¹ Kaman Molukot ta samawatz be kun ze ashara nusuwan al azra ali humon silu lamba be tomon wa ruwa ashan be gabilu arise. ² Kamsa min humon belidin wa kamsa negitin . ³ Al belidin de silu lamba be tumon huomn ma silu zet ma humon, ⁴ lakin al negitin de silu bakat ta zet ma lamba tomon. ⁵ Fi zaman al arisea kan akir humon kulu tala naasanin wa humon num. ⁶ Lakin fi nus belel humon asuma sot ta korekore, 'Sof, yahode arise ja! Humon tala bara ashan be gabilu huwo. ⁷ Kaman nusuwan al azra de humon kulu gum fok wa sala lamba be tomon. ⁸ Al belidin kelim le al negitin wodi le anina suyi min zet le anu lambat ta nina bi ruwa batulu. ⁹ alnegitin de juwabu wa kelim bukun ma bi timu anina wa itakum ruwa takum le del al gi-biyu wa biyu takun le itakun ¹⁰ Zaman humon bi ruwa bara ashan biyu, aris bada wasulu, del al jahisin dakalu ma huwo fi iris wa bada gofulu bab. ¹¹ Bad nusuwan al azra de ja humon kelim, Seid, Seid, fata le anina. ¹² Lakin huwo juabu wa kelim, Hagiga Ana bi kelim itakum, ana ma bi arufu itakum.' ¹³ Kede ena takum geni fade ashan itakum ma bi arfu zaman wele saa. ¹⁴ Le anu huwo ragel al bi saril le belat tani. Huwo nadi kadamin bituo wa wodi le humon amuwal bi tou. ¹⁵ Le wahid min humon huwo wadi kamsa wazinat, le tani de huwo wadi itnin, wa le akir de huwo wodi wahid wazim, kulu wahid akudu hisab bi tou hasab gudura bi tou, ragil de ruwa le safiraya bi tou. ¹⁶ Wahid al akudu kamsa wazinat de huwo ruwa amulu be tijara wa huwo ligo faida ta kamsa wozinat tani. ¹⁷ Kaman wahid al akudu itnin wozinat de huwo ligo faida ta itnin tani. ¹⁸ Lakin kadam al akudu wahod wozin de huwo ruwa, hafure fi wata, wadusu gurus ta Seid bito. ¹⁹ Biga bad zaman towil Seid ta kadamin de huwo rija wa bada hasibu humon. ²⁰ Kadam al akudu kamsa wazinat de ja wa jibu kamsa wazinat tani. Huwo kelim, 'Seid, ita wodi le ana kamsa wazinat. Sof, ana amulu kamsa wazinat ziada' ²¹ "Seid bi tou kelim le huwo,'Neima le ita ya kadam al kwes wa amin! Ita kan amin fi hajat al be sit. Ana bi kutu ita fi hajat al ketir. Dakalu fi farah ta Seid.' ²² Kadam al akudu itnin wazinat de ja wa kelim", 'Seid ita wodi le ana itnin wazinat sof ana amulu itnin tani ziada.' ²³ Seid bi tou kelim le huwo, Neima le ita ya kadam al kwes wa amin! Ita kan amin fi hajat besit ana bi kutu ita fi hajat al ketir. Dakalu fi farah ta Seid taki.' ²⁴ Kaman kadam al akudu wahid wazin de ja wa kelim, ''Seid, ana aruf gali ita zal al batal. Ita bi silu hajat al ita ma zara, ita bi limu min al ita ma taban fogo. ²⁵ Ana kafu, yau ruwa dusu wazin taki de fi tehet wata. Ainu ita indu hini al kan fi le ita de. ²⁶ Lakin Seid bi tou juwabu wa kelim le huwo, Ita kadam al batal wa kasilan, ita arufu gali ana bi silu min al ana ma zara wa ana bi limu min al ana ma taban fugo. ²⁷ Ita kan bi wodi gurus bi tai de fi benki, wa akna ana rija ana bi silu gurus tai de ma faida ziada. ²⁸ Ashan kida shiu takum min huwo wozin de wa wodi le kadam al endu ashara wazinat de. ²⁹ Le anu kulu zol al endu, bi wodi le huwo ketir - kaman bi zidu. Lakin le ai zol al huwo ma endu ai haja hata al fi le huwo de bi shilu min huwo. ³⁰ Kadam al batal de jada takum huwo fi doluma bara, hinak bi kun fi kore wa adi sunun. ³¹ Zaman jena ta insan bi ja fi mejed bito wa kulu malaikat bi ja ma huwo, biga huwo bi geni fi kursi ta mejid bito. ³² Kulu nas bi ja fi gidam bito, wa huwo bi ferigu nas min bad bitomon ze rai bi ferigu korufan min ganamayat. ³³ huwo bi kutu kurufan fi ida ta yemin bito lakin ganamayat fi shamal bito. ³⁴ Biga melik de bi kelim le del al fi ida ta yemin bito de, taal takum al bariku min abu bitai. worisu mulukot al jahizu le itakum min bidaya tasis ta donia. ³⁵ Le anu ana kan jiyan itakum wodi le ana moyo; ana kan garib itakum jibu ana fi juwa. ³⁶ ana kan ariyan wa itakum libusu ana; ana kan ayan wa itakum zuru ana; ana kan fi sijin wa itakum ja le ana; ³⁷ Biga nas al adilin de bi juwabu wa bi kelim, ' Rabuna , miten anina aiynu ita jiyan wa anina wodi le ita akil? awu atshan aw anina wodi le ita moyo? ³⁸ miten anina ainu ita garib wa anina shilu ita juwa? awu aryan wa anina libusu ita? ³⁹ miten anina ainu ita ayan awu fi sijin wa anina ja le ita?' ⁴⁰ Biga Melik de bi juwabu wa bi kelim le humon, hagiga ana bi kelim le itakum, ze ma itakum amulu le agala wahid akuwana al sukerin de, itakum amulu de le ana.' ⁴¹ Kaman huwo bi kelim le del al fi shamal bito, wasa takum min ana itakum muluon, le nar al abadia al jahisu le shetan wa malaikat bito. ⁴² le anu ana kan jiyan, lakin itakum ma wodi le ana akil; ana kan atshan, lakin itakum ma wodi le ana moyo ; ⁴³ ana kan garib, lakin itakum ma shilu ana juwa; aryan, lakin itakum ma libisu ana; ayan wa fi sijin, lakin itakum ma aiynu ana.' ⁴⁴ Kaman humon bi juwabu wa bi kelim, 'Rabuna, miten anina aiynu ita jiyan, awu atshan, awu gari, awu aryan, awu ayan awu fi sijin, wa ma kadimu ita? ⁴⁵ Kaman huwo bi juwabu humon wa bi kelim, hagiga ana bi kelim le itakum, kan itakum ma amulu le agala min wahid de, itakum ma amulu le ana.' ⁴⁶ del bi ruwa fi azab al abadia, lakin del al adilin de le haya al abadia."