¹ Chikachitika apo Yesu waka pempheranga mumalo ghanji, umoza wabasambiri bake wakati kwa iyo, "Fumu, tisambizgani ise kuromba nga ndiumo Yohani wakasambizgira basambiri bake." ² Yesu wakati kwa iwo, "para mukuromba mutenge, 'Ba Dada, Zina linu litumbikike. Lekani Ufumu winu wize. ³ Tipani ise buledi ya zuba na zuba ⁴ Tigowokerani ise zakwananga zithu, nga ndi umo tikugowokera wali yose uyo wati nangira mungatirongozgeranga mukuyezgeka." ⁵ Yesu wakati kwa iwo, "ndinjani mwaimwe wangaba na mubwezi, nakuluta kwa iyo usiku pakati, na kunena kuti, 'mubwezi undibwerekeko ma buredi yatatu, ⁶ pakuti mubwezi wane wiza waka kufuma ku nthowa, ndipo nilije kanthu kali kose kakumupa. ⁷ Ndipo mubwezi wake uyo wali mukati waka muzgora wakati, 'Unganisuzganga ine, chijaro chalika kale, ndipo bana bane, pamoza naine, tili mu chipinda. Kuti ninga uka nakukupa buledi iwe yayi. ⁸ Nkhumuphalirani kuti nanga wangareka kuwuka nakukupa buledi chifukwa ndiwe mubwezi wake, kwene chifukwa cha kuleka kukozgeka soni na kulimbikira, wati waukenge na kumupa buledi zinandi na umo iye wangakhumbira. ⁹ Nkhumuphalirani imwe, Fumbani, ndipo muti mupiwenge! penjani ndipo muti musangenge; gogodani ndipo kuti kumujulikirani. ¹⁰ Pakuti wali yose uyo wakufumba wakupokera; ndipo munthu uyo wakupenja wakusanga; ndipo uyo waku gogoda, kuti kumujulikirenge. ¹¹ Kasi ni dada nju mukati mwinu, usange mwana wake wanga romba somba, wanga mupa njoka mumalo mwa somba? ** alemba ghaweme ghakale chomene, ghali naka bazgikiro kakufipikiska, agho ghalondezgengepo apo. Yanji malembo gha kale na kabazgikiro katali.'Agha ghakusangika mu Mateyu 7:9 ni dada nju mukati mwa imwe, usange mwan wangaromba buledi, wanga mupa libwe?olo panji somba, wangamupa iye njoka?** ¹² Panji wafumba sumbi, wangamupa kalizga? ¹³ Usange, imwe ba heni mukumanya kupa vyawanangwa viweme kubana binu, mbuni nanga badada binu baku chanya banga manya kupereka Muzimu Mutuba ku bose bakumufumba iye?" ¹⁴ Sono Yesu wakafumyanga mzimu uheni uwo ukaba mbuwu. Para mzimu ukafumamo, munthu uyo wakaba mbuwu wakayowoya, ndipo mzinda ukazizwa. ¹⁵ Kwene banthu banji bakati, wakufumya mizimu iheni na nkhongono za Belezebule, uyo ni mulala wa mizimu, ndimo wakufumiskira.." ¹⁶ Banji bakamuyezga iye nakupenja vimanyikwiro kufuma kuchanya. ¹⁷ Kwene iye wakamanya maghanoghano ghawo ndipo wakanena kwa iwo, "ufumu uliwose uwo ukugabikana uku bwabwanganduka, ndipo nyumba iyo njakugabikana nayo yikuwa. ¹⁸ Usange satana nayoso wagabikana yekha, kasi ufumu wake ungaimilira uli? Pakuti mukuyowoya kuti nkhufumiska mizimu yiheni na nkhongono ya Belezebule. ¹⁹ Usange nkhufumya mizimu yiheni na nkhongono ya Belezebule, kasi imwe barondezgi binu bamukufumiskira mwanjani? Pa chifukwa ichi, bati babenge beruzgi binu. ²⁰ Kwene usange nkhufumiska mizimu na njobe ya Chiuta, ipo Ufumu wa Chiuta uli kwiza kwa imwe. ²¹ Usange munthu wa nkhongono uyo wanozgekera na vyankhondo vyose wakuvikilira nyumba yake, ndipo katundu wake ngwa kusamalika. ²² Kwene munthu wa nkhongono wamuruska iye, wakumupoka vya nkhondo vyake vose, na kumunangira munthu yura katundu wake. ²³ Munthu uyo wali pamoza naine chara, wakwimikana naine. Ndipo uyo wakureka kuwunjika pamoza na ine wakuparanya. ²⁴ Para mzimu uheni wafuma mu munthu, ukwendendeka mu charu chambura maji nakupenja mupumuro. Ukuwusanga chara, ukuti ndiwererenge ku nyumba yane uko nkhafuma.' ²⁵ Usange wawerera, kusanga kuti nyumba njakupyereka na kutozgeka. ²⁶ Ntheura ukuluta kuya katora mizimu yinyake yinkhondi na yibili yiheni kuruska iyo mwene, ndipo yose yikwizamo na kukhara mwenemumo. Ntheura umaliro wakabiro ka munthu yura kakuba kaheni chomene kuruska pakwamba ²⁷ Chikachitika nchakuti, apo Yesu wachali kuyowoya vinthu ivi mwanakazi munyake mu mzinda wakachemerezga na lizgu lapa chanya wakati kwa iye, "njakutumbikika nthumbo iyo iyo yikakubaba na bele ilo likawonkhska iwe" ²⁸ Kwene iye wakati, "enya kweneso , bakutumbikika niabo bakupulika mazgu gha Chiuta na kuyasunga." ²⁹ Apo mzinda ukayamba kukula, Yesu wakayamba kuyowoya, wakati, muwiro uwu ndi muwiro uheni. Pakuti ukupenja chimanyikwiro, kwene chimanyikwiro chipiwinge chara kupaulako chimanyikwiro cha nchimi Yona. ³⁰ Nga ndi umo Yona wakabira chimanyikwiro ku banthu ba mu Ninive. Ntheura ndimo Mwana wa Munthu wabenge chimanyikwiro ku muwiro uwu. ³¹ Fumukazi waku Mwela yizamukuwuka pa zuba la weruzgi pamoza na banthu ba muwiro uwu na kubasuska, pakuti yikafuma ku umaliro wa charu kwiza kapulika vinjeru vya Solomon, ndipo wonani, mukulu wakuluska Solomon wali pano. ³² Banthu baku Ninive bamukuyimilira pa weruzgi pamoza na muwiro uwu wa banthu abo bakubasuska, pakuti iwo bakang' anamuka pa upharazgi wa Yona, ndipo wonani, munyake mukulu kuruska Yona wali pano. ³³ Palije nanga njumoza, pamanyuma pakubuska nyali, wakuyibika mumalo ghakubisika kusi ku swanda, kwene wakubika pa chakukorererako. Mwakuti bose abo bakunjira bawone ungweru. ³⁴ Jiso linu ndiyo nyali ya thupi. Usange jiso ndiwemi, na thupi lose lukizula na ungweru. Kwene usange jiso lako ndi heni, na thupi lako nalo likuba lakuzura na chidima. ³⁵ Nheura uchenjere mwakuti ungweru uwo uli mwa iwe uleke kuba chidima. ³⁶ Usange thupi lako ndakuzura na ungweru, lambula na kachigaba mu mudima, ntheura thupi lako lose libenge nga ndi umo nyali yakubala chomene na ungweru." ³⁷ Wakati wamala kuyowoya, mu Falisi wakamufumba iye kuti, wakarye naye mu nyumba yake, ntheura Yesu wakaruta na kunjira na kukhala pa kulya. ³⁸ Mu Falisi wakadabwa kuti Yesu pakudankha wakageza yayi pambele pa chakulya cha mise. ³⁹ Kwene Fumu yikati kwa iye,"Sono nthena, imwe ba Falisi mukusuka kuwalo kwa ma kapu na mbale, kwene mukati mwa imwe nimwakuzura na ususi na Yesu. ⁴⁰ Imwe banthu bambula mahara! Asi uyo wakapanga kuwalo ndiyeso wakapanga mukati? ⁴¹ Perekani ku bakavu icho chili mukati, ndipo vyose vinthu vimutozgekeraninge. ⁴² Kwene soka kwa imwe ba Falisi, chifukwa mukupereka chakhumi chatumbuto na kupereka uheni na vinyake vyakumela mu dimba. Kwene mukuzerezga urunji na chitemwa cha Chiuta. Nchakwenerera kuchita mwa urunji na chitemwa cha Chiuta, nakutondeka kuchita vinthu vinyake. ⁴³ Soka kwa imwe ba Falisi,chifukwa mukutemwa mipando yakunthazi mu Synagogi naku chindika matauzgo gha banthu mu misika. ⁴⁴ Soka kwa, pakuti muli nga nimalo agho ghakuoneka chara, agho banthu bakwendapo kwambula kughamanya. ⁴⁵ Yumoza wa basambizgi ba malango wakati kwa iyo, " Musambizgi icho mukuyowoya mukutuka naise wuwo." ⁴⁶ Yesu wakati, "Soka kwa imwe, basambizgi bamalango! pakuti mukubayika banthu na katundu uyo ndi munono pakuyegha, kwene imwe mukumukwaska katundu chara na njobe zinu. ⁴⁷ Soka kwa imwe, chifukwa mukuzenga malaro gha zi nchimi, Ndipo mbasekuru binu abo bakazikoma. ⁴⁸ Ntheura ndimwe bakaboni ndipo mukukhozgera ku mulimo uwo ba zigogo binu, pakuti iwo baka zikoma naku zizengera malalo. ⁴⁹ Pa chifukwa ichi, Chiuta mu vinjeru vyake wakati, 'nibaumirenge zi nchimi naba Positoli, ndipo bamubapatikika ndiposo banji bamukakika. ⁵⁰ Muwiro uwu, ntheula, wamukufumbika pa ndopa izo zinchimi zikathiska kufumila ku chiyambi cha chalo, ⁵¹ kuyambira ndopa za Abelu kufikila ku ndopa za Zakaliya, mweneuyo wakakomeka pakati pa gomi na malo gha kupatulika. Enya, nkhumunenerani imwe, uwu muwiro wamu kufumbika ⁵² Soka kwa imwe basambizgi ba marango yaba Yuda, chifukwa mwaola chijuliro cha umanyi; imwe mwabene kuti mukunjiramo chara, ndipo mukuba jandizga abo bakukhumba kunjira." ^{53 54} Pamanyuma Yesu wakafumapo pala, balembi naba Falisi bakayamba kwimikana naye na kumususka pa vinthu vinandi. Bakayezga kumuyatya iye na mazgo ghake.