¹ Fi beelil dak nas kulu arfa sout wa kori, ² Wa kulu nas ta Israel ningnig le Moses wa Aaron, wa kelemo : Akeer kan nina mutu fi Ard ta Egypt,ao heni fi sahara! ³ Liih Yahweh jibu nina fi Ard de Ashan mutu heni ma seef , wa be shelo Noswan ta nina wa ayal ta nina be kon dahaia? Ma be kon Akir kan nina rija wara fi Egypt?” ⁴ Humon bada kelem le badon touwomon “keli nina aktar gaid tani , wa keli nina rija ila Egypt.” ⁵ yala Moses wa Aaron kutgo wosa tehat kidam ta ayal ta Israel, ⁶ Joshua jena ta Nun wa Caleb jena ta Jephunneh, kormos Gomas tuwomon, huwomon yau kan rowa ashan be eyno Ard, ⁷ humon kelem le sahib: Ard al anina rowa fogo , heya Ard fogo khirat ketir jiden . ⁸ Kan Yahweh rodu le anina huwo be dakalu anina fogo, wa be wodi le anina , Ard al Malian ma leben ma aseel ⁹ Lakin matakon amolo tomorod le Yahweh , wa matakon kafo nas al fi Ard de, huwomonze eish le nina. Hemaya toumon be shelo bara min huwomon, leano Yahweh ma nina. Matakon kafo humon.” ¹⁰ yala bega kulu jama kelemo keli logo huwomon ma hajiir .lakin mejid ta Yahweh zahir fi keem ta ajtima le kulu ayal ta Israel. ¹¹ Yahweh kelem le Moses, lahaadi meeteen sahib de be aliso ana, wa ila meeteen huwomon ma be sedeq ana be rakam muujizat al Ana amolo fi nost toumon? ¹² Ana be demero humon ma wobba, wa ana be amolo inta shab gowi min humon”. ¹³ Moses kelem Yahweh kan inta amolo ze de nas Egypt be asoma kalam de wa be kelem Inta tala ayal ta Israel ma gowa min nos toumon, ¹⁴ humon be kelem le nas ta Ard de , nas de huwomon arofo eno inta ma sahib de, wa Inta zahei le humon wosa ma wosa wa Inta amolo hemaya le humon, wa Inta be rowa kidam toumon fi shekil ta amod min ta sehab fi nahar wa fi beelil amod ta nar fi belil. ¹⁵ Asha kan Inta demero sahib de fi wahid dor, dunia kana soma kabar de be kelem ¹⁶ Inta ma agdir ashan dakalu sahib de Ard al Inta waado le humon, Inta katolu humon fi sahara. ¹⁷ Hasa, ana be asalo inta, malis kely gowa ta Rabuna tai al kebir . ze ma inta kelem : ¹⁸ Yahweh roho tou towil wa hajat al kowis ketir, wa be afii zanb wa hajat al batal, lakin ma be afi. Best be kuto kateya ta Abuhat le Iayal lahadi fi jeel nimira talalta wa arba. ¹⁹ malis afi katia ta shab de hasab neema taki, wa afi le humon ze ma kan inta afi humon fi Egypt ila heni”. ²⁰ Yahweh jowabo “ Ana afi ze ma inta kelem. ²¹ hagiga ze ma ana hai wa mejid tai be mala kulu dunia, ²² kulu nas al eynu mejid tai, wa ajaab wa moojizat al ana amol fi Egypt, wa sahara, wa humon ma asoma kalam tai wa jeribu ana ashara marat. ²³ Mafi wahaid min humon be eyno Ard al Ana waado le abuhat toumon . kulu nas al aliso ana ma be eyno. ²⁴ lakin kadam tai Caleb endu roho baraou, huwo tabi kalam tai ma kulu gilba tou , ana be dakalo huwo fi Ard al huwo rowa fogo wa ayal tou be woriso bad huwo. ²⁵ (hasa Amalekites wa Canaanites be geni fi jebel).bogora lefo wa rowa ila sahara be seeka bahar ta Reeds.” ²⁶ Yahweh kelem le Moses wa Aaron. Huwo kelem ²⁷ lahadi meeteen ana be asthmei mojtama al batal de al ke kori kori le Ana? Ana asoma korikori toumon le Ana, ²⁸ Kelem le humon : ze ma ana hai de yau elaan ta Yahweh ze ma intakon kelem fi adana tai, Ana be amolo le Intakon: ²⁹ Intakon be mutu hene fi sahara ! mafi weli wahid zol min umor ashreen sena , wa elders al huomon ningning ma Ana, ³⁰ ma be dakalu fi Ard al Ana waado ashan intakon geni fogo, ile Caleb jena ta Jephunneh wa Joshua jena ta Nun. ³¹ Ayal takon al intakon kelem gali be kun dahaya, Ana be shelo humon fi Ard. ³² Ze le inta, gisim bitak al mutu ma bi waga fii zahara de ³³ Eyal takon be geni fi sahara Arbyeen sena , huomon be estahmil oguba al ta tomorod takon lahadi nehhaya ta akir jozsa fi sahara. ³⁴ Intakon be taban le moda Arbeen sena de neteja ta kateya takon wahid sena le kulu yom, wa intakon be arifo kan ana bega deed intakon. ³⁵ Ana Yahweh yau kelem, wa de yau haja al Ana be hokum ma huwo jamah al batalin deel al uomon amomlo moamara le Ana: fi sahara de huomon be afeen wa mutu . ³⁶ Ama Jawasis al Moses rasolu huomon ashsan be eynu Ard de, wa rija ma kabara al kuto shab gum did Moses ashan humon shetetoo kabara al batal An Ard , ³⁷ Rojal al jeebo kabara batal An Ard de humon be mutu ma wooba de hokom le huomon. ³⁸ mafi zol be fadolu ila Joshua jena ta Nun wa Caleb jena ta Jephunneh yau be fadolu. ³⁹ Laman Moses wory kabara de le shaab ta Israel, humon kori shedid. ⁴⁰ Wa fi sabah bediiry humon rowa fi raas jebel wa kelem: “Anina amolo kalat, keli nina rowa fi maka al Yahweh waado le anina de” ⁴¹ Moses kelim: “ leeh intakon karabo awamiir to intakon karabo awamiir to Yahweh? Kalam takon de ma be najah ⁴² matakon rowa leano be torodu intakon ma adu takon, leano Yahweh mafi fi nost takon. ⁴³ Amalekites wa Canaanites humon fi henak, intakon be mutu ma seef leano intakon gilibu dahar ashan rowa wara Yahweh.Huwo ma be kun ma intakon” ⁴⁴ Lakin humon garir ashan be rowa fok jebel, Musa ma sondok ta waad ta Yahweh ma tala min keem. ⁴⁵ Nas Amalekites neziil tihet , Kaman Canaanites al humon be geni fok jebel de . Humon hajimo Shab ta Israel wa dogo humon kulu tehi wa torodu humon lahaadit Hormah.