¹ Zema Yesua ma talamiz tou gerib be Urselim wa ja le Bethphage, fi Jebel Zetun, bad dak Yesua rasulu itnin talamiz, ² kelimu le umon, ''Amshu fi beled al tani de, wa intum tawali bi ligo himar robutu hinak, wa himar abu ragil ma himar al antaya. Fiku umon wa jibu umon le ana. ³ Izakan zol tani kelimu le intum ai kalam an himar itnin del, intum bi kelimu, ' Rabana deir umon,' wa zol dak tawali bi rasulu umon ma-ak.'' ⁴ Hasa de ja fi zaman al wonusu kan be wasat anbiya ashan bi kamil nefsu. Huwo gal, ⁵ ''wori le biniya ta Zion, 'Ainu, Melik bitaki jai le inta, huwo Nezilu nefsu wa rikib himar- fi ras himar sahier al rajil.'' ⁶ Bad dak talamiz masha(rua) amulu nefsu kalam zema Yesua kelimu le umon. ⁷ Umon jibu himar al antaya wa al saheir ali(abu) rajil de wa umon kutu gumasat tomon fi ras hamir del,wa Yesua geni fi ras gumasat del. ⁸ Jamahir tanin wazau gumasat tomon fi sika(share), tanin gata furu bita shejer wazau fi sika. ⁹ Bad dak jamahir al masha(rua) gidam yesua wa del al mashin wara huwo kan bi wonusu be shot fok, ''Hosana le ibin Daud! Baraka le de al bi ja fi isim ta Rabana! hosana fi al aahli!'' ¹⁰ Fi zaman Yesua ja fi Urselim, kulu nas al fi medina Farhanin(moksutin) wa bi gul, ''De munu?'' ¹¹ Jamahir del juwabu, ''De huwo Yesua nebi al min nazerata fi jelil.'' ¹² Bad dak Yesua dakal fi haikal. Huwo turudu kulu nas al bi esteri wa bi biyu hajat fi haikal, wa galabu terbezat bita nas al bi geiru gurus wa kursiyat bita nas al kan bi biyu hamam. ¹³ Huwo kelimu le umon, Huwo moktub, ' Bet bitai bi nadi bet bita salawat,' lakin intum amulu mahal ta haramiah(nahab).'' ¹⁴ Bad dak nas al amiyanin wa nas abukerenagt ja le huwo fi haikal, wa huwo aliju umon. ¹⁵ Lakin fi zaman ruasa bita kuhana ainu hajat al ajib al huwo amulu, wa fi zaman umon asuma iyal bi kelim be asuat fok fi haikal wa gal, Hosana le Ibin Daud,'' umon tala(biga) zalanin. ¹⁶ Umon kelimu le huwo, ''Nam! Lakin intum ma agara, 'Min kasumat bita iyal suhar wa iyal al bi rada intum jahizu tasabi'?'' ¹⁷ Bad dak Yesua sibu umon wa masha bara min medina le Bethany wa geni bilel kulu hinak. ¹⁹ Fi sabah zema huwo raja le medina, huwo biga jiyan. ¹⁸ Huwo ainu sejer tin fi taraf share(sika), huwo masha le sejer de wa ma ligo ai haja ile ursal(warak). Huwo kelim le sejer, Keli ma yekun ai samar min inta tanimara,'' wa sejer de yabiz(mat). ²⁰ Fi zaman talamiz ainu sejer de, umon istagarab wa gal, ''Sejer tin de yabiz seri ze de kef?'' ²¹ Yesua juwabu wa kelim le umon, Ana bi kelim hagiga le intum, Iza kan indakum iman wa mafi shukuk, intum ma bi amulu haja al hasal(amulu) bes le sejer tin de, lakin intum bi kelim hata kan le jebel de, 'Gum wa jadau nefsak fi bahar,' wa bi hasil. ²² Intum kan asalu ai haja be iman min ana, intum bi ligo.'' ²³ Fi zaman Yesua ja fi haikal, ruasa bita kuhana wa siyuk al kan mosulin min nas ja le huwo zema huwo kan bi derisu wa gal, ''Be yatu sulta al inta bi amulu hajat del, wa munu yau wodi le inta sulta de?'' ²⁴ Yesua juwabu wa kelimu le umon, ''Ana kaman bi asalu intum wahid suhal. Iza kan intum wori le ana, Ana bi wori le intum be yatu sulta Ana bi amulu hajat del. ²⁵ ta Yohana ja min wen? Min samah wele min al ard?'' Umon nakisu be nufusum, gal, ''Iza kan nina kelimu 'Min samah,' huwo bi kelimu le nina, 'Le intum bad kida ma amin min huwo?' ²⁶ Lakin iza kan nina kelimu, 'Min nas,' nina bi kafu jamahir, le-anu kulu umon amin be-inu Yohana nebi.'' ²⁷ Bad dak umon juwabu Yesua wa gal, ''Nina ma arufu.'' Huwo kelimu le umon, ''Ana kaman ma bi wori le intum be sulta yatu Ana bi amulu hajat del. ²⁸ Lakin intumj bi fekir sunu? Zol tani indu itnin awulad. Huwo masha le weled al awel wa gal, Weledi, amshi istakal alela fi mazra.' ²⁹ Weled de juwabu wa gal, ' Ana ma bi yemshi,' lakin huwo ja geiru muk bitou wa masha. ³⁰ ''Bad dak zol de masha le weled al tani de wa kelimu nefsu kalam. Huwo juwabu wa gal, 'Ana bi yemshi, ya seid,' lakin huwo ma masha(rua). ³¹ Yatu min iyal al itnin amulu irada bita abu bitou?'' Umon gal, ''weled al awel.'' Yesua kelimu le umon, '' Ana bi kelimu le intum hagiga, nas ta limu daraib wa bita zina bi dakalu fi molokut bita Allah gidam intum. ³² Yohana ja le intum fi sika al hagiga lakin intum ma sedeku. Lakin intum, hata kan intum ainu de, intum ma tubu wa sedeku. ³³ Asuma le amsal tani. Fi kan zol, mosul fi watan, Huwo indu jinena inab, huwo abinu hoz haulu, huwo afuta hufra dakil karam al bi asuru inab ashan bi tala kamur. huwo abinu buruj, wa ajiru le muzariyin ta inab. Bad dak huwo masha fi doula tani. ³⁴ Wokit zaman ta hasat wosulu, huwo rasulu khudam bitou le muzariyin ashan bi jibu samar bitou. ³⁵ Lakin muzariyin del gobudu khudam bitou, umon dugu wahid, katulu tani, wa darubu tani. ³⁶ Zol al mosul de tanimara rasulu khudam tanin, aktar min al awel, lakin muzariyin del amulu nefsu kalam le umon. ³⁷ Bad dak Zol al mosul de rasulu weled bitou le umon, gal, Umon bi ehterimu weled bitai.' ³⁹ Lakin fi zaman muzariyin del ainu weled de, umon kelimu le nufusum, 'de zol al bi warisu hajat del. Tali takum, keli nina katulu huwo wa estelemu al miraz(musulia).' ³⁸ Bad dak umon shilu huwo, jadau huwo bara min jinena inab wa umon katulu huwo. ⁴⁰ Fi wokit(zaman) mosul ta jinena inab de ja, huwo bi amulu sunu le muzariyin ta inab del?'' ⁴¹ Umon kelimu le huwo, ''Huwo bi demiru muzariyin del be teriga al kaab, wa bad dak huwo bi estelemu(ajiru) jinena inab de le muzariyin tanin, ya nas munu yau bi wodi khuta bita samar bitou le huwo fi wokit bita hasad.'' ⁴² Yesua kelimu le umon, Intum ma agara min fi kitab al mukadas, 'Hajer al binayin rafadu kutu biga hajer al zawiya. De kan min Rabana, wa biga zahar '(ajib) haja kwes fi uyun bitana? ⁴³ Ashan kida Ana bi kelimu le intum, Molokut ta Allah bi shilu bara min intum wa bi wodi le doula al bi antij samar bitou. ⁴⁴ Ai zol al waga fi ras hajer de bi kasuru heta heta. Lakin ai wahid al hajer waga fi ras bitou bi kasuru zol de.'' ⁴⁵ Fi zaman ruasa bita kuhana wa pharisiyn del asuma amsal bitou, umon fahimu be-inu huwo bi wonusu an umon. ⁴⁶ Umon bi fetisu ashan gobudu huwo, umon kaifin min jamahir, le anu nas del amin huwo nebi