¹ Fi Antiyokiya fi kanisa wakti okani fi anas nebiya me nas mwalima Balunaba me Simon abkan ginadi Niga me Lukiyo ab te Kureni me Manane, abja rada bakan wayi abte saza me Saulo. ² Ligo umon gi so kidima te sidi teena me sayim Roho abnedif dukur kelem gali, nigitu kumnaana Balunaba me Saulo kede umon so kidima ab ana nadi itakum fogo. ³ Ini dukur umon sayim umon womba dukur kutu fugu umon idda rasul umon. ⁴ Wakti rasulu umon Roho abnedif mon serengeta fiSerukiya; mon tala min na mon ruwa fi Kupulo ⁵ Wakti umon fi Salamin mon so daawa fi bakan ab nas Yudaaya gi lim fogo mon gen me Yokana ligo ogiso momon kidima. ⁶ Wakti umon futu fi bakan ab pengele kulu rasul fi Pafo mon ayinu ajol ab sara nebi te kabasi ab te Yudaya asuma to ya Balisa, ⁷ Abkan fi bakan wayi me ajol te saza ab te Rumi Serugiyo Paulo, ajol te agil. Onadi Balunaba me Saulo okan aju asma kalam te Rabbana. ⁸ Lakin Eluma ab saara (kalam asma to ya namna ab gi tafsir mo) ojuru laabil moumon, ligo uwo aju meelu ajol to saza fi amin ⁹ Lakin Saulo wu uwo ya Paulo wakti uwo amla Roh abnedif wakti ofata fugu uwo ena, ¹⁰ Okelem ita ab amla husda kulu me so batal kulu nyereku te sheitan aduyi te hidaaya kulu, ita bija ma seebu meelu sika te sidi teena abnedif? ¹¹ Asede ayinu, sidi sidi tena fi fugita, ita bija kun Elimas ligo ita ma gi ayinu semsi yom milan; gwamu mara wayi sobura waga fugu uwo me duluma ogusu gusu ajol abbi agder awun uwo. ¹² Ini ya ajol te saza wakti ayinu, je fi orudu ligo ogishanga te alim te sidi teena. ¹³ Ini ya Paulo me sabiyan to mon abidu Safasi tala min Pafo, umon rasul fi Peruga ab te Panfuliya: Yokana seebu umonnaa warja fi Yerusalem. ¹⁴ Lakin wakti umon futu ligo umon tala min Peruga mon rasul fi Antiyokiya abte Pisibiya mon alim fi fi bakan ab anas gi lim fogo yom sebbi mon geni. ¹⁵ Wakti kala agara shariya me kalama te nas nebiya, anas te bakan te lim badu dukur rasul umon ligo gi kelem gali, rujala akwaana kani itakum endisi kalam te kelem ne anas wonus tokum. ¹⁶ Paulo dukur yegif otumiya idda to fi kutu kede umon askutu okelem gal, rujala ab te Isreal me itakum abgi kafu Rabbana asma kum. ¹⁷ Rabbana te nas Isreal nigitu jidijidi teena uwo arfa anas wakti umon chiffana fi Misiri uwo amurugu umon me idda ab ja kutu umon kede kun te fo. ¹⁸ Oso subra fi bakan ab pengele kalas muda te sana 40 ¹⁹ Wakti uwo keregi kabila saba fi bele ta Kanani, owedi noumon bele toumon kede umon kun sidu to ladi kan wakti rasul te sana 450. ²⁰ Baada dolinde kulu oja wedi noumon anas abbi hukum umon laadi rasul fi nebbi Samwiri ²¹ Baada naadi dukur mon ja aju sultan Rabbana wedi noumon Saulo nyereku te Kisi min kabila te Benjamin okalas sana 40. ²² Wakti uwo amurugu uwo dukur obadul noumon Daudi kede kun sultan toumon ab uwo wonus fogo gali; ana ayinu Daudi nyereku te Yesse ajol ab gigeni je gelba tayi aju abbija so kila sokol ab ana aju ²³ Wede min yala to je namna ab Rabbana ahad ojib ne Isreal ajol ab te hidaya Yesu. ²⁴ Yokana abkan abidu wonus fogo ligo omalisa ja fi batiza ab te tayi ne anas kulu ab te Isreal. ²⁵ Lakin Yokana wakti kala geeri kede uwo koma safari to, okelem gali, itakum gi feker ana munu? Okelem gali; ana mafi uwo. Lakin ayinu, fi ajol abgija min wara tayi ab ana ma bija agder ladi amurugu gezma min kura to. ²⁶ Akwaana yala te juwa te Ibrayim me itakum kulu abgi kafu Rabbana kalam te hidaya wedede rasul neena. ²⁷ Kalam anas abgi geni fi Yerusalem me kubarina toumon kan umon ma bija arufu uwo sala kan sauti te nas nebiya abja agara kila yom sebbi ya umon ja timiza wakti gata nowo kesi ²⁸ Umon wakti maja ayinu sabab te katul uwo, me asadu ne Pirato katul. ²⁹ Wakti umon kalas kulu kalama abja katifu fugu uwo mon amurugu uwo min msalaba dukur kutu uwo fi kaburi. ³⁰ Lakin Rabbana tooru uwo min meitini: ³¹ Oja beenu noumon baada yom milan anas abja ruwa mowo fi Galiraya rasul fi Yerusalem deya nas shuhada to ne anas. Ina gi kelem kalama ab kuwesi ab te ahadi abja ahadi mo nas jididi teena. , Rabbana orasul (hope) ne yala teena wakti otooru Yesu; je namna abja katifu uwo fi zaburite tinin: gali, ita ya nyereku tayi, ana weledu ita naare. Ja namna ab uwo ja tooru uwo min meitina ligo atla oma guruwa maltan fi affini, okelem gali ana bija wedi neitakum baraka abnedif ab ma gura tala ab te Daudi ³⁵ Kalam oja wonus fi zaburi taani gaali ita ma bija wedi nedif taki fi affin. ³⁶ Kalam Dawdi wakti okala kalas so kidima to je Rabbana ja panga onum dukur kutu uwo bakan wayi me nas jidi jidi to ladi o affin. ³⁷ Lakin wede ab Rabbana tooru min kabiroma sofun. ³⁸ Yala rujala awana faham tokum lajal te sabab te wede amrugu batal kala kelem. ³⁹ Kulu ab kan itakum ma agder amurugu fi shariya te Musa sabab te wedede ajol kulu ab bi rudu bi amurugu min uwo. ⁴⁰ Asede chunga itakum kede ma ja fugu itakum ab ja wonus me nas nebiya gaali. ⁴¹ Ayinu anas ab gi alisi hairu kum kede itakum woduru kalama ab itakum ma bi amin sal kan ajol bi kelem neita zaidi. ⁴² Wakti umon tala waga waga noumon kede umon arja kelem noumon kalama dolde fi yom sebi te tinin. ⁴³ Class wakti ferteku milan te Yudaaya me nas Chuufu anas ab gi amsuku bises mon dukur fatiliya Paulo me Balunaba: mon kaman wonus moumon mon juru juru umon kede umon dakal fi huruma te Rabbana. ⁴⁴ Fi yom sebi te tininen mon lim bakan wayi je medina kulu fi amsa kalam te Rabbana. ⁴⁵ Lakin anas te Yudaaya wakti umon ayin kawm de mon amulu tyel mon dugu mpaka me kalama ab Paulo wonus ligo umon gi shitim. ⁴⁶ Paulo me Balunaba mon wonus me gudra ligo umon gi kelem gi faa awlan kun ligo gi kelem kalam te Rabbana ne itakum kalam itakum gi turuju itakum ma feker fi hayyi ab ma gi kalas, okelem gali ina gi geeru ne anas te belana. ⁴⁷ Kalam Rabbana amrisha ina gali ana kutu ita kun semsi te belana itakede kun hidaaya ladi: mwisho te dunya. ⁴⁸ Anas te belana wakti asma umon furai mon arfa fow kalam te Rabbana: mo kulu amin me anas ab ma ja jib noumon hayi ab ma ma gi kalasu. ⁴⁹ Kalam te sidi tena fere fere fi duniya kulu. ⁵⁰ Lakin anas te Yudaaya dukur mon komesha nus waana ab gi amsuku me bises ab te heshima me kubarina te medina mon abidu gusu Paulo me Balunaba mon ja turuju umon minmedina. ⁵¹ Lakin umon jere mon jere ladi fi Ekonayo. ⁵² Nas'swahaba ligo amura me Roho alnedif.