¹ Fi wakti naade sultan Kerode midin idda waabidu so batal ne anas te kanisa. ² Okatul me sokol dusman Yakobo aku te Yokana. ³ Bakan uwo ayinu ja nas yudaaya rudu ogidu amsuku ladi Petero. Okelem galde ya wakti te mu kati ab magi furu. ⁴ Bakan okala amsuku uwo, okutu uwo fi jela owedi uwo ne as kariya 14 kede chunga uwo zaidi, ligo uwo waju sula uwo gidam anas ligowakti futu fogo kalas. ⁵ In ya Petero chunga uwo fi jela lakin anas te kanisa zidu womba ne Rabbana. ⁶ Fi yom ab kan Kerode aju sulu uwo fi filel naade Petero kan nnum fi ustu te askeriya tinen, ligo robutu uwo me Nyororo tinen, me askeriya fi fi babu mon gi chunga jela. ⁷ Ayin Malaika te Rabbana agif gidam uwo in ya nuuru amla ku jura odugu Petero fi dula okelem nowo gum gwam Nyororo dukur tala min ida to waga. ⁸ Malaika kelem nowo gal robutu ita kede ita lebis gezma taki dukur oso je kelem nowo okelem nowo lebisi unifom taki kede ita ja warana. ⁹ Otala oruwa wara uwo oma faham je tassil te hakki kalam ab Malaika so, de, lakin taasil wayinu je wahyu. ¹⁰ Wakti ab mon futu fi as keriya tawlan me te tinen dukur mon rasul fi baabu te min wara ab gi futu fogo kede ita rasul fi medina kutu mon rasul na nomon barra. Mon tala mon futu fi sika gwam zaidi Malaika seebu uwo. ¹¹ Petero dukur faham je Rabban rasul naana Malaika wamurugu ana min idda te Kerode me feker fi kalam kulu ab kan bija min idda te bayudaya. ¹² Bakan ofeker dukur ojja fi be te marryam al kan mama te Yokana ab kan asma to Mako.Bakan ab kan umon lim umon fogo ligo mon gi womba. ¹³ Petero bakan dugu baba te min gidam kadim ja fi rudu ab asma to LODA. ¹⁴ Bakan uwo faham sauti te Petero oma fata babu kalama furai lakin odakal me jere kelem gali Petero yegif bara te baabu. ¹⁵ Kelem now ras taki aju karabi, lakin uwo lesegu fogo gali ya jede dukur mon kelem de Malaika to. ¹⁶ Lakin Petero zaidi dugu baba bakan fata babu ayin uwo dukur umon hairu. ¹⁷ Bakan okutu ida fi kasma me askutu okelem noumon je sidi teena amrugu uwo min jela okelem gali kelem kum ne Yakobo me akwaana otala na oruwa fi bakan taani. ¹⁸ Wakti tim mon subu askeriya kala, gali Petero sun ya so? ¹⁹ Kerode bakan gusu uwo wasadu askeriya to ogusu gusu Petero dukur uwo amrisha kede katul askeriya de, otala min yudaaya oruwa fi kayi sariya gen nna ²⁰ Ozzalam zaidi nanas te tulo me sidom mon ja nowo me gelba wayi bakan mon kum sabi me blasto kebir te juwa te sul tan mon asadu kede wedi noumon amaani kalam bele toumon gi aish me akil te be te sultan. ²¹ Yom al umon wafiki fogo Kerode tebis gumas te sultan ogen fi bambara okelem kalama. ²² Anas kulu mon wonus me sauti gal wede de sauti te rabbana ma te binadum. ²³ Gwam zaidi Malaika te Rabbana dugu uwo kofu kalam oma wede heshima ma Rabbana omutu. ²⁴ Lakin kalam te Rabbana ruwa gidam ozidu. ²⁵ Balunaba me sawlo mon arja min Yerusalem mon bakan kala kalas kidima tomon , mon jib Yokana asna to Mako.