¹ In ya anas tala min Yudaaya, mon alim akwana gali itakum kan ma bi taaru itakum ja namna ab adab te Musa kan fi, itakum maagder ligo Hidaaya. ² Wakti kan fi juru laabil milan me geeru te fikra te Paulo me Balunaba, fi side taani me anas ab tala fi Yudaaya, mon amrisha Paulo me Balunaba me anas taanin ruwa fi Yerusalem ne nas mursalin me wazze le-ajal te juru laabil wede. ³ Wakti anas dolde kalas robutu zawadi ne nas Paulo me Balunaba anas te kanis mon futu fi Foyiniki me Samariya ligo umon gi weeri mara wayi geeru te anas te belana: mon furaisha akwaana kulu. ⁴ Wakti umon rasul fi Yerusalem anas te kanme wazze mon juru umon geeri, mon kelem noumon kulu kalama ab Rabbana sokolina ab uwo so bakan wayi moumon. ⁵ Lakin mon gum anas taanin min nas falis aayo ab amin ligo umon gi kelem gali gi faa taaru me amrisha umon amsuku shariya te Musa. ⁶ Nas mursalin me wazze mon lim bakan wayi kede umon ayin kalama dolde. ⁷ Wakti umon kunme ferteku badum te fi kira je milan Petero dukur gum okelem gali rujala akwana itakum arfu min fi wakti te zaman Rabbana migitu min itakum anas te belana kede asma min kasma tayi kalam te injil mon amin. ⁸ Me Rabbana ab arfu gelba okelem noumon je uwo wedi noumon Roho ab nedif je ina; ⁹ Oma weeri ta fauti toumon me ina wakti uwo adul gelba toumon laajal Iman. ¹⁰ Yala fi sunu itakum gi jarib Rabbana kutu zambi fi ragabtu te nas mursalin nas jidijidi tena kalama ab umon ja aba amsuku sala kan ina? ¹¹ Lakin ina gi amin ligo hidaaya me huruma te sidi tena Yesu, me umon kam jede. ¹² Kawm kulu dukur askulu; mon asma Balunaba me Paulo ligo umon gi aki alama me kalama ab te ma ajal kulu ab Rabbana kutu kede umon so fi belana. ¹³ Wakti umon kala asktu Yakobo arja fogo ligo ogi kelem gali rujala akwaana asma tokum ana. ¹⁴ Simoni wonus kalama te Rabbana je namna ab uwo abidu me anas tebelana amurugu foo asma to na anas. ¹⁵ Klam te nas nebiya gi wafiki me dolde je namna ab ja katifu gaali. ¹⁶ Baada te wede ana bija geeru ana bija abin martan weema fa Daudi ab ja waga; kasma to ana bija abinu mara taani, ana bija gmu uwo marataani. ¹⁷ Anas ab fadul ligo umon gi gusu Rabbana me beelana kulu ab gi nadi asma tayi min umon. ¹⁸ Deya namna ab uwo gi wonus Rabbana ogi weeri neena kulu min fi abidu te duniya. ¹⁹ Ya ana gi gata kede ina a gi taban anas ab gi talamin belana geeru ne Rabbana. ²⁰ Lakin kede ina katif noumon kede umon seebu awiri te picha me zina, me sokolina ab kangu me doomu. ²¹ Kalam min zamani Musa endisi fi kira medina anas ab gi weri nouwo ligo gi agara asma to fi bakan ab anas gi lim fogo kira yom sebi. ²² In ya umon ja rudu ma nas mursalin me wazze bakan wayi me kanisa kulu nigitu anas min umon me rassul umon fi Antiyokiya me Paulo me Balunaba; Yuda ab gi nadi Balunaba me siira anas ab kubarin min akwana. ²³ Mon katifu mon wedi fi idda toumon gal nas mursalin me akeana ab gediinin ina selem ne akwana ab fi Antiyokiya me Bussulime Kirukiyo ab fi fi belana. ²⁴ Kalam ina asma gali anas ab tala min ne ina kala kala umon me kalama ligo umon gi geeru gelba takum ab kan ina ma lisa mrisha umon; ²⁵ Ina furai wakti ina wafiki me gelba wayi ngitu anas rasul umon ne itakum bakan wayi me Sabiyan tena Balunaba, me Paulo. ²⁶ Anas ab wedi nafsi toumon je sadaka sabab te sidi tena Yesu Kristo. ²⁷ Ya ina rasul Yuda me siira on bija kelem ne itakum me kasma toumon. ²⁸ Kalam Roho ab nedif orudu kaman ina ma kede arfa umon me sala ab kebir kulu illa ab gi faa, ²⁹ Juru ita boyi min sadaka ab gi wedi ne picha me doomu me sokolina ab kangu me zina: ³⁰ In ya umon ab ja rasul mon ja fi Antiyokiya, mon lim kawm mon wedi noumon waraga. ³¹ Wakti umon agara mon furai fi kelem noumon kalama dolde. ³² Yuda me siira, kalam umon kan nebiya, mon kelem ne akwana kalama milan mn zidu noumon gudra. ³³ Wati umon kalas na yom dukr sibula umon me akwaana me amaani arja ne anas ab kan rasul umon. ³⁴ Lakin siira uwo to kelem kede uwo fadul nna. ³⁵ Lakin Paulo me Balunaba mon fadulfi sidi tena me anas taanin milan. ³⁶ Wakti bakan futu mila Paulokelem ne Balunaba gali, yala kede in arja kede ina zuru akwana fi kila medina ab ina wonus kalama te sidi tena kede ayini je umon fi. ³⁷ Balunaba dukur aju sulu Yokaana asma tow ya Makko. ³⁸ Lakin Paulo ma wafiki sulu uwo wede ab ja seebu umon fi Panfuliya oma ruwa umon fi kidima. ³⁹ Dukur ja kun na juru laabil kefir, m ferteku mon ferteku Balunaba sulu Makko dukur umn ruwa fi Kuplo. ⁴⁰ Lakin Paulo ja nigitu siira otala na akwana wakti umon warith Baraka te sidi tena. ⁴¹ Ofuru fi Busuuli me Kirukiya ligo uwo gi gowu gelba te kanisa.