¹ Fi ayam dak Yohana Mahmadan ja fi sahara(beriya) ta Judea bi gul, ² ''Tubu, ashan molokut ta samawat biga gerib.'' ³ Fa da huwo al kan wonusu be wasat nabi Isaiah, kelimu, ''De sot ta wahid bi nadi bara fi sahara(beriya), Jahizu terig le Rabana, salau terig bitou adil.'' ⁴ Hasa yohana kan bi libisu gumas min shaar ta jemel wa gas abu jilid hawul sulba bitou. Akil bitou kan asharat wa asel. ⁵ bad dak Urselim, kulu Judea, wa kulu akalim al hawil nahar Ordon masha le huwo. ⁶ Yohana amidu umon fi nahar Ordon, bad umon tubu min khatayat bitomon. ⁷ Lakin zaman huwo sufu pharisein kutar wa sadducein ja le huwo ashan amidu, huwo kelim le umon, ''Intum iyal ta debib al indu siim, munu anziru intum ashan bi jere bara min hukum al jai? ⁸ Antiju samar al bi istehik tuba. ⁹ Mata kum fekiru ashan bi kelim beinakum, ' Nihna endina Ibrahim ashan abu bitana.' Fa ana bi kelimkum be inu Allah bi agder bi goumu iyal le Abraham hata kan min hujar del. ¹⁰ Kalas faz kutu jambu irik ta shegerat. Ashan kulu sheger al ma bi antij samar kwes bi gatau tehet wa jadau fi nar. ¹¹ Ana bi amidu intum be moya le tuuba. Lakin huwo al bi ja baad ana kebir mini, wa ana ma bi istehik ashan bi ahmil jizam bitou. Huwo bi amidu intakum be Roho Al Kudus wa be nar. ¹² menjel bitou fi yedu wa bi gata geme bitou wa bi kutu fi Makhzan lakin huwo bi aragu wasak be nar al ma bi batul." ¹³ Bad dak Yesua ja min Galiliya le bahar Ordon ashan bi amidu be Yohana. ¹⁴ Lakin Yohana deir abusu huwo, gal, '' ana deir ashan inta yau bi amidu ana, wa inta bi ja le ana?'' ¹⁵ Yesua juwabu wa kelimu le huwo, '' asmau le hasa, Fa huwo hagiga le nihna ashan bi kamilu kulu biir. bad dak Yohana asmau le huwo. ¹⁶ Bad Amidu huwo, Yesua tala seri min al moyo, wa samawat fata le huwo, huwo ainu Roho Ta Allah jai tehet ze hamam wa nazal le huwo. ¹⁷ Gal, sot ja min sama bi gul,'' De ibni al mahbub. Ana farhan kalis ma huwo.