¹ Yahwah wonusu le Musa.Huwo gal, ² ”Amulu itnin buruji min fida.Lazim inta bi stagdimu buruji ashan bi nadi mujtama fi mahal wahid wa bardo nadi humon ashan bi harik qeima toumon. ³ Izakan afuku itnin kulu,Lazim kulu mujtama keli limu gidam taki fi bab qeima-al-ijtima. ⁴ Izakan afuku buruji wahid bes,nas mousilin fog kulu kasma bab ta Israel bi limu gidam taki. ⁵ Izakan inta afuku wahid shedid,gabail al fi tijah ta sherik bi bada harik. ⁶ Izakan inta afuku buruji le mara nimura itnin,gabail al fi tijah ta junub lazim bi bada douru.Humon lazim bi afuku buruji shedid ashan bi wori gali biga humon bad rua. ⁷ Izakan mujtama limu sawa,afuku buruji lakin ma be sout ali shedid. ⁸ Iyal ta Aaron,Kuhana,lazim bi afuku buruji de.De yau daiman bikun ganun le intum wa fi wasat ta jil ta nas takum. ⁹ Kan intum gi ruwa fi harib fi ardi takum did adunal gi azibu intum, intum kede afuku buruji ashan bi wodi kabara.Ana Yahwah Allah bitakum bi zekiru intum wa bi kalisu intum min adu bitakum. ¹⁰ Bardu,fi zaman ta iqtifal,et al bi amulu daiman, wa fi bidaya ta shuhur,intum lazim bi afuku buruji fogo zebiha al gi haragu wa fogo zebiha ta ishterekia.De bi geni ze zekira bitakum le ana Allah takum. Ana Yahwah Illah bitakum. ¹¹ “Fi sena nimura itnin,shahar nimura itnin,fi yom nimura ishirin fi shahar,shihab kan arfa nefsu fog kenisa. ¹² Shab ta Israel bada mashi fi musuwar toumon min sahara ta Sinai.shihab kan wogif fi saharabta Paran. ¹³ Humon amulu musuwar toumon nimura itnin hasab ganun al Yahwah wodi le Musa. ¹⁴ Tegsima ta qeima bita Yahuza yau bada rua awel be asakir bitoumon.Nahshon weled bita Amminadab yau kan zol bitoumon al kekir. ¹⁵ Nethanel weled bita Zuar kan mousul fogo tegsima ta geliba bita Issachar. ¹⁶ Wa Eliab weled ta Helon yau kan mousul fogo geliba bita Zebulun. ¹⁷ Wokit biga nenjilu kenisa falata,nas ta Gershon wa Merar bada limu hajat bitou wa Jahizu le momoria. ¹⁸ Bad de, tegsima min qeima ta Reuben yau ruwa bad de ,hasab mustawa.Elizur weled bita Shedeur yau kan zol kebir. ¹⁹ Shelumiel weled bita Zurishaddai kan mousul fi tegsima ta geliba Simeon. ²⁰ Wa Eliasaph weled bita Deuel yau kan mousul fi tegsima ta geliba bita Gad. ²¹ Wa nas ta Kohath bada douru,humon arfa ma humon hajat al kudusin.Lazim bi asisu kenisa gubal humon wosulu. ²² Tegsimabita qeima bita geliba ta Ephraim bada rua Kaman, tehet mustawa toumon,Elishama weled bita Ammihud yau kan zol al kebir. ²³ Gamaliel weled ta Pedahzur yau kan mousul fogo tegsima ta geliba bita Manasseh. ²⁴ Wa abidan weled bita Gideoni kan mousul fogo tegsima ta gebila bita Benjamin. ²⁵ Akiran,asakir al kan tala mi gebila bita Dan yau bada rua fi mustawa bitoumon.Ahiezer weled bita Ammishaddai yau kan zol kebir bitoumon. ²⁶ Pagiel weled ta Ocran yau kan mousul fogo tegsima bita gelia ta Asher. ²⁷ Wa Ahira weled bita Enan yau kan mousul fi tegsima ta geliba ta Naphtali. ²⁸ De yau kan nizam bita douria ta nas ta Israel zei ma humon safir. ²⁹ Musa kelim le Hobab weled ta Reuel min Midia,al huwo bardo nesible Musa,”Anina maishin fi mahal al Rabuna kelim anu gal,”Ana bi wodi inta tal ma nina sawa wa nina bi amulu le inta kulu hajat al kwes,le’anu Allah kalas wahadu hajat al kwes le Israel.” ³⁰ Lakin Hobab kelim le Musa,”Ana ma bi ruwa ma intum.Ana bi rua fi ardi bitai walw ahal bitai.” ³¹ Wa Musa juwabu,”Maleshkeli inta ma sibu nina.Inta yau arfu teriga ta amulu qeima fi Sahara.Lazim inta bi ainu wara bitana. ³² Izakan inta masi ma nina,nina Kaman bi amulu le inta nebsu hajat al kwes al Yahwah gi amulule nina.” ³³ Humon douru bara min jebel ta Yahwah le muda ta talata yom.Sonduk ta ahad ta Yahwah kan arfau gidam toumon le muda talata yom ashan biligo mahal le raha. ³⁴ Shihab ta Yahwah kan fi fogo ras toumon be nahar kulu-ma humon bi douru. ³⁵ Kulu ma kan Sonduk bada hariku,Moses bi kelim,”Gum fog,Yahwah.Shetetu adi taki.Kutu nas al bi karahu kelijere min inta.” ³⁶ Kulu ma kan Sonduk bi wogifu,Musa bigul, “Rija Yahwah, le shab ta Israel al ketir ta asharat al halaf.