.
4
Lakin Yesu wakti asma okelem gali ayan wede ma te mutu lakin kalam heshima te Rabbana nebbi taRabbana kede kun me heshima fi kalam wede.
5
Lakin Yesu kan aju akwaana to Maliza ma akuto ma Lazaalo.
6
Ini wakti uwo asma gali uwo ayan okosa ruwa na fi bakan ab uwo kan fi fogo yom(2).
7
Dukur okelem ne swahabba to kede ini arja fi Yudaaya.
8
Nas swahaba kelem nowo labi asede kan anas te Yudaaya kan gi gata agil te dugu ita ma laager ya kaman ita gi arja na?
9
Yesu arja fogo gali saade millan me 12?ajol kan bi masi minahar ogi;kafu mma kalam ogi ayinu semsi te duniya wedede.
10
Lakin ajol kan bi masi fileli ogi kafu kalam semsi ma fi fugu uwo.
11
Owonusu jede dukur okelem noumon gali sabi teena Lazaalo num;ana giruwa kede ana to oruwa.
12
Ini ya swahaba kelem gali sidi teena ,kan uwo num obija gum.
13
Lakin Yesu wonusu fi muntu to :mon te ker gali ogi num te fileli.
14
Ini ya Yesu kelem noumo gali omutu.
15
Ana kaman ligo furai kalam ana kan fogo ma , itakum kede amin ;lakin kede ina ruwa bakan ab uwo fogo.
16
Ini ya Thomas ab ginedi didimo okelem ne nas swahaba to gali ina kaman kede ruwa mutu bakan wayi mowo.
17
Wakti Yesu rasul oligo ligo okalas yom (4) fi kabri.
18
Lakin Besaniya kan geeri me Yerusalemi je stadiyo is;
19
Anas te Yudaaya milan mon kanja ne Maliza me Mariyam fi ja so poole te akuto towmon.
20
Ini wakti Maliza asma gali Yesu gija ,oruwa fi ligo badumi Mariyam fadul fi juwa.
21
Ini Maliza kelem ne Yesu gali sidi tayi kan ita fi ini akuteena kan ma agder mutu.
22
Ya saade ina arufu killa sokol ab ita bi asadu ne Rabbana,Rabbana bi wedi neeta.
23
Yesu kelem nowo akutaki gura gum.
24
Maliza dukur kelem nowo gali ana arufu obija gum fi gum te kiyama.
25
Yesu dukur kelem nowo ana ya kiyama me hajji ajol ab bi amin me ana sala kan uwo mutu obija kun hajji.
26
Me killa ajol ab hajji ab bi amin ma ana obija mutu ma milele me milele.okelem nowo ita amin me wede?
27
Gali yagede sidi tayi ana gi amin ita ya Kurisito nebi te Rabbana ab ja ,jaa fi duniya.
28
Wakti okala wonusu jede Maliza ruwa onadi akuto Mariyam okelem nowo ajol ab gi alim oja kala oginadi ita.
29
Wakti uwo asma ogum gwam oja nowo.
30
Yesu kan lisa ma rasulfi Madiina lakin ligo olisa fi fi bakan ab Maliza ligo badum mowo.
31
Ini ya nas Yudaaya ab kan fi mowo fi juwa, mon ja so poole,wakti umon ayinu Mariyam gwamu ogitala mon ruwa wara uwo ligo umon gizan,gali uwo giruwa fi kabri fi koore na.
32
In ya marryam wakti rasul bakan ab fogo Yesu uwo ayinu uwo owaga fi kura to okelem mowo kan kan ita fi in aku tayi kan ma agder mutu.
33
Wakti Yesu ayin uwo ligo ogi koore, me nas Yudaaya ab ja mowo kulu gi koore gelba to dukur waja okun me wasi wasi.
34
Okelem gali tokum dofun uwo wen? mon kelem nowo sidi, tena taal ayinu.
35
Yesu koore me moyo ena.
36
In nas Yudaaya kelem gal ayin je kun aju uwo.
37
Wadin min umon wonus gal ajol ab ponyesha amyan wagder ma kan amsuku mutu de kede uwo ma mutu.
38
In ya Yesu sinda min juwa gelba to orasul fi kabri. Kan de mpuku ligo kutu laader furas kabri to.
39
Yesu kelem gal amurugu kum laagera de, maliza aku te Laarzaro ab ja mutu, okelem nowo sidi tayi saade ogaafin: Kalam okalas yom 4.
40
Yesu dukur kelem nowo ana kelem ne itakum itabi amin, ita seyi bayinu heshim ate Rabbana?
41
In mon amurugu laager Yesu arfu usa to foo owonus gal sidi tayi ana gi shukur ne ita kalamita asma ana.
42
Ana kaman ja faham je ita gi asma ana killa yom: lakin ana wonus kalam kawm ab lifu ana kede umon amin je ita ya rasul ana.
43
Wakti okala wonus jede owonus me sauti ab te fow Laarzaro tala bara kede ita ja.
44
Ajol ab kan mutu otala ligo robutu uwo melaabil kura me ida me kitamba kati me usa to, Yesu kelem kede fiku uwo keede uwo ruwa.
45
In milan te anas ab ja ne marryam wakti mon asma kalam ab uwo so dukur umon amin mowo.
46
Lakin milan min umon mon ruwa ne nas Falisayo mon kelem noumon kalama ab Yesu so.
47
In kubarrina te kanisa me nas Falisayo mon lim kawm mon kelem kede ina so sunu? Kalam ajol wede giso alama kubari.
48
Ina kan bisesebu uwo jede, mon kulu bija amin uwo: me nas Roomi bija ja mon bija amurugu min ina bele tena me watan tena.
49
Wayi min umon kayafa ab kan kebir te sana wedede okelem noumon itakum ma endisi kalam ab itakum arufu.
50
Tokum magi feker gal gi faa min itakum ajol wayi kede mutu laaajal te anas me bele muzima kede ma woduru.
51
Wede uwo kan kebir te agil to barraw; lakin kalam uwo kan kebir te kanisa fi sana naade oligo wahyu gal Yesu gura mutu laajal te kabila wede;
52
Ma gal kalam bele de barraw lakin kede alim bakan wayi yala te anas ab ferteku.
53
Min wakti naade ya abidu plan katul to.
54
In ya Yesu abidu aba masi fadi fi Yudaaya fadi, lakin otala oruwa fi bakan ab pengele fi medina ab asma to Efraim ogen na me nas swahaba.
55
Lakin nadi nas Yudaaya kan geeri kede rasulu milan ab tala min karya umon ruwa fi Yerusalem ligo yom te keregi tomon kala geeri kede umon adul uwo.
56
In ya Yesu abidu gusu uwo mon wonusu umon baraw ligo umon agif min juwa kanisa tokum gi feker kefin? Oma bija fi jooju?
57
Lakin nas kabona ab kubarin me nas Falisaayo mon kan amrisha gali Ajol ab bi faham bakan ab uwo fogo kede uwo kelem noumon kede amsuku uwo.