¹ Vhahandua ombo omukanda wavhali mimuhonikile, muembio miowola okumunongonukifha moyondunge zheni ozhatchtchili. ² Opó munongonuka oyondaka embi zhapopia no watuninua vhafuapo, ya nomatumino a Tate Kulu Omuyowoli onga mualongefhue no walongua vheni. ³ Tchivheni okutia poupeapé makukeya ovhakuelefhi mo mutenha wokumanufhuka, kokuelefha onué, okuendea moholo yenimuni. ⁴ Ya okutia tchipetchi tchi nkhe tchapangelue okuya Kuaé? tchi ovhakulu nkhe vhatchuile, ovhiopuka vhiatcho avhihe vhiaka ngatchi poku fhimbika. ⁵ Owo pokuningia wina vhazhimbako okutia kolukulu, nkhu kuká eulu nohi ovhio vhialua no momande ya mokonda yo mande mueya Ondaka ya Huku. ⁶ Ya mondjayatcho ondaka Yae, wo kolukulu watungululilue oyula omande. ⁷ Pondaka imu eulu nohi vhiaholekua omulilo, kukewela otchitenha tcho mphela no kutungulua avhanthu oyondinga vhivhi. ⁸ Avhahandua, omue nge hamu pomaa okuia tcho: otchetenha ku Tate Kulu otcho ngo manima ochei ekuinhi ya omanima ochei etakuinhi otcho ngo tchitenha tchimu. ⁹ Tate Kulu kaómbelele kukumbilila tcheinha apanga ngatchi vhemu vhuatuta ya unombili naónue, ahamahanda okutia umo nge watchua, okunigia okutia avhehe avhelivhele. ¹⁰ Ya Etango lha Tate Kulu malikeia ngo tchimphulu. eulu kalikamunaika vhali no mititimó minene.omalutu maka kazhima no mulilo, ohi na embi vhiakamo mavhikayokua. ¹¹ Tchimu tchi, mouhunga watcho, ovhipuka avhihe mvhikatungululua ovhanthu patchi mavhakaila? omue muno olho kuká muafhuapo nonkhenda. ¹² Okukevhelela nokulumbanifha otchitenha tchi makuya Huku, pueinha eulu malikatungululua nomulilo omalutu ahe machenguka. ¹³ Ya ngatchi apangele mtukevhelele eulu epé nohi omphe, kukuká otchatchili. ¹⁴ Vhahandua, pahe, okuvhelela ovhipukaimbio, likuatefhelini opó muafhue Naé, muayela, nombembua hamuna kulupa. ¹⁵ pakekeniko ombili ku Tate Kulu yetu Muyowoli, ngatchi nomuangu wetu omuhandua Paulu emuhonikila, mokonda yokutchia kuapewaé. ¹⁶ Paulu o popia ovhipuka vhiatcho embio momikanda vhiae avhihe, ya muvhio munovhipuka ovhingi vhikola okuitea, ozhiu omba havha longefhuele vhapilikila, ngatchi vhaninga omikanda mikuó, ovho muni okulitungulula. ¹⁷ Vhahandua, pahe, mokonda muvhi kaya ovhipuka embio holekeni opoha hamukokuá motchivhi tcho vhanthu ombenha havhena ozhilika ya hamuwombo kekolelo lheni. ¹⁸ Kuleini mombembwa ya Tate Kulu yetu Omuyowoli Yesu Clistu. Kué o hamba ngaukaeko té kolukulu. Ewa!