¹ Engo atavhela okutia Yesu ó Clistu, ondeya Huku avhehe ombenha vhahole Hé, navho vhahole oyondevhavho. ² Otue tutchi okutia tuhole oyondevha Huku pua tuahanda Huku ya kukumbilila ovhitumino vhiae. ³ Okohole Huku okukumbilila ovhitumino vhiae ya ovhitumino vhiae kavhikolele okuvhimbilila. ⁴ Mokonda avhehe ombenha vhayomukuá mo Huku, vhapikulula ouye. ngatchi nekolelo lhetu tutchizhila okupikulula ouy. ⁵ Oiwa nge mapikulula ouye, heli engo atevhela okutia Yesu Ondeya Huku? ⁶ Engo oenguinha ezhila momakuyo, ya nomolai wa Yesu Clistu. ye ngezhile pé momakuyo nomomulai, ya oumbange vhatcho tchopopia Omphepo ya Huku, mokonda Omphepo ya Huku otchatchili. ⁷ Mokondab oyombange nthatu { umu ó Tate, umu Ondaka yae, ya endji Omphepo ya Huku ombo vhatatu vhavhika pé ondaka imu}. ⁸ Omphepo ya Huku omakuyo, omulai avhihe vhipopia tchimu. ⁹ Otue nga tambula umbange vhovhanthu, umbange vha Huku vhapitakovhali. mokonda tcho umbange wa Huku, ombu etupa okotchevhe tcho Ndeyae Ongunga. ¹⁰ Engo atavhela mondeya Huku, mué muno umbange. engo hamatevhele mu Huku uluka etutu mo Huku, mokonda ya tchi hatavhele o umbange omua Huku apa Ondeyaye. ¹¹ Ya ombangi umbo okutia: Huku vhetupa omunhu umbo hamaukapua. ¹² Engo enondeya Huku unomunhu. engo hena Ndeya Huku utupu omunhu. ¹³ Ovhipuka embio djihonikila omue okutia munomgonuke okutia munomunhu hámaupu onue omba muatavhela menalho ndeya Huku. ¹⁴ Tcho okuómeeka ku tunakó kotchipala tcha Huku: ngatukumbu otchipuka tchimu koholayae, ée utea . ¹⁵ Ngatchi tutchi okutia ée ututia tchituakumba pó tutchi okutia tchi tuakumba, tunatcho. ¹⁶ Umu ngamunu omunguvhae maningi opekalo endji nge hamaitchuifha, ovhe likuambela opó Huku emuyovhola. tcho mbapopia okotchikola tcho pekalo endji nge ha maileke endjo oyó mbapopia. ¹⁷ Uvhivhi avhihe opekalo, ya kunuyo pekalo zhimu hezhileke. ¹⁸ Tucthi okutia, oyandevha Huku kavhatuako no pekalo. mokonda ondeya Huku uvheholeka, ya otchivhi nge katchivhezhili. ¹⁹ Tutchi okutia tu wa Huku, ya ouye auhe ukohi zhoyonkhono zho vhivhi. ²⁰ tutchi vhali okutia Ondeya Huku weya ya wetupa enongoku tuivhe Huku tchatchili. omunhu wetu welikuata pamu na Huku ya tchatchili, welikuatapu Nondeyae ogunga Yesu Clistu. engo o Huku yatchatchili, ya tcho omunhu vhokuhapua. ²¹ Yondewange taemee nawa kuimbe muhole.