¹ Kulu al nas limu ze wahid zol fi al makan fadi fi gidam ta al Buaba Moyo. Umon asalu Ezra al katib le jibu al kitab ta al ganun ta Musa, al Yahuah kan amiru/wasi Israil. ² Fogo al awel yom ta al sahar saba, Ezra al kahin jabu al ganun gidam al jameiya, kulu rujal wa nusuwan, wa kulu al bi agder asuma wa fahim. ³ Uwo gilibu/wajihu al makan fadi fi gidam ta al Buaba Moyo, wa uwo agara min nu min sabah bediri lakadi nusnahar, gidam rujal wa nusuwan, wa ayi zol bi agder fahim, wa kulu al nas asuma beterkis le al kitab ta al ganun. ⁴ Biga Ezra al katib wagaf fok munasa min kasab al nas kan amuku/salau le al garat/sabab de. Wogif jambu tao kan Matttithiah, Shema, Anaiah, Uriah, Hilkiah, wa Maaseiah, fogo tija yomin tao; wa Pedaiah, Mishael, Malkijah, Hashum, Hashbaddanah, Zechariah, wa Meshullam kan wogifin fogo tija samal tao. ⁵ Ezra fata al kitab fi al uyuun/nazar ta kulu al nas, lianu uwo kan wogif befok al nas, wa zaman uwo fata kulu al nas wagaf fok. ⁶ Ezra wodi toshukhurat le Yahuah, Allah al azim, wa kulu al nas arfa fok idenat tomon wa jaubu , ''Amen! Amen!'' Biga umon dengir tehet wa abidu Yahuah ma usat tomon le al wata. ⁷ Kaman Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, Pelaiah-al Lawie_sayidu al nas fahimu al ganun, zema al nas fadulu fi makan tomon. ⁸ Umon agara fi al kitab, Al ganun ta Allah, fasiru uwo wadeh ma tarjima wa wodi al mana kida al nas fihimu al giraya. ⁹ Nehemiah al hakim, wa Ezra al kahin wa katib, wa al Lawien al kan terjimu le al nas kelim le kulual nas, ''De yau yom kudus le Yahuah Allah takum. Ma ta kun kore au geni haznan.'' Lianu kulu al nas kore/baka zaman umon asuma al kilimat ta al ganun. ¹⁰ Biga Nehemiah kelim le umon, ''Rua le sika takum, akulu al semin wa silu hajatani hilu le asurubu, wa rasulu juzu tani le wahid al kan majahisu ayihaja, lianu de yau yom kudus le Rabuna tanina. Kede itakum ma geni haznanin, lianu al farah ta Yahuah yau guwa takum.'' ¹¹ Kida al Lawien sibu al nas le rua, kelim, ''Hush/Askut! lianu yom de yau kudus. Ma takun geni haznanin.'' ¹² Biga kulu al nas masa le sika tomon le akulu wa le asurubu wa le seriku akil wa le iktefilu ma farah azim ashan umon kalas fahimu al kilimat al kan fasiru/besiru biga moruf le umon. ¹³ Fogo al yom nimra itniin al kiadat ta al usar ta judud min kulual nas, al kahana wa al Lawien, ja sawa le Ezra al katib le fahim hikma min al kilimat ta al ganun. ¹⁴ Umon ligo moktub fi al ganun kef Yahuah kan amiru/wasi be wasat Musa gali al nas ta Israil bi geni fi masakin/biut zaman al iktifal ta al sahar saba. ¹⁵ Umon bi amulu al ilan fi kulu mudun tomon, wa fi Arselim, kelim, ''Rua bara al beled fogo jebel, wa jibu min inak furu min zeitun wa asjar zeitun gaba, wa min myrtle/sejera suker muzahar, biro wa asjar dul, le salau masakin/biut, ze uwo biga moktub.'' ¹⁶ Kida al nas masa bara wa jabu al furuhn wa abinu le nefsatomon masakin/biut, ayi wahid fogo ras bet tao, fi madakil tomon, fi al madkal ta al bet ta Allah, fi al makan fadi fi gidam ta al Buaba Moyo, wa fi al midan fi al Buaba ta Ephraim. ¹⁷ Kulu al jameiya ta delin al kan rija min abodia salau masakin/biut wa geni fogo umon. Lianun mini al ayom ta Jeshua welet ta Nun le yom dak, al nas ta Israil kan ma itefilu iktifal de, wa kida farah tomon kan kebir sedid. ¹⁸ Kaman yom wara yom, min al awel yom le al akir, Ezra agara min al kitab ta al ganun ta Allah bi. Umon amulu al iktifal le saba ayom wa fogo al yom tamaniarkan yom dini kas jameyi, fi asuma/taa le al karar.