¹ Wenongonukifha vatavaye ovatumini nokutea muwo, vaombe vetchi kovininga viatcho avihe oviwa; ² hakuna engu mamumupopi navi, hamutanguna, ningeni tcheinha ovakueni vahanda ya lipundifheni kovanthu vatcho avehe. ³ Pae naotue, pouce nkhu katuna oyondunge ya nkhu katute; nkhu tuvapika koyohplo oyongi; otue nkhu tuka movivi nomemuna embi nkhu havihandua, okuninga onkhongo popluetu noakuetu. ⁴ Pae koholo ya Huku, Omuyowoli yetu Otchihando tchae kouye tchamunika, ⁵ É wetuyowola, okutkoho kokutchitua, okutuilifha ovape noMphepo Endji Yafhuapo, hakovininga embi tuaningile kouhunga, okonkhenda Yae. ⁶ Huku moulombe wetupa Omphepo endji Yafuapo, kotchipala tcho Muyowoli wetu Yesu Clistu, ⁷ tchitie okupewa ouhunga kotchali, tutchituke oyonphinga zhokukevela omunhu ombu haupu. ⁸ Otchekolelo ondaka. mbahand upopie okuomeekako ovipuka embeo, tchitie ombenha vaomeeka ku Huku vatute otchatchili okutalavaya ovininga oviwa. Ovipuka embio oviwa ya viachiliviya kovanthuvatcho avehe. ⁹ Ya munolho kulitchaela komahepu omavi, omihoko okutatamo ya nomahepu otchitumino. Embio ovipuka havivalele vitupu opuluvetu. ¹⁰ Hamutavele inguinha mahanda okuliyapuluka pokati keni, pua muemulonga limu pamu natuvale, ¹¹ tchiva okutia omunthu vatcho engu waliyapuka mondjila ombua ya umopekalo okuliula é muni. ¹² Ami nge mbekutuma Alatema pamu Tikiku, lumbana ya indjo te kuami Konikopoli, ku mbahopa okupitea ombundo. ¹³ Lumbana ya tuma Chena, omukoyefhe, na Apolo, novipuka embi avihe owo vahanda. ¹⁴ Ombunga yetu inolho okulinonga okuninga ovininga oviwa opo vaifhepo tchi tchachukifha ondjanga, opo havapoyola. ¹⁵ Avehe ombenha vename vekupopifha. Owe popifha ombenha vetuhole kekolelo. Otchali ngatchikae naonue amuhe.