¹ Indjemii pahe onue omba muli omalombe, lilemii ya yiyimeni mokonda zhoyohali embhi mazhikeya konue. ² Oulombe weni wawola ya ovikutu vieni viliwa nohembi, ³ oulu yeni ya nopalata yeni yatchaófualuchu ya ofualuchu endjo maikaela oumbangi konue, maikalia olutulueni ngaómba muatcha omulilo. Muaholeka oulombe weni kovitenha viokufhinina. ⁴ Tani ofeto yovaundapi tchapopiwa okutia ofheto endji nkhu ina ombenha vateya komapia eni. Okuyiyima kuaómbenha vateya kuefhika komakutui a Tate Kulu owoyonkhono. ⁵ Mukapopawa kohikó, ya otcho mamuningi otchokoholo yeni, otchipululu tcheni tchemupaka okukaka moyonphela embhi hamazhikapua. ⁶ Muaika ya mualeka omuviukifhi; ya é ehememuanha. ⁷ Pae vangu ningeni ombili té Tate Kulu mekeya. Tani omulimi ukevela okuteya kú kuavalela okomaheke É ukevelela lumu nombili kutcho mailokua nohungu nomateyula. ⁸ Naónue ningeni ombili, kolefheni oyombungo zheni mokonda okuya kua Tate Kulu kupepei. ⁹ Hamulikechala polueni novakueni vangu vange opó hamukakoyefhue. ¹⁰ Teni otchilikifha vango vange ohali ya nombili yovapolofeta, omba vapopia mena lia Tate Kulu. ¹¹ Taeni ovakanawa tuapakakó ombenha vatakamifha. Muatea okutakamifha kua Jó, ya muí nawa tcheinha Tate Kulu ahanda, É uno ombili ya unonkhenda. ¹² Kombanda yatcho vangu vange, hamuána ngarle keulu, ngaele kohi, ngaelepé otchiyano tchelikalela, pae putcho, óewáyeni ngaele óewá, ya óayéyení ngaelelumu óaye, pó kamukawa mokukoyefhua. ¹³ Pokati keni pena engu amuna ohali? ngelikumbele. Pena enngu alemua? ngayimbe odjongo. ¹⁴ Pokatikeni pena umu engu mavele? ngaifhane ovatuita wotchingelecha, ya vemulikuambelele vemuvaveke omulela mena lia Tate Kulu. ¹⁵ Ya elikuambelo liekolelo malihakula omuvezhi ya Tate Kulu mekekulamifha. Ngaele pua aninga opekalo Huku mekemuevela. ¹⁶ Liveleni koyopekalo zheni polueni novakueni, likuambeleni polueni novakueni vakae nawa. Elikuambelo liomuviukifhi linoyonkhono zhafuapo. ¹⁷ Elia nkhu omunthu ngaótue é elikuambele unene okutia opó hailoko, ya tchatchili ika hamailoko omanima atatu nomiezhi epandu. ¹⁸ Nkhe Elia elikuambele vali ombila ailokó ohi api ounhango omungi. ¹⁹ Vangu vange ponue umu ngatanthuka motchatchili, ya nkhe emueta vali, ²⁰ tchiveni okutia omunthu engu aifha omuningi wanavi mondjila ombi umuyovola kokutchua, ya omutchaela koyopekalo oyongi.