^{1 2 3 4} 1 Baluwa m'owok bongi Jadwong ma Kanisa: Ri Gayo makacunyan m'amaro i adyeri. 2 Mere paran, akwayo ni gimoro jie wokidhi rin maber aka ibedi m'ilama i del kiri paka cunyin olama. 3 Abedo gi kisangala madwong munyo jomo'yeyo wadi wan jotundo tojowaco paka initye gi genirok i adieri kodi paka ndir jie iwotho i adyeri. 4 Ongoye gima sangala an loyo ka awinjo ni nyithindo para wotho i adyeri. ^{5 6 7 8} 5 Mere paran, igenere swa i tic m'itimo ri jom'oyeyo kiri kodi ri joma ikuya. 6 Ma bende jobedo ka jowaco bero perin i wang kanisa. Mondo konyi jo jowomedere gi woth pa jo i royo mabino kisangala Were. 7 Kole jocako tich ri Christo idyeri jopath ma jok'ojolo kony moro jie bongi jo. 8 Am'omiyo waripo konyo nger jome, ngeyi wariwere gi jo itic ri adyeri. ^{9 10} 9 Andiko baluwa ri kanisa, to Dyoterefe mamito bedo marapena i gimoro jye, kiyeyi jolo wan. 10 Am'omiyo, ka abino, alewodho gimoro jie ma go otyeko timo kamaler: Gikipiny mareco ma go luwo kwong wan, kodi twodo pere. To cale pa meno jie kirom go, fuodi go kijol jom'oyeyo ka jobino aka go juko kiri joma jomito jolo jo to riemo woko jo i kanisa. ^{11 12} 11 Mere paran, ikir'iliew ranen marac no, to luw gimaberi mere ayino. Nyatoro jie matimo gimaber bedo apa Were, aka ngata timo gimarac meno fuodi kongeyo Were. 12 Dhano jie luwo maber kwong Demeturyo. Aka giradyeri won ama iluwo kwong go. Wan bende waluwo maberi kwong go, aka wingeyo ni gimawawaco obedo giradieri. ^{13 14 15} 13 Onwango anitye gi madit awaca rin, to ak'otim ameno i vino gi kalami. 14 To ageno nenin mayot, aka nyaka wabino luwo awang. Siem wobedi kodin. Merin mawan jie jodhiro rin moth. Ibende mothi riwan merin mawan jie.