¹ Bad dak Yesua wonusu le jamahir wa le talamiz tou. ² Huwo gal, ''mulamin bita sheria(ganun) wa Pharisiyin bi gaidin fi kursi ta Musa. ³ Ashan kida ai haja al umon asuru(wasi) intum ashan bi amulu, amulu hajat del wa rahibu umon. Lakin mata kun amulu hajat al umon bi amulu, umon bi kelimu hajat bad dak umon ma bi amulu. ⁴ Nam , umon robutu hajat tegil al saab ashan bi arfau, wa bad dak umon kutu hajat del fi kitfa bita nas. Lakin umon be nufusum ma bi hariku hazba(idan) ashan bi arfau. ⁵ Umon bi amulu amail tomon ashan nas bi ainu. Umon bi amulu hijabat wasi(kubar), wa umon bi kebiru atraf t gumasat tomon. ⁶ Umon bi hibu mahalat ta salatin wa karasi ta salatin al fi biyut ta salawat, ⁷ wa salamat kas fi asuak, wa nas bi nadi umon 'Ilahana'. ⁸ Lakin intum keli ma nadi umon Ilahana,' ashan intum indakum wahid mualim, ⁹ Wa intum akwan. wa keli intum ma nadi ai zol fi ard abu takum, Ashan intum indakum wahid abu bes, wa huwo fi samah. ¹⁰ Keli ma nadi intum mualim' le anu indakum wahid mualim bes, al huwo Al mesih. ¹¹ Lakin zol al agbar min intum bikun khadam bitakum. Zol al bi arfa nefsu bi nezilu , ¹² Wa ai zol al bi nezilu nefsu bi arfau. ¹³ Lakin Woe le inta, mualimin ta ganun wa Pharisiyin, Mumesilin! Intum gofulu molokut ta samah min nas. intum be nufuskum ma dakalu, wa intum abusu nas al dier dakalu. ^{14 15} Woe le inta Mualimin wa Pharisiyin, mumesilin! intum be safir beid ashan bi geiru nas, wa fi wokit(zaman) huwo geiru le diin bitakum, intum geiru huwo maraten wa aktar ashan bikun jena bita johanam. ¹⁶ Woe le inta, intum al amiyanin, intum al bi gul, 'Ai zol ali bi alifu be haikal, ma haja(mafi muskila). Lakin ai zol ali bi alifu be dahab bita haikal, bi robutu huwo be alifa bitou.' ¹⁷ Intum al amiyanin! Sunu yau kebir dahab wele haikal al bi amulu dahab ashan bi kun kudus? ¹⁸ Wa 'Ai zol ali bi alifu be mambar, mafi muskila. Lakin ai zol al bi alifu be hadaya al fi mambar, bi robutu huwo be alifu bitou.' ¹⁹ Intum al amiyanin Sunu yau kebir, hadaya wele mambar al bi amulu hadaya ashan bi kun kudus ²⁰ Ashan kida, zol ali bi alifu be mambar bi alifu be mambar wa ai haja al fi mambar. ²¹ Zol ali bi alifu be haikal bi alifu be haikal wa be zol al aizh fogo. ²² Wa zol ali bi alifu be samah bi alifu be kursi ta Allah wa be zol al bi geni fogo. ²³ Woe le inta, mualimin ta ganun wa Pharisiyin, mumesilin! Intum bi gedimu ushur neina, shabash komun(buharat), lakin intum sibu hajat al mohim ta ganun-adala wa rahma wa iman. Lakin del yau afrud intum bi gedimu(amulu) wa intum afrud ma bi sibu hajat tanin. ²⁴ Intum nas al amiyanin, intum bi safau asharat(baud) bara min moyo lakin intum bi abula jemel! ²⁵ Woe le intum, mualimin wa Pharisiyin, mumesilin! Intum bi nedifu dahar bita kubaya wa sahan ,lakin fi jua tou malayan be tama wa nahab. ²⁶ Intum Pharisiyin al amiyanin! Nedifu kubaya wa sahan min jua, ashan dahar tou bi kun kaman nedif. ²⁷ Woe le intum mualimin ta ganun wa Pharisiyin, mumesilin! Intum ze turba al dugu be buhya abiad, ali bi zahir be bara giyafa, lakin min jua malyan be udam ta nas meitin wa ai haja nijis. ²⁸ Be nefsu teriga, min bara intum bi zahir nas al kwesin(salihin), lakin min jua intum malyan be temsiliya wa nas al ma bi hafisu ganun. ²⁹ Woe le intum Mualimin ta ganun, Pharisiyin, mumesilin! intum abinu gubur(turubat) bita anbiya wa lounu gubur ta nas al kwesin(salihin). ³⁰ Intum i bi gul Izakan nina kan aishin fi zaman bita abuhat bitana, nina kan ma bi shariku ma umon fi dofugu dom bita anbiya.' ³¹ Ashan kida intum sahidu be nufuskum be inu intum iyal bita nas al kan katulu anbiya. ³² Intum kaman amla makan bita abuhat bitakum. ³³ Intum dabaib, iyal bita dabaib al endum sim, intum kef bi jere min hukum bita johanam? ³⁴ Ashan kida, ainu Ana bi rasulu le intum anbiya wa nas al hukama wa mualimin ta ganun.(sheria) Intum bi katulu wa bi selibu tanin, wa intum bi jeledu tanin fi mahalat(biyut) ta salawat wa bi turudu umon bara min medina le medina. ³⁵ Netija tou dom al saleh bi tala min intum al kan dofugu fi ard, dom min Abel al saleh, le dom bita Zecharaih jena bita Barachiah, Ali intum katulu beinu haikal wa mambar. ³⁶ Ana bi kelim le intum hagiga, hajat del kulu bi ja fi ras jil de. ³⁷ Urselim, Urselim, intum al katulu anbiya wa durubu del al rasulu le intum! Ana bi limu iyal bitakum sawa daiman kef, ze gidada bi limu iyal bitou fi tehet jena bitou, lakin intum ma rudu(gablanin) ³⁸ Ainu bet bitakum sibu fadi. ³⁹ Ana bi kelimu le intum, Min hasa Intum ma bi ainu ana lahadi intum bi gul, Baraka le de al bi ja be isim bita Rabana.'''