¹ Rajil de wonusu le mara, kuraiin taki gi beinu jemil fi jesma taki, beniya ta amiir kuradiin/faks taki, al meyilu geni ze mujuhura geni ze sukul ta zol al rasam. ² Habil ta sura ta batna taki geni ze kura al muduwir, keli khamira tou ma nagisu kulu kulu, batna taki ze de gid ta geme al limu ze jebel ma zuhur ta suson. ³ Itniin temaniya ta Gazelle. ⁴ Raga but taki ze buruj ta aaj, uyon taki geni ze hut ta moya al fi hesh bon al fi buwaba ta batt Robbin. Anafa taki ze buruj al fi Lebanan al gi iteja le Damascus, ⁵ Ras taki al le inta ze Carmel: Shar al fi ras taki geni ze arjuwan al duluma. Melik gubudu Isra abit bi gefil ta shar ⁶ Gudur shunu inta jemil wa gudur shunu inta mahbub Yah bib tai be Farah. ⁷ Tul taki ze shejera nakha wa sudur taki ze mujumua kutula ta fawaki ⁸ Ana kelim inu ana deiru shejera nakhil nakhla de, ana bi amsuku Furuh tou, keli sudur taki geni ze mujumad ta Enab, wa keli reha ta anafa taki geni ze asiir ta Mush, ⁹ Keli hank taki geni ze Khamra al tamam gi jere dufugu adil le babib fai gi jere/ tuwali fi kasuma ta del al gi num, mara wonusu le homon, ¹⁰ Ana wa habib tai, wa hawo mush tak le ana, ¹¹ Taal ya hahibi, keli nina ruwa bara min medina, keli nina ruwa num fi kura. ¹² Keli nina gum bediri ashan bi ruwa fi ma zra ta inab keli nina ainu kan sei nabat ta inab de boda raba. Kan sei zuhurot tou tala. Wa kan sei lemon Ruman tala zuhur. Hinak ana bi wodi le inta mohaba tai. ¹³ Wa kan fi reha ta awrak ta nabat fi bab al nina gi geni fogo wa kulu ma anwa ta asar al ihtoru, al jedid wa al gedim, al ana khazina le inta ya habibati.