¹ Biga Yahuah wori le ana Joshua al kahin ali wogif gidam al malayika ta Yahuah wa Sitan kan wogif fi ida yomin tao le istaki uwo be katiya. ² Al malayika ta Yahuah kelim le Sitan, ''Kede Yahuah wobiku ita, Sitan; kede Yahuah, al kan iktar Arselim, wobiku ita! De yau ma kasab juru min al nar?'' ³ Joshua kan libisu fi gumas waskan ze uwo wagif gidam al malayika. ⁴ Al malayika wonusu wa kelimle delin al wagafu gidam uwo, ''agila al gumasat waskan min uwo.'' Biga uwo kelim le Joshua, ''Ayinu! Ana kalas sibu wasaka taki tala bara min ita wa Ana bi libisu ita fi gumas kuwes. ⁵ ''Biga Ana kelim, ''Kede umon kutu imma nedif fok ras tao!'' Kida umon kutu imma fok ras ta Joshua wa libisu uwo ma gumasat nedif, zema al malayika ta Yahuah kan wogif inak. ⁶ Tani al malayika ta Yahuah sedid amiru Joshua wa kelim, ⁷ ''Yahuah ta junud kelim zede: Kan ita bi dowuru fi sikat tai, wa kan ita hafisu wasayat tai, biga ita bi geni mosaul le bet tai wa harisu mahdara/mahkama tai, lianu Ana bi rudu ita le rua wa ja wasat delin al bi wogif gidam ana. ⁸ Asuma, Joshua al kahin ali, ita wa zumala taki al bi geni ma ita! Lianu rijal delin yau alama, lianu Ana nefsatai bi jibu fok kadam tai al fereh. ⁹ Hasa ayinu le al hajer al Ana kalas kutu gidam Joashua. Inak biga saba uyuun fok hajer wahid, wa Ana bi nahitu al kitaba_de yau la karar ta Yahuah ta junud_wa Ana bi masau al katiya min ardi de fi yom wahid. ¹⁰ Fi yom dak_de yau al karar ta Yahuah ta junud_ayi rajil bi rahibu jeran tao le geni tehet sejera tao wa tehet sejera tiin tao.''