¹ Asalu motoro min Yahwa fi zaman motoro al mutuakir - Yahwa al bi amulu saga - wa bi wodi ai wahid beredu be motoro wa nabatat bi raba fi mahal zara. ² Ashan asnam al fi bet wonusu klam batal; nas ta arafa aynu kidib; humon wori hilim ta kidib wa wodi teshji al farig, lahadi humon douru ze ganamaya wa ligo taab ashan mafi rai. ³ Zalan Tai wala did ruaa: de ganamaya abu raji - kada - al Ana bi akibu. Yahwa ta nas kulu kaman bi kun fi ma ganamayat Bito, bet ta Yahuza, wa bi amulu humon ze husan ta harb Bito fi zaman ta harb! ⁴ Min Yahuza hajer zawiya bi tala; min Huwo witid ta khema bi tala; min Huwo danga ta harb bi tala; min Huwo hukam kulu bi tala sawa. ⁵ Humon bi kun ze nas ta harb al dusu adu tomon fi tin ta sika fi harb; humon bi amulu harb; ashan Yahwa fi ma humon, wa humon bi amulu fadiya le del al bi sugu husanat ta harb. ⁶ Ana bi gowi bet ta Yahuza wa bi alagu bet ta Yousif, ashan Ana bi rijau humon wa bi indu raham le humon. Humon bi kun saab ze Ana kan ma laanu humon, ashan Ana Yahwa Allah tomon, wa Ana bi asuma le humon. ⁷ Biga Ephraim bi kun ze zol ta harb, wa geliba tomon bi geni mokosut ze be merisa; iyal tomon bi aynu wa bi geni mokosut. Geliba tomon bi geni mokosut fi Ana. ⁸ Ana bi afuku sufara le humon wa bi limu humon, ashan Ana bi alagu humon, wa humon bi kun ketirin kalis min ta kan! ⁹ Ana zarau humon fi nus ta nas, lakin humon bi zekiru Ana fi beled tanin al beid, biga humon ma iyal tomon bi geni wa bi rija. ¹⁰ Ashan Ana bi rijau humon min wata ta Masir wa bi limu humon min Ashur. Ana bi jibu humon fi wata ta Gilead wa Libnan lahadi ma bi kun fi juwa tani ziyada le humon. ¹¹ Ana bi douru min bahar ta taab tomon; Ana bi dugu habub al bi hizu huzu bahar dak wa bi nashifu Nile de kulu lahadi tehet. Sokol kebir ta Ashur bi nezilu tehet, wa asaya ta Masir bi ruwa bara min Masriin. ¹² Ana bi gowi humon fi nefsa Tai, wa humon bi douru fi isim Tai - de yau kararat ta Yahwa."