¹ Hasa fi al yom arba-isirin ta al nesfsu sahar al nas ta Israil kan limu wa umon kan samu, wa umon kan labisin gumassual, wa umon kutu turab fogo ruus tomon. ² Al ajial ta Israil fasilu nufustomon min kulu al ajanib. Umon wogif wa ikterif katiyat ta nefsatomon wa al amail batal ta judud tomon. ³ Umon wogif fok fi makanat tomon, wa le wahid-robo ta al yom umon agara min al kitab ta al ganun ta Yahuah Allah tomon. Le arba yom al tani umon kan ikterifu wa dengir tehet gidam Yahuah Allah tomon. ⁴ Al Lawien, Jeshuah, Bani, Kadmiel, Shebaniah, Bunni, Sherebiah, Bani, wa Kenani, wagaf fok saraya/sutu wa umon nadi bara ma sort sedid le Yahuah Allah tomon. ⁵ Biga al Lawien, Jeshua, wa Kadmiel, Bani, Hashabneiah, Sherebiah, wa Pethahiah kelim, ''Wogif fok wa wodi shukhur/tesbih le Yahuah Allah takum lelabad wa abad.'' ''Kede umon bariko isim taki mumajad, wa kede uwo geni morfu le fok ayi barakat wa tesbih. ⁶ Ita yau Yahuah. Ita barau. Ita yau kalagu sama, al samawiyat al be fok, ma kulu junud/kuwad tomon, wa al art wa kuluhaja fogo uwo, wa al bihar wa kulu al yau fogo umon. Ita wodi haya le umon kulu, wa al junud/kuwad/jess ta samawat bi abidu ita. ⁷ Ita yau Yahuah, al Allah al iktaru Abram, wa jabu uwo bara min Ur ta Khaldees, wa wodi uwo al isim Abraham. Ita ⁸ ligo gelba tao kan malianamana gidam taki, wa ita amulu ma uwo al tifagia/ahat le wodi le ajial tao al art ta al Kanaanien, al Hittitien, al Amorien, al Perizziien, al Jebusien, wa al Girgashien. Ita kalas hafisu waad taki ashan ita yau bar. ⁹ Ita ayinu al awuja/taab ta judud/abuhat tanina bediri fi Masir wa ita asma le kore tomon be inak al bahar al ahmar. ¹⁰ Ita wodi alamat wa ajaib dit Pharaon, wa kulu kadamin tao, wa fogo kulu al nas ta art tao, lianu ita aruf gali al Masirien itamalu ma unf dit umon. Lakin ita amulu isim le nefsataki al mojud le yom alela. ¹¹ Biga ita gesimu al bahar gidam tomon, kida ashan umon bi rua fogo al nus ta al bahar fogo al wata yabis; wa jadawu delin al bi turuju umon fogo jua al sedid, ze hajer fogo jua miya. ¹² Ita gedimu umon be amut ta sihaba wokit ta nahar, wa be amut ta nar wokit al lel le walau al sika le umon le mamuria. ¹³ Fok Jebel Sinaa ita nenzil tehet wa ita wonusu ma umon min samawat wa wodi le umon kararat mubarar wa gawanin hagiga, faraid kuwes wa wasayat. ¹⁴ Ita amulu Sabbath kudus taki maruf le umon, wa ita wodi le umon wasayat wa faraid wa ganun be wasat Musa kadam taki. ¹⁵ Ita wodi le umon ess min sama le jian tomon, wa moyo min hajer le atas tomon, wa ita kelim le umon le rua jua le meliku al art ita halifu be halifa le wodi le umon. ¹⁶ Lakin umon wa judud tanina itamal bedun iktiram kamil, wa umon tala giladabin/meyilu ragabtat tomon wa ma asuma le wasayat taki. ¹⁷ Umon aba le asuma, wa umon ma fekir an al ajaib al ita amulu wasat umon kan, lakin umon meyilu ragabtat tomon, wa fi tomorut tomorut tomon iktaru al kait le rijau le abudiya tomon. Lakin ita yau Allah al malin be gufran, nayiman wa hanin, mabi zalan guwam, wa malian fi muhaba sabit/gowi. Ita kan ma sibu/aba umon. ¹⁸ Hata zaman umon kalas sala sanam min dahab au hadid wa kelim, 'De yau Allah takum al jabu itakum bara min Masir,' wa kan irtekibu jerima/fadia kebir, ¹⁹ ita, fi rahma taki, kan ma sibu umon fi al sahara. Al amud ta sihab bi gedimu umon fogo sika kan ma sibu umon be nahar, wele kan al amud ta nar be bilel le walau al sika le umon le mamoria. ²⁰ Roho kuwes Taki ita wodi le umon le derisu umon, wa manna taki ita kan ma silu bara min kasuma tomon, wa moyo ita wodi le umon le atas tomon. ²¹ Le arbayin sena ita sadidu le umon fi al sahara, wa umon ma gasar haja. Gumasat tomon kan ma kalasu/seretu bara wa kurayin tomon kan ma worimu. ²² Ita wodi le umon mamalik wa saub/nas, wodi le umon ayi rukun ta al art. Biga umon salu mulkia ta al art ta Sihon melik ta Heshbon wa al art ta Og melik ta Basha. ²³ Ita amulu iyal tomon ze aktar ze al nujum ta sama, wa ita jabu umon fijua al art al ita wori le judud tomon le rua fogo wa imtaliku. ²⁴ Kida al nas rua fogo wa imtaliku al art wa ita hasarta gidam umon al sukan ta al art, al Kanaanien. Ita wodi umon fogo idenat tomon, ma muluk tomon wa al nas ta al art, gali Israil biga bi itamal ma umon ze umon deiru. ²⁵ Umon gobudu al mudun muamar wa aradi muntija, wa umon gobudu biut maliyan be kulu hajat kuwes, kazanat al kalas afurau, mazare wa ginanat ta zeyitun, wa asjar fuwakih be kimiya. Kida umon akal wa kan sabanin wa raba suman wa itmata be nefsatomon fi kebir ta kuwes taki. ²⁶ Biga umon tala be adam taa wa umon itmaradu dit ita. Umon jadau gawanin taki wara dahar tomon. Umon katulu ambia taki al kan anziru umon le rija wara le ita, wa umon irtakibu jarima kebir. ²⁷ Kida ita wodi umon fogo al iden ta adaa tomon, al kutu umon fi taab. Fi al zaman ta taab tomon, umon kore le ita , wa ita asuma umon min sama, wa ashan marahim taki al kebir ita rasulu le umon munkis al ankisu umon bara min al ida ta adaa tomon. ²⁸ Lakin bat umon kan ligo raha, umon tani amulu batal gidam taki, wa ita aba umon le al ida ta adaa tomon, kida adaa tomon hukumu fogo umon. Lisa zaman umon rija wa kore le ita, ita asma min sama, wa ketir marat ashan be marahim taki ita ankisu umon. ²⁹ Ita anziru umon kede umon biga rija wara le ganun taki. Lisa umon itamal be unf wa kan ma asuma le wasayat taki. Umon akktau dit kararat taki al wodi haya le ayiwahid al tii umon. Umon biga giladabin wa mayilu ragabtat tomon wa aba le asuma. ³⁰ Le senawat ketir ita itaamalta ma umon wa anziru umon be Roho taki be wasat ambia taki. Lisa umon kan ma asuma. Kida ita wodi umon fogo al ida ta al nas jeranat. ³¹ Lakin be kebir marahim taki ita kan ma amulu nihaya le umon takululu, au aba umon, lianu ita yau Allah rahim wa malian neyima. ³² Hasa bekida, Allah tanina-ita azim, gadir, wa Allah ajib al hafisu tifagia/ahat taki wa muhaba gowisedid-kan ma sibu kulu masakil de kaanu suker le ita al kalas ja fogo nina, fogo muluk tanina, fogo umara tanina, wa fogo kahana tanina, wa fogo ambia tanina, wa fogo judud tanina, wa fogo kulu nas taki min al ayom ta al muluk ta Assur lakadi al yom. ³³ Ita yau adil fi kuluhaja al kan ja fogo nina, lianu ita kalas itamalta be amana, lakin nina kalas amulu batal. ³⁴ Muluk tanina, umara tanina, kahana tanina, wa judu tanina kan ma hafisu ganun taki, wele kutu bal le wasayat taki au ahat kararat taki al be uwo ita anziru umon. ³⁵ Hata fi mamlakaal tomon, zema umon itmata sokol kuwes kebir taki le umon, fi art kebir wa muntija ita kutu gidam tomon, umon kan ma akdim ita au rija wara min sikat tomon batal. ³⁶ Hasa nina yau kadamin fi al art ita wodi le judud tanina le itmata be fuakih tao wa hadayat kuwes tao, wa kalas, nina yau abit fogo uwo! ³⁷ Al gina tala min art ta nina rua le al muluk ita kalas kutu fok nina ashan be katiat tanina. Umon hukumu fogo gisimat ta nina wa fogo haiwanat ta nina ze umon deiru. Nina yau fi dukut kebir. ³⁸ Ashan be kulu de, nina amulu tifagia gowi moktub. Fogo al mustanat moktum yau al asma ta umara ta nina, Lawien, wa kahana.''