¹ Fi nefsu zaman talamiz ja le Yesua wa gal, Munu yau kebir fi molokut ta samah?'' ² Yesua nadi jena saheir, wogifu gidam umon ³ wa gal, ''Ana bi kelim le intum hagiga, Ile kan inta aglib ze jena saheir, be ai teriga intum ma bi dakalu fi molokut ta samah. ⁴ Ashan kida, ai zol al bi nezilu nefsu ze jena saheir de kebir fi molokut ta samah. ⁵ Ai zol al bi rahibu jena saheir de fi ism tai bi rahibu ana. ⁶ Lakin ai zol al bi kutu iyal al amin fi ana del amulu katiya, huwo bi kun kwes le huwo ashan bi aligu hajer bita tahuna fi ragabta tou, wa ashan bi katisu huwo fi bahar. ⁷ Woe le duniya al bi sibu nas ashan amulu katiya! fi aslan hajat al bi sibu nas ashan bi amulu katiya, lakin woe le zol al bi sibu zol tani ashan amulu katiya! ⁸ Iza kan idan taki sibu inta amulu katiya, gatau bara wa jadau beid. huwo bi kun kwes le inta ashan bi dakalu fi haya al abadiya bidun idan bidal bi jadau inta fi nar al abadiya indak itnin idan wele itnin kura. ⁹ Iza kan ena taki sibu inta amulu katiya, talau bara wa jada beid min inta. Huwo bikun kwes ashan inta bi dakalu fi haya abadiya bidal inta bi dakalu fi nar abadiya indak kulu uyun. ¹⁰ Keli intum kun harisin ashan intum ma alisu iyal del. ana bi kelim le intum be-inu fi samah maikat tomon daiman bi ainu le wusa ta Abu tai al fi ¹¹ samah. ¹² Inta bi fekir sunu? Iza kan ai wahid indu miya korfan, wa wahid min umon woduru, hal huwo ma bi sibu al tisa wa tisein fi jebel wa mashi ashan bi fetisu wahid al woduru dak? ¹³ Iza kan huwo ligo, Ana bi kelim le intum hagiga, huwo bikun farhan kalis ashan wahid de bidal tisa wa tisein al ma woduru. ¹⁴ Fi nesfu teriga, huwo ma irada bita Abu taki al fi samah ashan wahid min iyal del bi mutu. ¹⁵ Iza kan aku taki al mumin amulu le inta batal, amshi wa wori galad bitou, bein inta ma huwo bes. Iza kan huwo asuma inta, inta amulu alaka tani ma aku taki. ¹⁶ Lakin iza kan ma asuma le inta, shilu wahid zol wele itnin nas tanin ma inta ashan kalam bita itnin wele talata nas bikun hagiga ¹⁷ Wa iza kan huwo aba ashan asuma le umon, wori kalam de le kenisa. Iza kan aba asuma le kenisa, keli huwo yekun ze zol al gheir yahudi wa zol bita daraib. ¹⁸ Ana bi kelim le intum hagiga, ai haja al intum robutu fi ard bi robutu fi sama, wa ai haja al intum fiku fi ard bi fiku fi samah. ¹⁹ Ana bi kelimu tanimara, iza kan itnin minakum rudu fi ard ai haja al umon asalu, bi amulu le umon be Abu bitai al fi samah. ²⁰ Iza kan itnin wele talata nas limu be isim bitai, Ana bi kun fi nus tomon.'' ²¹ Bad dak Buturs ja wa kelimu le Yesua, ''Rabana, Kam marat aku bitai bi amulu le ana batal wa ana bi afi huwo? Lahadi saba marat?'' ²² Yesua kelimu le huwo, ''Ana ma kelim le inta saba marat, lakin sebein fi saba. ²³ Ashan kida molokut ta samah bes ze melik tani al deir ashan amulu hisab ma kadam bitou. ²⁴ Zema umon bi amulu hisabad, jibu wahid kadam tani al kan shalu min huwo alaf min gurus(dahab). ²⁵ Lakin ze huwo ma indu teriga ashan bi dafa, zol bito al mosul wodi wosia ashan bi biyu huwo ma mara wa iyal bitou wa ai hajat al huwo indu, wa ashan bi dafa hajat al huwo kan shilu. ²⁶ Bad dak kadam de waga tehet, dengir gidam huwo, wa gal, 'Ya seid, subur(asbur lei), Ana bi dafa le inta.'ai haja.' ²⁷ Bad dak zol al mosul le gadam de, ze kalam de lemesu huwo, huwo fiku wa afi kadam de ma kulu dein al kan huwo shilu. ²⁸ Lakin kadam dak masha(rua) wa ligo wahid min kadamin bitou, al shilu min huwo miya dinar. Huwo gobudu huwo, amsuku ragbata bitou, wa gal, 'dafa le ana haja al kan inta shilu.' ²⁹ Lakin kadam bitou waga tehet wa asalu huwo, gal, 'Subur(Asbur lei) Ana bi dafa le inta.' ³⁰ Lakin kadam al awel de aba. Huwo(Rua) wa gofulu huwo fi sijin lahadi huwo kan dafa le huwo haja al kan huwo shilu. ³¹ Zaman kadamin al kan ma huwo ainu haja al hasil, umon biga ma murtahin. Umon ja wa wori le zol mosul tomon ai haja al kan hasil. ³² Bad dak zol al mosul bita kadam dak nadi huwo wa kelimu le huwo, 'Inta kadam al sherir, Ana afi inta min kulu diyun ashan inta asalu(shadni) ana. ³³ Inta ma bi ma indak rahma le kadam taki, zema kan indi rahma? ³⁴ Reis bitou(mosul bitou) tala zalan wa istelimu huwo ashan bi azibu lahadi huwo kan dafa kulu hajat al kan huwo shilu. ³⁵ Kaman abu bitai al samawi bi amulu le inta iza kan inta ma afi aku taki min jua gelbak.''