¹ Wululu le delin al bi katitu le sher, le delin al bi nkatitu sher fi serir tuo. Fi nur ta sabah umon bi amulu ashan umon indu guwa ta amulu. ² Niya tumon bi waga fi mahal zara wa umon bi shilu; niya tumon bi waga fi biut wa umon bi shilu. Umon bi zulumo insan wa bet tuo, insan wa miras tuo. ³ Ashan kida Yahwah bi kelim kida, ''Ayinu, Ana bi ruwa kibu karisa did gebila de, mahal inta ma bi ageder tala ragabta taki. Matakum duru be kibiria lanu zamann ta sher bi ja. ⁴ Fi yom dak nas bi guna gunat an intakum, wa bi kure kure ta waja. Umon bi guna, 'Hal Israel karabu ta kululu; Yahwah bi gairu mahal ta shaab tai. Kef huwo bi shilu min ana? Huwo badilu nassib ta shab tai!''' ⁵ Ashan kida, intakum ya nas al ganiyanin intakum ma indu iyal ashan bi gesimu mahal takum be gura fi majma ta Yahwah. ⁶ ''Umon bi itnaba,'' wa umon bi itkalam. ''Kede umon ma itnaba hajat de; shukul faddiya ma bi ruwa bara.'' ⁷ Hal kede wunuso, ya bet ta Yagub, ''Hal Roho ta Yahwah zalan? Hal de amail tuo hagiga?'' Hal kelimat tai ma kues le delin al adil gidam tai? ⁸ Fi nihaya shaab tai gum fuk ze adu. Intakum bi shilu gemis min gumash, min delin al bi mururu budon kuf, ze asakir al bi rija min nharib le mahal al umon bi fekir amin. ⁹ Intakum bi turju nusuwan ta shaab tai min biut tumon; intakum bi shilu barakat tai min iyal tumon lel abad. ¹⁰ Gum takum wa ruwa takum, lanu de ma mahal al intakum bi geni fugu, ashan shukul wasakan tuo; demiro be damar ta kulu kulu. ¹¹ Kan fi zol ja le inta fi roho ta belid wa wunuso kizib wa kelim, ''Ana bi itnaba le intakum an merisa wa kumur,'' yala bi shilu huwo ze nebi ta shaab de. ¹² Be kulu takid Ana bi limu intakum kulu, ya Yagub. Be kulu takid Ana bi limu bagi ta Israel. Ana bi jibu umon sawa ze kurfan ta zeriba ze ganamayat al fi nus ta zeriba tumon. Bi kun fi izaaj ketir ashan kalam ta jumhur ta nas. ¹³ Zol al bi kasuru wa fata sika le umon bi ruwa gidam tumon. Umon bi tala be baba wa bi ruwa bara; melik tumon bi mururu gidam tumon. Yahwah bi kun gidam tumon.