1
Ya akuwana, niya ta geliba tai wa talab tai le Allah ashan humon, wa le kulasa tomon.
2
Lianu ana bi shahidu le humon gali humon indu gira le Allah, lakin ma hasab al marafa.
3
Lianu humon ma arufu shokol adil ta Allah, wa humon bi asalu ashan bi amulu shokol adil tomon, ma bi ihterimu shokol adil ta Allah.
4
Ashan Yesuah yau bi kamilu namus ta shokol adil le ai zol al amin.
5
Ashan Musa bi katibu an shokol adil al bi ja min namus, "Zol al bi amulu shokol adil ta namus bi hai ma shokol adil de."
6
Lakin shokol adil al ta iman bi kelimu zede, mata kelimu fi fi geliba, gali munu yau bi ruwa fi sama? (Ashan bi jibu Yesuah al Mesi tehet);
7
wa ma bi kelim, munu bi ruwa fi hawiya? (ashan bi jibu Yesuah al Mesi min mutu).
8
Lakin Huwo kelimu shunu? "Al kelima gerib min inta, fi kasuma taki, wa fi geliba taki." De kelima ta iman al nina bi beshiru.
9
Ashan kan be kasuma taki inta kan iterifu be Yesuah ze Rabuna, wa kan amin fi geliba taki gali Allah gumu Huwo min mutu, inta bi ligo kulasa.
10
Ashan geliba bi amin le shokol adil, wa huwo bi iterifu be kasuma le kulasa.
11
Lianu kitab bi kelim, kulu zol al amin fi huwo ma bi kun indu fadiya.
12
Biga ma bi kun fi ferik beina Yahudi wa Yonani, lianu Rabuna al wahid de le nas kulu, wa Huwo ganiyan le kulu nas al bi nadi huwo.
13
Lianu kulu zol al bi nadi isim ta Rabuna bi ligo kulasa.
14
Wa kef humon bi nadi zol al humon ma amin fogo? wa kef humon bi amin fi zol al humon ma asuma kabara Towu? wa kef humon bi asuma bidun mubeshir?
15
Wa kef humon bi beshiru kan ma rasulu humon? Ze ma katibu, jemil godur shunu kurein ta mubeshirin be kelima al kuwes!"
16
Lakin ma kulu nas asuma injil, lianu Isaiah bi kelimu, "Rabuna, de munu yau aminu fi kelima ta nina?
17
Ashan kida iman bi ja min asuma, wa be asuma kelima ta Yesuah al Mesi.
18
Lakin ana bi kelimu, sei humon ma asuma? Ai wa, ana mutuakid. gali asuma tomon ruwa wa asuma le duniya. Kulu, wa kelimat tomon wosulu le akir duniya."
19
Lakin ana bi kelimu, sei Israel ma arufu? awel haja Musa bi kelimu, ana bi alisu intum be haja al ma nas. Be nas al belidin al ma fahimin ana bi sibu intum zalanin."
20
Wa kan Isaiah kan ma bi kafu wokit huwo bi kelim, "Ana ligo nas al ma bi fetisu ana, ana beinu le nas al ma bi asalu ana."
21
Lakin le Israel huwo kelim, ana bi midu dan taile nas al ma bi ihterimu ana, nas al giladabin."