¹ Wakti festo rasulu fi kambi bakan futu yom tarata, otala min Karisaariya aruwa fi Yerusalem. ² Nas kubarina me anas te heshima ab te Yudaaya dukur kelem nowo je siki Paulo dukur waga waga nowo. ³ Ligo umon aju kede uwo sokuwesi ne Paulo okede rasulu uwo kede uwo ruwa fi Yerusalem kede tega uwo fi sika kede katul uwo. ⁴ Lakin festo arja fogo ligo ogi kelem gali Paulo gi hafiz uwo fi Kayisaliya, lakin uwo sidu kan kala rasul wakti to te ruwa. ⁵ Okelem gali kubarin min itakum kede umon ruwa me ana kede ruwa hukum uwo kan taasil uwo endis kalam yoyote. ⁶ Wakti okalas na yom (8) aw (10) oseren geta fi Kayisaliya fi yom te tinini ogen fi bam bara ab gi hukum fogo uwo amrisha kede jiib Paulo. ⁷ Wakti orasul nas Yudaaya ab tala fi Yerusalem mon agif torof to, ligo umon gi jibu kalama milan al te makosa to ab gowu ab umon ma agder kun me shuhu daa. ⁸ Paulo dukur wonus jede ana mafi yom ab ana kaarabu fi shariya te anas te Yudaaya sala kan fi kanisa sala kan gidam kayisaali. ⁹ Lakin festi wakti uwo aju anas te Yudaaya kede heshima uwo warja ne Paulo okelem gali ita aju ruwa fi Yerusalem kede ruwa gata neita kesi te wanasa dolde gidam ana? ¹⁰ Dukur Paulo kelem gali ana yegif geeri me bam bara ab gi gata fogo kesi ab Kayisaari, ya ana gi faa kede gata naana makosa: okelem jede, mafi yom ab ana karabu ne nas yudaaya, je namna ab ita gi faham kwesi. ¹¹ Yala kan ana kun ligo ana karabu aw ana so kalam ab gi faa kede katul ana, ana m aba me mutu de; okelem gali kan bikun kalam ab anas dolde gi kutu fugu ana ligo ma, ladi waaayi mafi hata wayi abu agder wedi ana neita ladi wayi ana gi wedi ushahidi tayi ne Kayisali. ¹² Festo wakti kalan wonus nomon fi bakan te lim badum dukur warja fogo ligo ogi kelem gali ita wedi ushahid taki ne Kayisaali bija wedi ita ne Kayisali. ¹³ Wakti zaman futu Agripa sultan me berenike mon rasul fi Kayisaaliya umon selem festo. ¹⁴ Wakti umon kalas nazaman towil festo dukur kelem ne sultan kalama te Paulo ligo ogi kelem gali fi ajol wayi ab felix seebu uwo ligo uwo me robutu. ¹⁵ Wakti ana gi Yerusalem nas kubarina te diin me wazze te nas Yudaaya dukur umon kelem naana kalan to, ligo umon aju hukum uwo kede gata nowo kesi. ¹⁶ Ana jibisha umon gali de ma adab te anas te roomi wedi ajol fi ida te mahkama ligo anas ab uwo gi juru mo laabil lisa beenu ma. Kan lisa ma wedi nowo kiyas te yom ab agder wedi nowo muda te gata nowo. ¹⁷ Wakti umon lim ini ana ma chelewa sala siya lakin fi yom te tinini ana gen fi bam bara te gata fogo hukum ana amrisha kede jibu naana ragi de. ¹⁸ Wakti umon agif anas ab gi yegif mowo mon ma jibu kalam ab batal je namna ab, ana kan gi feker. ¹⁹ Umon kan endis fugu uwo kalama te asadu fi diin toumon mete ajol ab Yesu ab ja mutu, Paulo ab uwo ja wonus fugu uwo je uwo hayi. ²⁰ Ana wakti woduru ab bija gusu gusu naa ana asdu uwo wakti uwo aju ruwa fi Yerusalem kede ruwa hukum uwo naa, makosa te kalama dolde. ²¹ Lakin Paulo wakti wedi ushahidi gal kede chunga uwo ladi kede ruwa hukum uwo gidam Aguisto, ana amrisha chunga uwo laadi wakti ab ana bija wedi uwo ne Kayisaari. ²² Agripa dukur kelem ne festo gali ana kan gi tamaani asma ajol wede. Okelem gali saba ita bi asma uwo. ²³ Fi yom te tinini Agripa me berenike mon ja me heshima ab te foo wakti umon dakkalu bakan ab giasma fogo mahkama bakan wayi me rujala ab kubarin me anas te heshima te wakti naade min medina festo amrisha kede jib Paulo. ²⁴ Festo kelem gali Agripa sutan me kila ajol al fi in me ina tokum gi ayinu ajol wede kawm kebir ab te nas Yadaaya ab waga waga naana fi Yerusalem, me in ligo umon gi arfa sauti mon gi kelem, magi faa nowo kun hayi sala siya. ²⁵ Lakin ana tayi faham je taasil oma soo kalam ab faa kede tala fogo mutu to lakin wakti okelem kede ruwa hukum uwo ne Aguisto ana kaman wedi uwo naa. ²⁶ Ana ma sendis kalam fugu uwo te hakki katif ne sidi tayi ya ana jibu uwo ne itakum gidam sultan Agripa kan ina kala kalas uwo ana dukur bikun me kalam te mwisho. ²⁷ Kalam ana gi ayinu je wede kalam te awiri liju mobusu gidam ana bila kalam ab gi tala min uwo.