¹ Kede kulu zol ihterimu sultat al aali, lianu mafi sulta ile min Allah. sulta al hasa de min Allah. ² Ashan kede ai zol al gi aba sulta de huwo gi aba sulta ta Allah. Wa nas al gi aba de humon bi ligo hukum le nufus tomon. ³ Lianu le hukum kede ma kafu ashan bi amulu hajat al kwes lakin le hajat al batal. Hal niya taki ma deiru ashan bi kafu al sulta? amulu haja al kwes, wa huwo bi shukuru inta. ⁴ Lianu kadam ta Allah le kwes, lakin iza kan inta gi amulu katiya, kede inta kafu, lianu huwo ma bi shilu seif sakit. ashan huwo kadam ta Allah, al gi dafa zalan la zol al gi amulu khatiya. ⁵ Ashan kida inta lazim bi ihterimu, ma bes ashan zalan, lakin ashan demir. ⁶ Lianu ashan kalam de intum kadam bi dafa daraib, ashan sulta humon khudam ta Allah, al humon gi amulu haja de be istimrar. ⁷ Dafa le ai zol haja al tabi le humon, daraib le zol ta daraib, rusum le zol ta rusum, kafu le zol ta kafu, karama le zol ta karama. ⁸ Kede inum ma indu duyun min ai zol, kede intum hibu baad takum ma baad. ashan zol al gi hibu jeran towo, huwo kamilu namus. ⁹ Al wasaya, mata amulu zina, mata katulu, mata seregu, mata shahidu be kidib, wa iza kan fi ai wosiya tani kaman al bi kutu fi mojmu ta kelimat de, huwo inu kede inta hibu jeran taki ze nefsa taki. ¹⁰ Muhaba ma bi amulu katiya le jeran lianu muhaba huwo kamilu namus ¹¹ Lianu ashan kida, intum arufu zaman al huwo zaman ta gum min num ashan kulasa ta nina biga gerib. min zaman al kan nina aminu. ¹² Bilel biga ruwa gidam, wa nahar biga ja gerib, ashan kida kede nina sibu amail ta duluma, wa kede nina libisu silah ta nur. ¹³ Kede nina dowuru ze ma fi nahar, mafi ihtefalat ta bilel au duluma, wa kede nina ma ish haya ta zina, au fi shahwat, wa ma fi ingisamat wa hasada. ¹⁴ Lakin libisu takum Yesuah al Mesi, mata sibu fursa le jisim, ashan shahwat.