¹ Ana ma te Raha? Ana ma mulusali? Ana ma ayinu Yesu sidi te inna? itakum ma kidima tayi fi sidi te inna? ² Ana kani ma murusali ne wadini, lakin ana mulusali ne itakum : Misani itakum yaa alama tayi te kunu mulsali sidi te inna. ³ Ya ana gi wonus fi namna je wede na dolinda algi aburu ana. ⁴ Inna ma endi uwezo te akulu ma asurubu kula yomu? ⁵ Inna ma endi uwezo te sulu maraya te aku tena je mulusali wadini, me alwana te sidi tena me kefa. ⁶ Ama ana me Balunaba inna ma endi uwezo te so kidima? ⁷ Demunu ya gi ruwa fi baani al fi boyi me bee to uwo ja ruwa me sokolina to te sidu bara? De munu ya gi ajira shamba uwo maja akulu fi akili to? Ama de munu ya gi chunga amugaba uwo maja asurubu filebeni to lamugaba de? ⁸ Kalam dole ana gi wonus kalam besi te benadumia? Ama kamani sheriya ma wonus jede? ⁹ Kalam wonus uwo fi Amuri te Musa je mata sidi kasuma te bagara al gi kuruj. Rabbana gi fereke besi kalam te bagara bara? ¹⁰ Ama uwo gi wonus kalam inna bara? ngali kalam katifu uwo kalam inna kalam algi kuruju faa no'uwo kuruju ligo uwo endi bati me uwo al gi kuruju uwo gi kuruju ligo uwo endi bali te wedi no'uwo fogo. ¹¹ kani inna ajira fogo itakum fogo tena te Roho gi kunu te gudura zayidi inna kani ligo fogo takum te gilidu? ¹² Kani wadini umon endi uwoezo fogo itakum innama gi shinda umon? lakin inna ma tumia uwezo wede / Rukusa wede lakin inna gi sabiri kalamadole kulu misani inna ma kede abusu injiri te Kristo. ¹³ Itakum ma arufu jeumon dole algiso kidima al nedifu umon gi akul fogo dolinde al gi kunu mini juwa kanisa me dolinde al gi soo kidima fi mudaba umon gi ligo fogo dolinde al te mudaba. ¹⁴ Me sidi tena uwo amurisha fi namna je wede je anas al gi naba injiri kede akilish umon kalam injiri. ¹⁵ Lakin ana lisa tumia ma namna je dole : Me jede ana ma katifu kalam dole misani kede so ne ana fi namna je wede. Kalamakerii ana kunu logo gi mutu mini ajol yoyote kutu sifa tayi kunu tesaki. ¹⁶ Kalam ana kani naba injiri ana ma gi kunu me sokol yoyote te ifa uwo me uwo kalam ana endi lazima te naba injiri kalam tabu bi ligo ana kani ana ma naba injiri. ¹⁷ Misani ana kan giso fi namna je wede me aju ana gi kunu me malipu. lakin ana kan ma iso meaju kutu ne ana akiba. ¹⁸ Asede malipo yatu ya ana endi ana gi naba injiri kunu te saku misani ana ma kede tumia rukusa tayi fi injiri. ¹⁹ Kalam sala kani ana te Raha no'umon kulu ana gi kutu ana kunu labi ne umo kulu dukuru ana kede ligo anas milani. ²⁰ Ne wa Udayah ana kunu je mu Udayah, misan ana kede ligo wa Udayah. Ne dolinde al gi wukumume sheriya kamani sheriya wukumu ana. ana sidi ligo sheriya ma gi wukumu ana misani ana kede ligo dolinde al sheriya gi wukum umon. ²¹ Ne dolinideal endi ma sheriya ana kunu je ajol al endima sheriya ma kunu ma fi me sheriya gidamu Rabbana lakin ligo ana gi asuma sheriya al gi tala ne Kristo misani ana kede ligo dolinide al endi ma sheriya. ²² Ne dolinde al mayi ana kunu mayi misani ana kede ligo dolinide al mayi ne dolinide kulu ana kunu fi namna dole kulu fi sokolina de kulu, dukuru inni ana kede ponesha wadini. ²³ Me ana gi soo kalam dolekulu kalam injiri misani ana kede kunu sokol wayi fi injiri. ²⁴ Itakum ma arufu je umon dole al gi jere fi dugu maka umon gi jere te kulu kulu, lakin al gi ligoo zawadi gi kunu wayi me jede jere kum fi namna je wede dukur kede wede nekumu. ²⁵ Me kila wayi al gi dugu mpaka uwo gi chunga uwo fi kalama kulu. asede umon giso jede dukuru kede wedi no'umon tagia al gi karabu lakin ne inna ina gi ligo al ma gi karabu. ²⁶ Ya gi kutu ana gi jere fi namna je wede ma se ajol al arufu ma ana gi dusmani me namna je wede ma je ajol al gi dugu lobusaki. ²⁷ Lakin ana gi isabu gilidu tayi me ana gi wukum giliduila ligo ana kasi abidu wadini ma naba no'umon ana sidu ana ma kede kunu ajol al ma gi rudu.