¹ Lee biga nina gi kelimu inu Ibrahim Au ta nina kan hasab jesed. ² Ashan kan Ibrahim kutu adil be wasat amal, huwo bi kun indu hak ashan bi dala lakin, lakin ma gidam ta Allah. ³ Ashan kitab gi kelimu shunu? Ibrahim gi hibu Allah wa Allah kutu huwo adil. ⁴ Hasa le zol al gi ishtakal, haja al huwo gi dafama gi hasibu hadiya, lakin de dein. ⁵ Lakin le zol al ma gi ishtakal lakin huwo amin fi zol al gi kutu nas ta katiya adil, iman towo gi hasibu adil. ⁶ Daud kaman kelimu baraka le zol al Allahgi hasibu inu huwo adil bidun amal. ⁷ Huwo kelimu baraka le nas al ma gi ihterimu ganun al amal tomon afi wa katiya tomon kat. ⁸ Baraka le zol al Allah ma gi hasibu katiya towo. ⁹ Biga hal barakat huwo bes le nas al teheru wala kaman le nas al ma teheru? Lianu nina kelimu inu kutu Ibrahim adil be iman. ¹⁰ Teib kan haibu huwo kef? hal huwo fi tuhur wala fi huwo fi ma tuhur? huwo kan ma al fi tuhur lakin huwo fi al ma tuhur. ¹¹ Ibrahim istelimu alama ta tuhur, de kan kitim ta shokol adil, ta iman al kan huwo ligo fi zaman al kan lisa ma teheru huwo, netija ta alama de yau al kan huwo biga tala abu le kulu nas al amin, wa hata iza kan humon ma teheru, de mana inu shokol adil bi hasibu le munu?. ¹² De kaman mana towo inu Ibrahim biga tala Abu ta tuhurma le nas al bes teheru, lakin le kulu nas al ruwa fi katuwat ta iman ta Abu ta nina Ibrahimgubal huwo lisa kan ma teheru. ¹³ Ashan waad al kan le Ibrahim wa usura towo al huwo bi worisu alam de ma kan be wasat namus lakin be wasat shokol adil ta iman. ¹⁴ Iza kan nas al gi ish hasab namus de yau bi warisu, iman ma indu faida, wa waad kasara. ¹⁵ Ashan namus bi jibu zalan lakin fi mahal al fi namus, ma bi kun katiya. ¹⁶ Ashan kida huwo be wasat iman, be teriga ta neima waad bi agder bi kun le kulu usura ta Ibrahim. Ma bes le nas al tehet ganun, lakin kaman le nas al gi ishterik iman ta Ibrahim, al huwo Abu le nina kulu. ¹⁷ Ze ma moktub ana kutu inta Abu le nas ketir Ibrahim kan fi gidam ta Allah al huwo amin fogo, al gi hai nas al mutu, huwo al gi nadi hajat al ma moujud ashan bi kun moujud. ¹⁸ Fi kalam ta raja, huwo amin did raja, inu huwo bi kun Abu le nas ketir hasab ma kelimu le huwo, usura taki bi kun zede. ¹⁹ Ashan huwo ma bi kun deiif fi iman, huwo aynu le jisim ze meit. (ashan umur towo kan gerib le miya sena). wa huwo aynu le rihim ta Sarah ze meit au ma shakil. ²⁰ Lakin ashan waad ta Allah, Ibrahim ma rija fi iman lakin huwo kan wogifu gowi fi iman, wa mejidu Allah. ²¹ Wa huwo kan sedek tamam inu haja al Allah waadu, huwo kaman bi agder ashan bi kamilun. ²² Ashan kede kaman kan hasibu le huwo ze zol al adil. ²³ Lakin ma katibu le huwo barau inu huwo adil. ²⁴ Lakin kan katibu le ajli nina kaman al bi hasibu le nina nas al amin be huwo al gum Yesuah Rabuna min mutu. ²⁵ De huwo al kan selimu nefsa towo wa hariru nina min katiya wa gumu huwo ashan bi kutu nina adil.