¹ Wakti bakan tim ligo umon ruwa fi Ikoniyo mon dakal fakan wayi me kawm te nas Yudaaya mon wonus jede kawm te anas ab milann rudu mon kulu Amin, nas Yudaya me Yonan. ² Lakin nas Yudaya ab abba taya mon kutu fi gelba anas te belana mon kutu dula tomon batal ne kawm te akwaana. ³ Mon kalas wakti towil me gelba gowu fi sidi tena ab neri kalam te niema to ligo owedi no'umon alama me kalama te majabu ab umon giso me idda toumon. ⁴ Lakin kawm te medina mon ferteku anas taanini gen fi sidi te nas Yudaya taanin fi sidi te nas mursalin. ⁵ Anas te belana me nas Yudaya wakti bakan wayi me kubarina toumon umon ya aju katul umon me lager. ⁶ Bakan umon faham mon jere fi medina te Lukow niya, Listula, me derube me bele ab fi geeri mo. ⁷ Mon gen nna ligo umon giso inji. ⁸ Fi Listula kan fi ajol al ma endis gudra fi kuura ogen ligo uwo mulema, min fi batna te mama o ligo oma gi masi ladi siya. ⁹ Wasuma Poulo ligo gi wonus okutu fugo ena ladi wayinu kaman je uwo endis te amin ligo hiddaya. ¹⁰ Owonus me sauti ab kebir yegifme kura taki kede ita midu ita onutu uwo masi . ¹¹ Kawm bakan ayin Paulo kalam ab uwo so mon arfu sauti toumon mon gi wonus fi lugha te kayoneya gal Rabbana nenzil neena ogi ben je ajol. ¹² Balunaba nadi uwo zewu me Paulo nadi uwo keru me kalam oya shinda wanas. ¹³ Kebir te din te zen al kan fi gidam te madina ojib bagara me tagiya te mawa ligo waju wedi sadaga me kawm na. ¹⁴ Lakin mursalin Balunada me Sawlo bakan umon asma mon seretu gumasa toumon mon jere fi kawm ligo umon gi wonus me sauti foo. ¹⁵ Mon gi kelem rujala sunu ya kutukede itakum so jede? ina kaman fi anas ab gi amsuku me sokolina kulu je itakum ina gi kelem neitakum kalama an kawesi kede itakum sibu alma endis faida geeru kum ne Rabbana ab hayyi abadul samayi me arthi me bahari me killa sokol al fi fogo. ¹⁶ Fi zaman abja futu osubu beelana kulu kede gi masi fi sika toumon. ¹⁷ Lakin ata uwo ma gi kalas uwo barraw kan uwo ma endis ajol te awn kalam kan oja so kuwesi ogi nengil netakum matara min samayi me wakti te hisab fogo akili ogi amla gelba kum me akil me funai. ¹⁸ Bakan umon wonus wede mon abussu kawma me gudra wedi no'umon sadaka. ¹⁹ Lakin anas te Yudaya on tala min antiyokiya me Ikoniyaa ligo umon gi weeri idda ne kwam, ladi umon dugu Paulo me laager mon juru uwo bara te meddina ligo umon gi feker gali omutu. ²⁰ Lakin wakti nas swahaba lim torofu to ogum fo odakal fi medina fi yom te tinen mon ruwa me Balunaba ladi fi derube. ²¹ Bakan mon kala soinjil fi medina wede me alim nas swahaba milan mon arja fi Lustula, me Ikoniyo, me Antiyokiya. ²² Ligo umon gi gow gelba te nas swahaba mon giso injil me gudra me Amin milan me namna te ayin shida milan gifaa neena dakal fi mamlaka te Rabbana. ²³ Mon bakan kala nigitu aju siya fi kanisa kulu me asadu, me sayin, dukur wedi no'umon siditeena ab umon Amin. ²⁴ Mon futu fi pasidiya, mon rasul fi pan fulayi. ²⁵ Bakan mon kalas kelem kalam fi Peruga mon serengeta fi ata liya. ²⁶ Mon tala na mon arfa safari rasul fi Antiyokiya anas tena mon ya furai no'umon me neema te kidima abu mon so. ²⁷ Mon bakan rasulu mon lim kanisa mon kelem no'umon kalama kuluab Rabbana so no'mon bakan wayi ofata ne anas te beelana babu te amin. ²⁸ Mon kalas wakti milan bakan wayi me nas swahaba.